1 KORINHTU 9:21 - Jinghpaw Common Language Bible 2009

²¹ Dai hte maren, tara maigan ni kaw magam gun ai shaloi, shanhte hpe Hkristu hpang de lum la lu hkra, Yuda tara hpe n hkan ai sha tara maigan masha langai mi zawn ngai tai nngai. Ning ngu yang, ngai gaw Karai Kasang a tara n hkan n sa ai wa re ngu mayu ai n rai, kaja wa ngai gaw Hkristu a tara npu e nga ai wa rai nga nngai.

Jinghpaw Hanson Version Bible

²¹ Ngai hkum Karai Kasang kaw tara kata ai wa n rai, Hkristu a tara npu e nga ai wa ngai rai nga nngai rai timung, tara kata ai ni hpe lum la lu hkra, tara kata ai ni hta e, tara kata ai wa zawn, ngai tai nga nngai.

1 KORINHTU 9:21 ပူးပေါင်းရင်းမြစ်များ

SHAKAWN KUNGDAWN 119:32

Nang ngai hpe chye na lu ai myit nyan hpaji hpe grau jaw ya na rai nga ndai majaw, na a hkang da ai tara ni hpe sharawng awng ai myit hte ngai madat mara hkan sa nga na nngai.

KASA 15:28

Nanhte a matu gaw ra ahkyak ai hkang da ai tara rai nga ai, hpara sumla ni hpe nawng jau ai malu masha ni hpe n sha na, sai hpe n sha na, du manat sat ai shan hpe n sha na hte ndaw liknga n se n sa koi gam lu na lam hta kaga, lit shaje nanhte hta shagun shara n nga ai ngu nna Chyoi pra ai Wenyi hte anhte myit hkrum ga ai.

KASA 16:4

Shanhte gaw dai mare ni hpe ga sa wa let, Yerusalem na kasa ni hte salang ni daw dan da ai tara ni hpe tsun sanglang dan ai hte kam sham ai ni madat mara hkan sa na matu matsun da ma ai.

KASA 21:25

Kam sham ai maigan masha ni a matu chyawm gaw sumla ni hpe nawng jau ai hpa lusha rai rai asai du manat sat ai shan, ndaw liknga n se n sa lam koi gam na matu anhte daw dan nna laika ka nna shana ngut saga ai,” ngu nna tsun mu ai.

ROMA 2:12

Mawshe a Tara hpe garai n chye ai maigan masha ni yubak mara galaw ma ai shaloi jep ai Tara hte n re ai sha sum hkrum na mara ai, rai ti mung Yuda ni gaw Tara lu ma ai majaw shanhte yubak galaw nna Tara hte tara dara ai hkrum na mara ai.

ROMA 2:14

Maigan masha ni gaw dai Tara n lu ma ai rai ti mung Tara a hkang da ai lam ni hpe tinang a hkrit tsang ai myit hte hkan galaw ai shaloi dai Tara gaw shanhte a tara tai wa ma salu ai.

ROMA 7:22

Nye a kraw lawang myit gaw Karai Kasang a Tara hta kabu gara sharawng awng nga ai.

ROMA 7:25

Anhte a Madu Yesu a marang e mawai la ai Karai Kasang a chyeju hpe ngai shagrau sha-a nngai! Dai rai nna nye a mabyin gaw ndai hku rai nga li ai; Nye a myit mang ai hte Karai Kasang a Tara hpe daw jau nga timung hkum shan mahtang gaw yubak a tara hpe daw jau nga ai.

ROMA 8:4

Karai Kasang ndai hku galaw shabyin ai lam gaw anhte gaw masha hkum shan myit ra ai hku n re ai sha Wenyi a myit ra ai hku asak hkrung nga ai anhte ni dai jep ai Tara hta matsun da ai ding hpring ai lam hpe hkan shadik lu na matu rai nga ai.

GALATI 3:2

Dai Wenyi hpe nanhte lu la ai gaw jep ai Tara hpe hkan sa shadik ai magam bungli a majaw rai kun? Dai lam langai sha nanhte a n-gup na ngai chye la mayu nngai.

GALATI 6:2

Nanhte shada da a lit ni hpe gun hpai shingtau ai hte Hkristu a tara hpe shatup nga mu.

HEBRE 8:10

Ya ndai ga shaka gaw du na ra ai nhtoi ni a hpang e Israela amyu masha ni hte ngai tawn da na ga shaka rai nga ai. Shanhte a myit masin kata hta nye a tara hpe ngai bang da ya na mawe ai, shanhte a kraw lawang hta ka da na we ai: Shanhte a Karai Kasang ngai tai na nngai rai nna, shanhte gaw nye a amyu masha ni tai na mara ai.