1 KORINHTU 9:6 - Jinghpaw Common Language Bible 2009

⁶ Ngai hte Barnaba an chyu sha lu na sha na, a matu amu galaw lu na rai nga a ni?

Jinghpaw Hanson Version Bible

⁶ Ngai hte Barnaba chyu sha lata bungli tawn da mayu yang, ahkang n lu ga ni?

1 KORINHTU 9:6 ပူးပေါင်းရင်းမြစ်များ

2 HKAWHKAM 6:2

Yawdan hka kau de sa nna, anhte nga na shara lu galaw la hkra, hpun loi mi sa kran na ahkang anhte hpe jaw mi,” ngu tsun ma ai.

NEHEMIA 10:36

Anhte gaw anhte hta na shawng shangai ai kasha alat ni hpe madat da sai Tara hte maren, Nawku Htingnu e nga ai hkinjawng ni hpang de woi sa nna Karai Kasang hpe ap ya na ga ai. Anhte gaw dumsu kanu shagu kaw na shawng hkai ai dumsu kasha hte anhte a sagu bainam shagu hta na shawng hkai ai sagu kasha, bainam hkalung ni hpe mung nawng ya na ga ai.

KASA 11:22

Ndai lam shiga Yerusalem na hpung a na hta kajai gumhkawng shang wa ai rai nna shanhte gaw Barnaba hpe Antioki mare de shangun dat mu ai.

KASA 13:50

Rai ti mung Yuda masha ni gaw mare na du agyi salang ni hte Karai Kasang hpe nawku kam sham ai lahta tsang maigan amyu num sha ni hpe myit sharawt jashut nhtawm Pawlu Yan Barnaba hpe zingri zingrat di shangun ai hte, shanhte a lamu ga kaw na gawt shapraw kau ma ai.

KASA 14:12

Shanhte gaw Barnaba hpe Zeu, Pawlu hpe ga shaga ai lam hta ningbaw tai nna woi awn ai wa re majaw Herme ngu nna shamying mu ai.

KASA 18:3

shan gaw Pawlu zawn janghpang chywi sha ai ni rai nga ma ai. Dai rai nna, Pawlu gaw shan kaw sa nna shan hte rau amu jawm galaw let nga nga ai.

KASA 4:36

Dai shaloi Kupru mung na Lewi masha Yosep ngu ai wa nga ai. Shi hpe kasa ni e Barnaba ngu nna mying hkawt shamying mu ai. (De a lachyum gaw shalan shabran n-gun jaw ai wa ngu ai re)

1 KORINHTU 11:16

Rai ti mung marai langai ngai, dai lam hte seng nna ndang kalang hkat mayu dam a yang gaw, anhte hta mung, Karai Kasang a hpung ni hta mung, nawku daw jau ai hpawng hta, htung lai kaga n nga ai, ngu nna dai wa hpe ngai tsun na we ai.

2 KORINHTU 11:8

Ngai nanhte kaw amu gun hpai nga ai ten hte hta kaga buga hpung ni ngai hpe madi shadaw ma ai, dai gaw nanhte hpe karum la na matu kaga buga hpung ni kaw na ngai mya la ai re ngu ga.

1 HTESALONI 2:9

Hpu nau ni e anhte gade daram amu bungli galaw shakut shaja lai wa saga ai hpe kaja wa nanhte dum nga myit dai. Nanhte hpe hpa lit n shali n shayak sha u ga, anhte gaw anhte a kan bau bungli hpe shani shana galaw shakut let Karai Kasang a Kabu Gara Shiga hpe hkaw tsun ga ai.