1 KORINHTU 9:5 - Jinghpaw Common Language Bible 2009

⁵ Kasa kaga ni, Madu a kanau ni hte Petru re ai ni a kasi hkan ai hku nna, ngai hkawm sa ai shaloi kam sham ai madu jan woi hkawm na ahkang n lu a ni?

Jinghpaw Hanson Version Bible

⁵ Kasa kaga ni hte, Madu a kanau ni hte Kehpa zawn, kamsham ai madu jan woi hkawm na ahkang, anhte n lu ga ni?

1 KORINHTU 9:5 ပူးပေါင်းရင်းမြစ်များ

Shawlumon A Mahkawn Ga 4:12

Nye a nja jan, nye a num nnan e, nang gaw makoi magap da ai sun, shakum kum ai sun hte madu da sai hka hpawk rai nga ndai;

MAHTE 13:55

Shi gaw laksama wa a kasha re ai, n rai ni? Shi a kanu Mari mying ai hte, shi a kanau ni, Yaku, Yosep, Simun hte Yuda rai nga ma ai n rai ni?

MAHTE 8:14

Yesu gaw Petru a nta de shang yang, Petru a kani yup ra hta hkali bu taw nga ai hpe mu hkrup wu ai.

MARKU 1:30

Simun a kani hkum kahtet nna yup ra e machyi taw nga ai. Yesu du sa wa ai hte rau dai lam shi hpe tsun dan mu ai.

MARKU 6:3

Shi gaw Mari a kasha laksama wa rai nga ai hte Yaku, Yosep, Yuda, Simun ni a kahpu shi rai nga ai n rai ni? Shi a kajan ni mung anhte hte rau nang e nga nga ma ai n rai ni?,” nga nna san ma ai. Shing rai shanhte shi a lam myit kataw nna shi hpe n hkap la ma ai.

LUKA 6:15

Mahte yan Htawma; Alhpe a kasha Yaku yan amyu hpe tsaw ra ai Zelutu ngu ai Simun;

LUKA 8:20

Dai shaloi masha marai langai mi gaw Yesu hpe, “Na nnu hte nnau ni nang hpe hkrum mayu nna shinggan e tsap nga ma ai,” ngu nna tsun wu ai.

YAWHAN 1:42

Dai hpang shi gaw Simun hpe Yesu hpang de woi sa wu ai. Yesu gaw shi hpe hkap yu nna, “Nang gaw Yawhan a kasha Simun rai nga ndai; rai ti mung nang hpe Kehpa ngu nna shamying na rai nga ai,” ngu wu ai. (Kehpa ngu ai gaw Petru (Nlung) ngu ai lachyum re.

YAWHAN 2:12

Dai hpang Yesu gaw, shi a kanu, kanau ni hte sape ni hte rau Kaperna-um mare de yu wa nna, dai yang e nhtoi mali manga ya hkring nga ma ai.

KASA 1:14

Shanhte nlang hte gaw, Yesu a kanu Mari hte kaga numsha ni mung shi a kanau ni hte mung, akyu hpyi na matu ya sha ya sha myit mang langai sha hte hpawng nga ma ai.

ROMA 16:1

Kenhkrea hpung hta daw jau amu galaw nga ai anhte a kajan kana Hpobe hpe nanhte hpang de tau madi shadaw dat nngai.

1 KORINHTU 1:12

Ngai ning ngu nna tsun made ga, nanhte hta na masha nkau mi gaw, “Ngai gaw Pawlu a sape rai nngai; ngai gaw Apolo a sape rai nngai; ngai gaw Petru a sape rai nngai; ngai gaw Hkristu a sape rai nngai,” nga nna nanhte langai hte langai shai ai hku tsun hkat shajang nga myit dai.

1 KORINHTU 7:15

Rai ti mung, dai n kam n sham ai madu wa shing n rai, madu jan hka mayu yang hka wa u ga, dai zawn re ai amu hta Hkristan re ai madu wa, shing n rai madu jan gaw n dut n dang galaw na ahkang lu nga ai rai nna, Karai Kasang gaw nanhte hpe ngwi pyaw sim sa ai hte nga lu na shaga da manit dai.

1 KORINHTU 7:39

Hkungran sai num langai mi gaw, shi a madu wa ahkrung nga dingsa shi hte naw makyit nga ai; rai ti mung, madu wa si mat sayang gaw shanglawt lu sai rai nna shi ra ai kadai wa hte rai tim, hkungran lu sai. Rai ti mung, dai hkungran ai lam gaw Hkristan lasha hte rai ra nga ai.

1 KORINHTU 7:7

Kaja wa nga yang, masha yawng mayawng hte hpe ngai zawn rai shangun mayu nngai; rai ti mung langai hte langai gaw Karai Kasang kaw na tinang a laklai ai chyeju kumhpa lu shajang ma ai; marai langai mi amyu mi, kaga wa amyu mi lu la shajang ma ai.

1 KORINHTU 7:8

Ya garai n hkungran ai ni hte, gaida jan ni hpe ngai tsun nngai gaw, ngai zawn matut nna nga mat wa yang nanhte a matu grau nna mai kaja na re.

GALATI 1:19

Dai Madu a kanau Yaku hta kaga kasa gale kadai hpe mung ngai n mu nngai.

1 TIMOHTI 3:2

Hpung a ningbaw ningla langai mi gaw, mara n kap ai wa, madu jan langai sha lu ai wa, sadi sahka re ai wa, tinang hkum hpe hkang lu ai wa, masa hte hkrak rai nna asak hkrung ai wa, shi a nta hta tsasam manam ni hpe hkap hkalum daw jau na sharawng ai wa; sharin shaga chye ai wa, rai ra ai.

1 TIMOHTI 4:3

Shing re ai masha ni gaw hkungran ai hpe pat hkum da nna shahpa nkau mi hpe koi na matu sharin ma ai. Rai ti mung kam sham ai ni hte dai teng man ai lam hpe chye chyang ai ni gaw chyeju shakawn akyu hpyi nna sha lu na matu Karai Kasang gaw dai shahpa ni hpe hpan da nu ai.

1 TIMOHTI 5:2

hpawmi ni hpe kanu ni hpe zawn, mahkawn ni hpe kajan kana ni hpe zawn tsep kawp san seng ai myit hte shadum shahprang nga u.

TITU 1:6

Dai hpung salang wa gaw mara n rawng ai wa, num langai sha lu ai wa, rai ra ai. Shi a kasha ni gaw Madu Yesu hpe kam sham ai ni rai ra ai. Zai ai arawn alai hte ga n madat ai lam hta mying pru ai kashu kasha lu ai wa n rai na.

HEBRE 13:4

Hkungran ai lam hpe masha yawng mayawng hkungga shagrau lu na rai myit dai hte madu wa madu jan shada da a ntsa e sadi dung nga lu na rai myit dai; Karai Kasang gaw arawn alai hten ai ni hte num shaw la shaw ai ni hpe jeyang na ra ai.