1 KORINHTU 9:9 - Jinghpaw Common Language Bible 2009

⁹ “Mam kabye ai nga a n-gup hpe ka dagraw ya lu na n rai,” nga nna Mawshe a tara hta ka da nga ai. Ning nga tsun ai hta, Karai Kasang gaw usu ni hpe chyu sha tsang nna tsun nga ai kun?

Jinghpaw Hanson Version Bible

⁹ Kaning rai nme law, Mam kabye ai nga a n-gup hpe ka dagraw ya lu na n rai, nga nna Mawshe a tara hta e ka da nga ai. Karai Kasang gaw usu ni hpe sha tsang nga ai kun? shing n rai, anhte a matu teng teng tsun nga ai kun?

1 KORINHTU 9:9 ပူးပေါင်းရင်းမြစ်များ

SHAKAWN KUNGDAWN 104:27

Dai ni yawng gaw ra ai aten hta lusha shahpa jaw ya na matu; nang Madu hpe shamyet shanat nga ma ai.

GA SHAGAWP 12:10

Mai kaja ai masha wa gaw tinang a yam nga ni hpe, yu lanu lahku chye nga ai; tara n lang ai masha ni chyawm gaw dai yam nga ni hpe sheng mareng rai ma ai.

ESAIA 28:28

Shanhte gaw hkaulan mam nsi hpe nhtum nni rai kabye anut jahten kau ai n rai; nsi ni n machyi mat hkra, de a ntsa e dumsu leng hte kaning rai kabye la na gaw shanhte chye nga ma ai.

YONA 4:11

Dai re ai mi, tinang a hkra lata hte pai lata hpe pyi n chye ginhka ai masha sen mi mun lahkawng hte yam nga law law nga ai Ninewe mare kaba hpe ngai grau nna lahpawt dum mai ang nga ai!,” ngu nna tsun wu ai.

ROMA 4:23

“Karai Kasang gaw shi hpe ding hpring ai wa ngu nna hkap la wu ai,” ngu ai ga gaw Abraham langai mi hpe chyu sha sha-ang nna ka da nga ai n rai.

TARA JAHPRANG 25:4

“Mam kabye ai dumsu n-gup pat ya lu na n rai.

TARA JAHPRANG 5:14

rai ti mung sanit ya nhtoi gaw nye a matu ap nawng da ai bansa ai shani rai nga ai; dai shani e, nang hte na a shayi shadang sha ni mung, nanhte a mayam ni mung, yam nga ni mung, nanhte a mung hta shanu nga ai maigan masha kadai mung magam bungli shachyen lu na n rai. Nanhte bansa la lu myit dai hte maren mayam ni mung ban sa la na ra nga ma ai.

1 TIMOHTI 5:18

Hpa majaw nga yang Chyum Laika hta, “Mam kabye nga ai dumsu a n gup hpe ka dagraw da ya lu na n rai; bai amu galaw ai wa gaw shi a shabrai hkam la lu na rai nga ai,” nga nna tsun nga ai.