1 PETRU 1:17 - Jinghpaw Common Language Bible 2009

¹⁷ Dai hta kaga masha yawng hte hpe myi man n lata ai sha langai hte langai tinang galaw ai hte maren tara jeyang chye ai Karai Kasang kaw nanhte akyu hpyi myit yang, shi hpe, “Wa e,” ngu nna hpyi myit dai, Dai rai nna ndai mungkan hta nanhte asak hkrung nga ai laman hta shi hpe hkrit hkungga nga mu.

Jinghpaw Hanson Version Bible

¹⁷ Dai hta kaga, myi man n tau yu ai sha, langai hte langai a amu hte maren dawdan nga ai Kawa hpe nan, nanhte hpyi shaga myit yang gaw, nanhte manam tai hkawm nga ai aten hte yang, hkrit kamyin ai hte hkan shatup nga mu.

1 PETRU 1:17 ပူးပေါင်းရင်းမြစ်များ

NINGPAWT NINGHPANG 47:9

Yaku gaw, “Bu htawt hkawm ai nye a prat gaw latsa e sumshi ning tup na mat sali ai; dai shaning ni gaw nye a kaji kawa ni a shaning galu bu hkawm ai zawn n re ai sha, kadun ai hte yak la nga li ai,” ngu nna tsun dan wu ai.

1 HKAWHKAM LABAU 29:15

O Madu e, anhte a kaji kawa ni hkrum sha ai zawn, bawng dung hkrum ai hte tsasam masha ni hte maren, anhte a asak hkrun lam hpe lai di nga ga ai. Anhte a shani nhtoi ni gaw shingnip zawn lai mat wa nna si hkrung si htan kaw na n lawt lu nga ga ai gaw nang chye nga ndai.

2 HKAWHKAM LABAU 19:7

Dai Madu anhte a Karai Kasang gaw ru hka amu hta masu hkalem ai lam, myi man tau ai lam hte mayun kumhpa la ai lam ni hpe n yu sharang lu nga ai majaw dai Madu hpe shagrau sha-a nna sadi sahka hte galaw mu.

YOBA 34:19

Shi gaw masha shagu hpe hpan da nga ai majaw, mung up du ni hpang maga n lawm, matsan mayan masha ni hta sut su ai ni a myi man tau ya ai n rai.

SHAKAWN KUNGDAWN 39:12

Madu e, nye a akyu hpyi ai ga hpe na ya e, ngai hpyi jahtau ai nsen hpe madat ya e; ngai hkrap ngu hkrap ngoi nga yang, ngai hpe sa karum la e. Nye a kaji kawa ni yawng zawn, ngai gaw na a manam sha, jahkring mi tai nga nngai.

SHAKAWN KUNGDAWN 89:26

Shi gaw ngai hpe, ‘Nang gaw nye a kawa hte nye a Karai Kasang rai nga ndai, nang gaw ngai hpe makawp maga nga ai wa hte ngai hpe hkye hkrang la ai Madu rai nga ai,’ nga nna tsun na ra ai.

GA SHAGAWP 14:16

Htauli htaula myit rawng ai masha ni gaw ru yak tsin-yam hpe sadi maja let, koi kau ma ti mung, angawk ai masha ni chyawm gaw shanhte nan n dum n dam larau ladau galaw ma ai.

GA SHAGAWP 28:14

Dai Madu a ga hpe tut nawng e, madat mara nga u, shaloi, nang a lu na ra ai; nang lama baw ja nga ai rai yang chyawm gaw hten run mat ai nang hkrum na rin dai.

YEREMIA 3:19

Dai Madu gaw, “Israela e, ngai gaw nang hpe nye a kasha zawn hkap la mayu nngai ngai gaw nang hpe mungkan ting hta awng sharawng mai ai hte grau nna tsawm htum ai mungdan hpe jaw nngai. Ngai gaw nang hpe ngai hpe wa ngu shaga shangun mayu ai hte ngai kaw na galoi mung bai n kayin mat wa shangun mayu nngai.

ZEHPANI 3:9

“Dai hpang, ngai gaw masha amyu baw ni hpe galai kau nna shanhte gaw kaga hpara ni hpe n nawku ai sha ngai kaw chyu akyu hpyi wa na mara ai. Shanhte yawng nye a ga matsun ni hpe madat mara hkan sa na mara ai.

MAHTE 16:27

Hpa majaw nga yang, dai Masha Kasha gaw Kawa a hpung shingkang hte shi a lamu kasa ni hte nawng, du na ra ai; dai shaloi e, tinang galaw ai hte maren langai hte langai hpe htang na ra ai.

MAHTE 22:16

Dai hpang shanhte a sape ni nkau mi hte Herod a hpung kaw na masha nkau mi hpe Yesu hpang de shangun dat mu ai. Shanhte gaw, “Sara e, nang gaw teng man ai lam hpe sha tsun nga ndai hpe anhte chye ga ai. Nang gaw masha a myi man n tau ai sha, masha a matu Karai Kasang a myit ra ai lam hpe teng man ai hku sharin shaga ndai.

MAHTE 6:9

Dai rai nna nanhte ning ngu akyu hpyi mu: ‘Sumsing lamu na anhte a Wa e, Na a mying nsang chyoi pra nga lit ga,

ROMA 11:20

Dai nanhte tsun ai hte maren teng nga ai. Shanhte n kam n sham ai majaw gyi kau ai hkrum ma ai; nanhte chyawm gaw Madu hpe kam sham ai majaw tsanlun hpun hta shara la lu myit dai. Rai ti mung, nanhte gaw dai lam a majaw gumrawng gumtawng rai na malai hkrit kang nga mu.

2 KORINHTU 1:2

Anhte a Wa Karai Kasang hte Madu Yesu Hkristu gaw chyeju hte ngwi pyaw ai lam nanhte hpe jaw ya myit ga law.

2 KORINHTU 5:6

Dai re ai majaw anhte gaw galoi mung nden marai hte hpring nga ga ai. Ndai dinghta hkum hkrang nta hta sha naw anga nga dingsa gaw Karai Kasang a nta hte tsan gang nga ga ai.

2 KORINHTU 7:1

Tsaw ra ai jinghku ni e, ndai ga sadi ni yawng gaw anhte hpe jaw da ai rai nga ai. Dai re ai majaw anhte gaw hkum hkrang hte wenyi hpe awu asin di kau ai matsat shabat nga manga hta na tinang hkum hpe jasan jaseng kau nhtawm Karai Kasang hpe hkrit hkungga let chyoi pra htum ai hku asak hkrung nga ga.

2 KORINHTU 7:11

Nanhte a myit yawn hkyen ai hpe Karai Kasang gara hku jai lang ai lam hpe yu yu mu: dai gaw nanhte hpe gade myit rawt sharawng awng shangun ai, nanhte hta mara n kap ai lam madun dan na myit gade katu shangun ai, kaja ai lam shabyin mayu ai majaw grai myit rawt nna masin pawt ai hte myit kajawng kahpra mat ai, myit hta hkam sha nga ai lam ni, nanhte a kam sham maju jung ai lam, mara lu ai wa hpe ari jaw na matu jin jin rai nga ai lam ni gaw lam shagu hta nanhte mara n lu ai, ngu ai hpe madun dan nga manit dai.

GALATI 2:6

Arawng lu ai ningbaw ningla n san ai ni - shanhte kaja wa ningbaw ningla ni re ai n re ai gaw nye a matu hpa laklai ahkyak n rai nga ai; hpa majaw nga yang Karai Kasang gaw shinggan lam mu mada ai hku yu nna n daw dan ai. Dai arawng lu ai n san ai ningbaw ningla ni gaw ngai hpe hpaji jaw ai lam ningnan hpa mi n nga ai.

EHPESU 1:17

Nanhte Karai Kasang hpe grau nna chye chyap wa myit ga, anhte a Madu Yesu Hkristu a Karai Kasang ngu ai hpung shingkang rawng ai Karai Kasang gaw hpaji byeng-ya hte tau hkrau mu chye lu ai shingran atsam jaw lu ai Wenyi nanhte hpe jaw ya myit ga, Wa Karai Kasang kaw ngai ahpyi nga nngai.

EHPESU 3:14

Ndai lam a majaw sumsing lamu hte ginding aga ntsa e nga ai nta dinghku shagu a teng man ai npawt daju rai nga ai

EHPESU 6:9

Madu ni e, nanhte mung dai hte maren nanhte a mayam ni a ntsa e galaw hkan sa nga mu; shanhte hpe jahkrit ai lam ni jahkring kau mu. Nanhte hte nanhte a mayam ni gaw sumsing lamu hta e Madu langai sha hte seng ai ni rai nna dai Madu gaw langai hte langai hpe myi man n lata ai sha tara daw dan ai wa rai nga ai hpe myit dum nga mu.

TARA JAHPRANG 10:17

Dai Madu nanhte a Karai Kasang gaw Karai ni yawng hta daru magam n-gun tsaw htum ai wa rai nga ai. Shi gaw galu kaba nna chyalai n-gun hte hpring nga ai majaw hkrit kang mai nga ai. Shi gaw masha a myi man hpe tau ai n rai, mayun kumhpa hkap la ai n rai.

HPILIPI 2:12

Dai re ai majaw ngai tsaw ra nga ai ni e nanhte hte ngai rau nga ai aten hta nanhte galoi mung nye a ga hpe madat mara myit dai zawn ya mung nanhte hte tsan gang nga ai ten hta nye a ga madat mara na gaw grau nna pyi ra ahkyak nga ai. Dai rai nna nanhte gaw hkye hkrang la ai lam hpe hpring tsup hkra lu la mu ga hkrit gari ai hte shachyen shatsup nga mu.

KOLOSE 3:25

N ding n man ai hku galaw ai masha shagu hpe shi galaw ai n ding n man ai amu a matu bai htang jaw ai hkrum na ra ai. Hpa majaw nga yang, Karai Kasang gaw tara jeyang ai lam hta myi man tau yu ai lam n nga lu ai.

HEBRE 12:28

Dai rai nna anhte lu la ai mungdan gaw n shamu n shamawt lu ai rai nna, anhte Karai Kasang hpe chyeju dum nga ga. Anhte gaw chyeju dum let hkrit hkungga ai myit hte Madu sharawng awng na hku Karai Kasang hpe nawku daw jau nga ga.

HEBRE 4:1

Ya Karai Kasang gaw anhte hpe ngwi pyaw ban sa ai lam hkam la shangun na nga nna tsun da ai ga ndat jaw da mani ai. Dai ga ndat jaw da sai ngwi pyaw ban sa ai lam hpe nanhte hta na langai mi mung n lu la ai n nga myit ga, anhte sadi nga ga.

1 PETRU 2:11

Ngai tsaw ra ai ni e, nanhte gaw ndai mungkan hta bu hkawm ai tsasam manam ni hte shingbyi nga ai ni zawn rai nga myit dai rai nna, myit masin hte gasat hkat nga ai hkum shan a kayut ai lam ni hpe galoi mung asum n jaw na matu ngai nanhte hpe hpyi nem dat made ai.

1 PETRU 3:15

Nanhte a myit masin ni hta Hkristu hpe hkungga lara ai hte Madu ra ai hku shagrau sha-a nga mu; nanhte hta hkam la da sai myit mada ai lam hpe masha langai ngai san dam ma yang, ga lachyum htai dan lu na matu jin jin rai nga mu.