1 PETRU 1:13 - Jinghpaw Common Language Bible 2009

¹³ Dai re ai majaw, nanhte amu galaw shamu shamawt sa wa na matu nanhte a myit masin ni hpe shajin da mu. Yesu Hkristu dan pru ai shaloi e nanhte hpe jaw ya na ra ai chyeju hpe ung ang ai myit n rawng ai sha amaja nga let tsep kawp myit mada ala nga mu.

Jinghpaw Hanson Version Bible

¹³ Dai re ai majaw, nanhte a myit kraw lawang a nshang hta shingkyit kyit nna, htauli htaula hta grin nga let, Yesu Hkristu dan pru wa ai shaloi e, nanhte hpang de la sa na ra ai chyeju hpe, myit mada nga mu.

1 PETRU 1:13 ပူးပေါင်းရင်းမြစ်များ

1 HKAWHKAM 18:46

Dai Madu a daru magam n-gun gaw Elia kaw du sa nga ai rai nna shi a hpun palawng ni hpe nshang hta ngang ngang kyit let Ahab a shawng e Yezrela mare lam de gat du wa wu ai.

2 HKAWHKAM 4:29

Elisha gaw Gehazi hpang de kayin mada yu nhtawm, “Tin tin rai su! Nye a dawhkrawng hpe lang nna sa wa su. Nang hte hkrum ai masha kadai hpe mung hkum shakram tsap nga et; nang hte shakram ai wa kadai hpe mung aten shama rai hkum tsap nga et. Nta de dingyang sa mat wa nhtawm dai ma a ntsa e nye a dawhkrawng hpe mara da ya e,” ngu nna tsun wu ai.

YOBA 38:3

Ya chyawm gaw, ading jan rawt tsap ai hte ngai nang hpe san ai ga san ni hpe htai u.

YOBA 40:7

Ya, jan rai rawt tsap nna nye a ga san ni hpe htai u.

PRU MAT 12:11

Nanhte gaw bu hkawm na matu bu hpun palawng, lagaw hta hkyepdin din, lata hta dawhkrawng lang da nna, dai lusha hpe tin tin sha na rai myit dai; dai gaw Ngai Madu hpe shagrau hkungga ai Shalai Wa Ai Poi rai nga ai.

ESAIA 11:5

Shi gaw shi a amyu masha ni hpe teng man rap ra ai tara hte ding hpring ai myit hte up na ra ai.

YEREMIA 1:17

Yeremia e, tsun na matu ngai nang hpe hkang da ai lam magup shanhte hpe sa tsun dan su. Ya shanhte hpe hkum hkrit nga et, nang shanhte hte rau nga ai shaloi, ngai nang hpe grau nna pyi hkrit shangun na nngai.

MAHTE 20:4

‘Nanhte mung dai sun de sa wa masu, ging ram ai hte maren ngai nanhte hpe jaw na made ai,’ ngu nna shanhte hpe tsun mu ai.

LUKA 12:35

“Anhte jin jin rai nga na matu nshang e shingkyit kyit nna pyengdin ni hpe shachyi da mu.

LUKA 17:30

Dai Masha Kasha dan pru ai nhtoi hta mung, dai hte maren rai na ra ai.

LUKA 17:8

Kaja wa dai hku tsun na myit dai n rai: dai shangun ma hpe mahtang, ‘Ngai sha na shana shat hpajang u, ngai lu sha ngut hkra, nshang e lawngsap kyit nna, ngai hpe galaw jaw e, dai ngut jang she nang sha lu na ndai,’ ngu na wu ai.

ROMA 13:13

Anhte gaw tang pyaw lam hkan ai hte chyaru nang ai, shawa num gaswi ai, hte ngang kayut ai, ga law ga la ai hte manawn masham ai hpe n hkan ai sha, shani chyingtung a nhtoi hta hkawm sa ai ni zawn anhte ahkawm nga ga.

ROMA 8:19

Karai Kasang gaw shi a kasha ni paw pru na ra ai lam ni hpe hpan da hkrum ai mungkan ting gaw myit n dawt ai hte ala nga ma ai.

1 KORINHTU 1:7

Dai re ai majaw, anhte a Madu Yesu Hkristu dan pru na ra ai hpe ala nga let nga nga yang, nanhte n hkam sha lu ai shaman chyeju ngu na langai mi pyi n nga ai sha yawng hkum dingnum hkam la lu na myit dai.

1 KORINHTU 13:13

Ya chyawm gaw makam masham, myit mada ai hte tsaw ra ai myit ngu ai ndai hte masum nga ai, rai ti mung, dai hte hta grau kaba ai gaw tsaw ra ai myit rai nga ai.

EHPESU 6:14

Dai rai nna nanhte a nshang hpe teng man ai hte shingkyit zawn kyit da nna, ding hpring ai hpe sinda magap zawn dagap nhtawm,

KOLOSE 3:4

Nanhte a asak majing gaw Hkristu rai nna, shi bai dan pru ai shaloi anhte mung shi hte rau hpung shingkang hta dan pru na raga ai.

2 HTESALONI 1:7

Madu Yesu gaw Karai Kasang hpe n dang kau ai ni hte anhte a Madu Yesu a Kabu Gara shiga hpe n madat n mara ai ni hpe ari jaw na matu shi a n-gun atsam rawng ai lamu kasa ni hte rau wan shinglet hte hpawn sumsing lamu de nna dan pru ai shaloi Karai Kasang gaw nni nkri hkrum hkra nga ai nanhte ni hte rau, anhte hpe mung htingtsi hkyamsa lam lu la shangun na ra ai.

2 TIMOHTI 4:5

Nang chyawm gaw hpa baw mabyin masa lam ni hkrum katut wa ti mung na a hkum hpe hkang tawn nna nni nkri hpe hkam sharang u. Dai Kabu Gara Shiga hkaw tsun ai sara amu hpe gun hpai nna, Karai Kasang a shangun ma langai mi hku na a lit nga manga hpe kup tsup hkra gun hpai nga u.

2 TIMOHTI 4:8

Ya kaw nna ding hpring ai tara agyi ngu ai dai Madu gaw, tara jeyang ai Nhtoi hta ngai hpe jaw na rai nga ai dai ding hpring ai asak hkrung lam hte seng ai awng padang janmau hpe nye a matu mazing da nu ai. Ngai hpe sha n rai, shi bai du na nhtoi hpe ra sharawng let ala nga ai ni nlang hpe mung ap ya na ra ai.

HEBRE 10:35

Dai re ai majaw nanhte a nden marai hpe hkum kau hkum tat myit, shing rai yang, nanhte shabrai kaba lu la na marin dai.

HEBRE 3:6

Hkristu chyawm gaw Karai Kasang a nta hpe up ai Kasha re ai hku nna kangka rai sadi dung nga ai. Anhte nden marai rawng nna tinang ni a kabu gara myit mada ai lam hpe jahtum du hkra myit mu myit hkut ai hte ngang ngang kang kang manoi nga ga yang gaw, Karai Kasang a nta masha ni rai nga ga ai.

HEBRE 6:19

Anhte gaw dai myit mada shara hpe anhte a asak hkrung lam a matu hpri chyinghkyi langai mi zawn hkam la lu saga ai. Dai myit mada ai lam gaw shim ai hte grin ai lam rai nna sumsing lamu na htingnu kata a nba grang kata maga gawk de waw lai hkrang shang wa sai.

HEBRE 9:28

Dai hte maren Hkristu mung masha law law a yubak mara hpe kalang mi hte ngut hkra gun kau ya na matu shi a hkum hpe hkungga shatai nna nawng kau nu ai. Yubak gun kau ya ai lam hte n seng ai sha shi hpe ala nga ai ni hpe hkye hkrang la na matu lahkawng lang ngu na bai dan pru na ra ai.

1 PETRU 1:10

Ndai hkye hkrang la ai lam hte seng nna myihtoi ni gaw akri akrai sawk tam jep yu nhtawm, Karai Kasang nanhte hpe jaw na rai nga ai dai chyeju kumhpa a lam shanhte myihtoi htoi htawn tsun ma ai.

1 PETRU 3:15

Nanhte a myit masin ni hta Hkristu hpe hkungga lara ai hte Madu ra ai hku shagrau sha-a nga mu; nanhte hta hkam la da sai myit mada ai lam hpe masha langai ngai san dam ma yang, ga lachyum htai dan lu na matu jin jin rai nga mu.

1 PETRU 4:7

Arai yawng mayawng a hpang jahtum ai aten gaw ni wa magang ra ai, Dai re ai majaw nanhte gaw akyu hpyi lu na matu tinang hkum hpe hkang da nna su hprang let majen maja nga mu.

1 PETRU 5:12

Ngai gaw ndai laika kadun ni hpe Sila a karum ai hte ka dat we ai; shi gaw ngai grai kam lu ai kangka ai Hkristan hpu nau wa langai mi rai nga ai ngu nna ngai sawn da ai rai nga ai. Ndai gaw Karai Kasang a teng man ai chyeju rai nga ai lam ngai nanhte hpe n-gun jaw let sakse hkam na matu ndai laika ka dat nngai, Dai hta ngang ngang tsap ngu mu.

1 PETRU 5:8

Nanhte htauli htaula rai nga mu! Nanhte a hpyen wa ngu ai Satan gaw, kadai hpe kawa mayu sha kau lu na i? nga nna shabam ai hkanghkyi zawn ningwan hkawm nga ai.

1 YAWHAN 3:3

Hkristu hta dai myit mada shara lu ai masha shagu gaw, Hkristu nan chyoi pra nga ai hte maren tinang hkum hpe mung shachyoi shapra da nga ai.