1 PETRU 1:21 - Jinghpaw Common Language Bible 2009

²¹ Madu Yesu hpe si ai kaw na bai hkrung sharawt la nna hpung shingkang ap ya hkrum ai wa a marang e, nanhte Karai Kasang hpe kam sham nga manit dai; shing rai nanhte a makam masham hte myit mada ai lam gaw, Karai Kasang hta jung noi nga ai.

Jinghpaw Hanson Version Bible

²¹ shi a marang e kamsham ai ni, nanhte a matu mara, ndai hpang jahtum ai aten e dan hkung pru wa sai: shing rai, nanhte a makam masham hte myit mada shara gaw, Karai Kasang hta jung nga na ra ai.

1 PETRU 1:21 ပူးပေါင်းရင်းမြစ်များ

SHAKAWN KUNGDAWN 42:5

Ngai hpa majaw nde wa myit n pyaw nga nngai kun? Ngai hpa majaw nde wa ru tsang hkrum nga nngai kun? Ngai gaw Karai Kasang hta myit mada nga let, nye a hkye la Madu hte nye a Karai Kasang hpe kalang mi bai, shakawn na ring ngai.

YEREMIA 17:7

“Rai ti mung, ngai gaw ngai hpe kam hpa nga ai wa hpe shaman ya na nngai.

MAHTE 28:18

Yesu gaw sape ni hpang de sit sa wa nna, “Sumsing lamu hta e mung, ginding aga hta e mung, up hkang na ahkang nlang hte ngai hpe ap ya ni ai.

YAWHAN 12:44

Yesu gaw, “Ngai hpe kam sham ai wa gaw, ngai hpe sha kam sham ai n rai, ngai hpe shangun dat ai wa hpe mung kam sham nga ai,” nga nna nsen kaba hte tsun mu ai.

YAWHAN 14:1

Yesu gaw, “Nanhte myit hkum ru myit; Karai Kasang hpe kam mu, ngai hpe mung kam mi.

YAWHAN 14:6

Yesu gaw, “Lam gaw ngai rai nga nngai, teng man ai hte asak mung, ngai rai nga nngai; ngai hta nna n rai yang kadai mung, nye Wa kaw n du wa lu ai.

YAWHAN 17:1

Dai lam hpe Yesu tsun ngut jang, shi gaw lamu de mada yu nna, “Wa e, nye a ahkying du sali ai. Ngai nsha wa gaw na a hpung shingkang shapraw ya lu n ga, ngai nsha wa a hpung shingkang hpe mung shapraw ya e law.

YAWHAN 17:24

Wa e! Ginding aga garai n lat kaw nna nang ngai hpe tsaw ra nga ndai majaw, ngai e jaw ai nye a hpung shingkang hpe ngai e ap ya da ai masha ni mu lu mu ga, ngai nga ai shara hta shanhte hpe mung nga shangun mayu nngai.

YAWHAN 17:5

Wa e! Ginding aga garai n lat kaw nna nang hte rau ngai lu nga ai hpung shingkang hpe ya aten hta na a man e ngai hpe jaw rit law.

YAWHAN 3:34

Karai Kasang e shangun dat ai wa gaw Karai Kasang a mungga ni hpe tsun nga ai, hpa majaw nga yang, Karai Kasang gaw shi shangun dat ai wa hpe hkum tsup re ai Wenyi jaw wu ai.

KASA 2:24

Rai ti mung si hkrung si htan a n-gun atsam kaw na shi hpe raw dat nna jahkrung sharawt nu ai. Hpa majaw nga yang dai si hkrung si htan gaw shi hpe gyit hkang sharen da na n mai nga ai.

KASA 3:13

Abraham, Isak hte Yaku a Karai Kasang ngu ai anhte ji wa ni a Karai Kasang gaw, shi a shangun ma Yesu hpe hpung shingkang shadan shapraw ya nu ai. Rai ti mung, nanhte chyawm gaw ahkang aya lu ai ni a lata de shi hpe ap kau myit dai rai nna, Pilat du wa pyi shi hpe dat kau na myit daw dan da sayang nanhte mahtang Pilat a man e shi hpe ndang kau myit dai.

KASA 3:15

Nanhte gaw asak jaw ya lu ai wa hpe gaw sat kau myit dai, rai ti mung Karai Kasang gaw shi hpe si ai kaw na sharawt la nu ai rai nna anhte gaw dai lam a sakse ni rai nga ga ai.

KASA 4:10

nanhte nlang hte Israela amyu masha yawng chye ang myit dai, nanhte wudang hta jen sat kau nna Karai Kasang e jasi ni kaw na jahkrung sharawt la ai, Nazaret wa Yesu Hkristu a mying nsang hta ndai wa hkrak sha mai tsai mat nna nang kaw nanhte a man e tsap nga ai.

ROMA 10:9

Shing rai Yesu gaw Madu rai nga ai nga nna na a n-gup ga hte tsun gara yin la nna Karai Kasang gaw si mat ai ni kaw na shi hpe hkrung sharawt la ai hpe na a myit masin hta kam sham n yang gaw nang hkye hkrang la ai hkrum na rin dai.

ROMA 4:24

Anhte a Madu Yesu hpe si mat ai ni kaw na hkrung sharawt la ai wa hpe kam sham ga ai majaw, ding hpring ai ngu nna hkap la hkrum sai anhte a matu mung sha-ang nna ka da nga ai.

2 KORINHTU 6:15

Hkristu hte Satan kaning rai myit mang hkrum lu ma ta? Kam sham ai wa langai mi gaw n kam n sham ai wa langai mi hte kaning rai shabung nna nga lu na rai ta?

EHPESU 1:15

Dai re ai majaw nanhte gaw Madu Yesu hpe kam sham nga myit dai hpe mung, Karai Kasang a masha ni hpe tsaw ra nga myit dai hpe mung ngai na lu ai shaloi kaw nna,

KOLOSE 1:27

Karai Kasang a shatawng shada ai lam gaw, masha amyu baw shagu a matu hpung shingkang rawng nna mauhpa hte sung htum ai mungga a lam shi a amyu masha ni hpe shadan dan na lam rai nga ai. Dai sung htum ai mungga gaw, Hkristu nan nanhte a kraw lawang hta shanu nga ai lam rai nga ai; lam mi hku tsun ga nga yang, nanhte gaw Karai Kasang hte rau dai hpung shingkang hpe hkam la lu na lam rai nga ai.

1 TIMOHTI 1:1

Anhte a hkye hkrang la ai Karai Kasang hte anhte a myit mada shara rai nga ai Madu Yesu a marang e, kasa rai nga ai ngai Pawlu gaw,

1 TIMOHTI 3:16

Anhte a nawku htung makam masham a sung htum ai lam gaw gade kaba la nga ai hpe kadai mung ningdang shara n nga ai gaw lawu de na hte maren rai nga ai. Shinggyim masha a hkum hkrang hte dan pru wa ai hte ding hpring ai wa rai nga ai lam dai Chyoi pra ai Wenyi e shadan dan sai, lamu kasa ni mung shi hpe mu lu manu ai. Shi a lam masha amyu yawng hpe htawn tsun dan manu ai. Mungkan masha ni shi hpe kam sham masai, shing rai shi gaw sumsing lamu de shalun la ai hkrum nu ai.

HEBRE 2:9

Rai ti mung anhte mu lu ai wa gaw Karai Kasang a chyeju a majaw yawng mayawng a matu si hkam lu hkra aten ladaw chyahkring mi laman sha lamu kasa ni hta shagrit da hkrum ai Yesu Hkristu nan rai nga ai. Dai Madu chyawm gaw si hkrung si htan a nni nkri hkam la wu ai majaw, ya hpung shingkang hte arawng sadang janmau shagup da nga ai hpe anhte mu lu ga ai.

HEBRE 6:1

Dai re ai majaw anhte gaw Hkristan makam masham a ga kanu ni hpe tawn kau da nhtawm, makam masham hta kunghpan kaba sai masha ni hte htap htuk ai hkum tsup kunghpan ai sharin shaga ai lam de lahkam sa wa ga. Anhte gaw akyu n rawng amu ni hpe tawn kau da nna Karai Kasang hpe kam sham let,

HEBRE 7:25

Dai rai nna shi gaw shi hpe manoi kam hpa let Karai Kasang kaw sit shang wa ai ni hpe galoi mung hkye mawai la na atsam rawng nga ai; hpa majaw nga yang, shi gaw shanhte a matu Karai Kasang kaw hpyi nem ya na, tut nawng e ahkrung nga ai.

1 PETRU 1:11

Dai hkye hkrang la ai hte seng ai chyeju gaw gara aten aprat hta gara lai hku nna du sa na ra ai lam hpe tam shakut ma ai. Shanhte hta shanu nga ai Hkristu a Wenyi gaw dai aten hta Hkristu hkam na rai nga ai nni nkri lam hpe mung, shing rai hkam ngut ai hpang hkam la na rai nga ai hpung shingkang hpe mung tau hkrau nna madun dan da nga sai.

1 PETRU 1:3

Anhte gaw Madu Yesu Hkristu a Kawa Karai Kasang hpe shagrau sha-a nga ga; hpa majaw nga yang, shi a matsan dum ai myit kaba hte Yesu Hkristu hpe si mat ai kaw nna bai hkrung sharawt la ai a marang e shi anhte hpe asak sumdam ningnan bai jaw da mani ai rai nna anhte hta ahkrung nga ai myit mada shara jahpring shatsup ya mani ai.

1 PETRU 3:22

Yesu Hkristu gaw sumsing lamu de lung mat wa nhtawm, Karai Kasang a hkra maga de anga nga ai rai nna lamu kasa ni yawng hte sumsing lamu na ahkang aya lu ai ni hte, hpung dagu rawng ai ni yawng hpe up hkang nga ai.