1 PETRU 1:1 - Jinghpaw Common Language Bible 2009

¹ Yesu Hkristu a kasa, ngai Petru gaw Pontu mung, Galati mung, Kapadokia, Asi hte Behtuni mung hkan e tsasam manam zawn nga shingbyi hkawm nga ai Karai Kasang a lata la ai amyu masha ni hpang de laika ka dat nngai.

Jinghpaw Hanson Version Bible

¹ Yesu Hkristu a kasa, ngai Petru gaw, Wa Karai Kasang a moi na chye chyang ai a majaw, dai Wenyi a shachyoi shapra ai hta, madat mara nna, Yesu Hkristu a asai hte lapri ai chyeju hkam la lu na,

1 PETRU 1:1 ပူးပေါင်းရင်းမြစ်များ

ESHTA 3:8

Dai rai nna Haman gaw hkawhkam wa hpe, “Na a hkawseng mungdan na mungdaw shagu hkan amyu baw langai hkran nga ai hpe mu nngai. Shanhte gaw kaga masha ni kadai hte mung n bung ai htung lailen ni hkan nga ma ai. Dai hta grau nna shanhte gaw hkawseng mungdan na tara ni hpe n madat nga ma ai majaw shanhte hpe yu hkam sharang nna mung nang hta hpa akyu mi n hkam la lu na ndai.

SHAKAWN KUNGDAWN 44:11

Sagu ni hpe zawn anhte hpe sat kau na matu, nang ahkang jaw kau nit dai; nang gaw anhte hpe maigan mungdan ni de shabra kau nit dai.

EZEKELA 6:8

“Ngai gaw nkau mi hpe sat sharu kau ai kaw na shalawt nna, masha amyu baw ni a lapran e shabra kau ai hte,

JAW JAU 26:33

Ngai gaw nanhte a ntsa e hpyen majan byin shangun nna maigan mung ni de shabra kau na made ai. Nanhte a mungdan gaw katsi katsang tai mat nna mare ni mung hten run taw mat na ra ai.

MAHTE 10:2

Ya dai kasa shi lahkawng a mying ni gaw ndai ni rai nga malu ai; shawng na wa Petru ngu ai Simun hte shi a kanau Andre; Zebedi a kasha Yaku hte shi a kanau Yawhan;

MAHTE 24:22

Karai Kasang gaw dai nhtoi ni hpe shayawm kau nu ai; shi shing n di yang gaw, kadai mung hkrung nga lu na ra ai n rai. Rai ti mung shi a lata la ai masha ni a matu mara, Karai Kasang gaw dai nhtoi ni hpe shayawm kau na ru ai.

MAHTE 4:18

Ya, Yesu Galile nawng makau e garet hkawm nga yang, shan nau rai nga ai nga hkan sha ai masha marai lahkawng, Petru ngu ai Simun hte shi a kanau Andre yan gaw, shan a sumgawn langai mi hte nawng hta e nga hkan nga ma ai hpe shi mu hkrup wu ai.

LUKA 18:7

Karai Kasang gaw, shi hpe shani shana karum la na matu hpyi jahtau nga ai, shi a lata la ai amyu masha ni a maga de, tara n dara ya ai nga na wu ni?

YAWHAN 11:52

Shing rai si hkam ai lam gaw dai amyu a matu sha n rai, shara shagu hkan bra nga ai Karai Kasang a amyu masha ni hpe langai sha di nna, shinggyin jahpawng da na matu si hkam lu na re ai, ngu nna mung myihtoi ga hte tsun ai, rai nga ai.

YAWHAN 7:35

Ahkang aya lu ai Yuda masha ni gaw, “Anhte n mu hkra ndai wa gaw gade sa wa na ra ai i? Yuda masha ni nga bra hkawm nga ai Grik mare ni de sa nna Grik masha ni hpe hkaw tsun sharin shaga na ra ai kun?

KASA 18:2

Dai mare hta Pontu mung e shangai ai Akula mying ai Yuda la langai mi hte hkrum wu ai; Dai wa gaw, Yuda masha nlang Roma mare na pru wa lu na nga nna Hkawseng Klawdi mungga shapraw dat ai majaw, madu jan Priskila hte rau Itali mung na htawt wa ai gade garai n na yang,

KASA 18:23

Dai kaw tawng marang mi nga nhtawm, shi bai pru nna Galati mung hte Hprugi mung hpe ga lai sa wa let, kam sham ai ni nlang hpe shadaw shangang nga ai.

KASA 19:10

Shing rai ni ning tup tsun bawng sharin shaga nga ai rai nna, Asi mung ting hta nga ai Yuda masha ni hte Grik amyu masha ni nlang Madu a mungga na la lu ma ai.

KASA 6:9

Rai ti mung Kureni mung hte Alexandru mare na Yuda ni lawm ai ‘Shanglawt’ ngu ai tara jawng hte seng ai ni, bai, shanhte hte rau Kiliki hte Asi kaji mung na Yuda amyu masha nkau mi rawt nna Stehpan hte ndang kalang hkat hpang wa ma ai.

KASA 8:4

Shara shagu bra hkawm mat ai dai kam sham ai ni gaw dai Kabu Gara Shiga hpe hkaw tsun nga ma ai.

1 KORINHTU 16:19

Asi mung na Hpung ni gaw nanhte hpe shakram dat ma ai. Akula yan Priska hte shan a nta e jawm hkrum nna nawku ai hpung masha ni mung, Hkristan tsaw ra myit hte nanhte hpe grai wa shakram dat ma ai.

2 KORINHTU 1:8

Hpu nau ni e, Asi mung e anhte hkrum sagaw ai tsin-yam tsindam a lam nanhte hpe bai shadum mayu ga ai. Anhte a ntsa e dip gamyet ai nni nkri ngu ai lit ni gaw kaba la ai hte li la ai majaw, anhte gaw asak hkrung na matu pyi n myit mada mat hkra rai saga ai.

GALATI 1:2

nang e ngai hte rau rai nga ai hpu nau ni yawng hte Galati mung na hpung ni hpang de laika ka nna shakram dat ga ai.

EHPESU 2:12

Dai aten hta nanhte gaw Hkristu hte daw hka mat ai ni, Karai Kasang lata la ai amyu masha ni hta n lawm ai sumtsan masha ni, shi a amyu masha ni hpe jaw da ai ga shaka hte seng ai ga ndat ni hta tsasam ni rai nna, mungkan hta myit mada shara mung, Karai Kasang mung n lu ai sha, pra nga ai masha ni rai lai wa manit dai hpe dum nga mu.

EHPESU 2:19

Dai re ai majaw, ya gaw, nanhte maigan masha ni, shing n rai malet nhprang tsasam manam ni n rai manit dai; nanhte gaw Karai Kasang a masha ni hta lawm ai mung chying sha ni rai nna Karai Kasang a dinghku masha ni rai nga myit dai.

TARA JAHPRANG 28:64

Dai Madu gaw ginding aga htum maga mi kaw nna, ginding aga a maga mi de du hkra masha amyu ni yawng hpang de nanhte hpe shabra kau na ra ai. Shing rai nang hte nanhte a nji nwa ni pyi shawng de galoi mung n nawku yu ai dai hpun nlung hte galaw ai hpara ni hpe nawku daw jau na marin dai.

TARA JAHPRANG 32:26

Kadai mung shanhte hpe n dum lu manu ga, shanhte hpe ngai tsep kawp shamyit kau na mawe ai.

TARA JAHPRANG 4:27

Dai Madu mung nanhte hta kachyi mi sha ngam mat hkra, nanhte hpe kaga masha amyu baw ni a kata de shabra kau na marin dai.

2 TIMOHTI 1:15

Nang chye nga ndai hte maren, Hpugelu yan Heramoge hte hpawn Asi kaji mung e nga ai ni yawng ngai hpe kau da mani ai.

HEBRE 11:13

Ndai masha ni yawng gaw dai makam masham hta si wa masai. Shanhte gaw Karai Kasang jaw da ai ga sadi hte seng ai sali wunli hpe n hkam la lu ma ai, rai ti mung shanhte hpe tsan tsan kaw nna mu mada ai hte hkap tau hkalum la ma ai. Shanhte gaw ndai ga ntsa e chyasam hte malet nhprang shingbyi manam sha tai nga ma ai hpe asan sha yin la ma ai.

YAKU 1:1

Karai Kasang hte Madu Yesu Hkristu a shangun ma rai nga ai Yaku kaw nna mungkan ting de chyam bra nga ai Karai Kasang a masha ni hpang de shakram dat ai.

1 PETRU 2:11

Ngai tsaw ra ai ni e, nanhte gaw ndai mungkan hta bu hkawm ai tsasam manam ni hte shingbyi nga ai ni zawn rai nga myit dai rai nna, myit masin hte gasat hkat nga ai hkum shan a kayut ai lam ni hpe galoi mung asum n jaw na matu ngai nanhte hpe hpyi nem dat made ai.

2 PETRU 1:1

Yesu Hkristu a mayam hte, kasa tai nga ai, ngai Simun Petru gaw, anhte a Karai Kasang hte hkye hkrang la ai Madu Yesu Hkristu a ding hpring ai lam hta anhte zawn hpu la ai makam masham lu la nga ai ni hpang de ga shana dat nngai.

SHINGRAN 1:11

Dai nsen gaw, “Nang mu ai hte maren laika hta ka la nhtawm, dai laika hpe Ehpesu, Samurna; Pergamu, Htuatira, Sardi, Hpiladehpi hte Ladoki mare ni hta nga ai hpung sanit hpang de shagun dat u,” nga ai.