1 KORINHTU 9:20 - Jinghpaw Common Language Bible 2009

²⁰ Ngai gaw Yuda amyu masha ni kaw magam gun nga ai shaloi, shanhte hpe woi lum la lu hkra Yuda masha langai mi zawn ngai tai nngai; ngai hkum nan Mawshe a tara npu e n nga ti mung tara npu na ni hpe lum la lu hkra, tara npu na ni kaw magam gun nga ai shaloi, tara npu na wa zawn ngai tai nngai.

Jinghpaw Hanson Version Bible

²⁰ Yuda ni hpe lum la lu hkra, Yuda ni hta e Yuda masha zawn, ngai tai nga nngai; ngai hkum tara npu e n nga timung, tara npu na ni hpe lum la lu hkra, tara npu na ni hta e tara npu e nga ai wa zawn, ngai tai nga nngai.

1 KORINHTU 9:20 ပူးပေါင်းရင်းမြစ်များ

KASA 16:3

Pawlu gaw dai wa hpe shi hte rau hkan nang shangun mayu ai majaw shi hpe Yuda htung rai nga ai matu gadoi ai lam galaw ya wu ai. Shing rai galaw ai gaw, dai shara hkan nga nga ai Yuda masha ni yawng Timohti a kawa gaw Grik masha re ai lam chye ma ai majaw rai nga ai.

KASA 18:18

Pawlu gaw Korinhtu mare hta nhtoi tsawmra wa na hkra nga nga ai. Dai hpang kam sham ai ni hpe shakram da nna Priskila yan Akula hte rau li jawn let Suri mung de sa wa ma ai. Karai Kasang kaw ga shaka tawn da ai lam nga ai majaw, Kanhkeria mare kaw na hkali hte garai n pru yang shi a baw doi kau wu ai.

ROMA 11:14

Ngai gaw nye a amyu masha ni a myit hta manawn ai myit lama rawng shangun ai rai yang shanhte nkau mi sha hkye hkrang la ai hkrum lu na rai nga ai.

ROMA 3:19

Dai jep ai Tara hta rawng ai hkang da ai lam shagu gaw jep ai Tara a npu e nga ai ni a matu rai nga ai hpe ya anhte chye saga ai; ndai hku byin wa ai lam gaw masha a tsun jahpai ai ga ni yawng hpe jahkring sha-ip kau shangun na hte mungkan ting gaw Karai Kasang jeyang daw dan ai hpe hkam la shangun na matu rai nga ai.

GALATI 2:19

Jep ai Tara hte seng nna she tsun ga nga yang, jep ai Tara e nan ngai hpe sat kau ni ai rai nna, ngai gaw jasi rai mat ni ai. Ngai gaw Karai Kasang a matu hkrung nga n ga, Hkristu hte rau shi a wudang hta jen sat kau ai hkrum ni ai.

GALATI 4:21

Jep ai Tara a npu e nga mayu ai ni hpe ngai san yu made ga; nanhte gaw dai jep ai Tara a hkang da ai lam hpe n na yu myit ni?

GALATI 4:5

dai kasha wa gaw jep ai Tara a npu e rai nga ai masha ni hpe hkrang shaw la na matu shinggyim kanu hta shangai wa nna Yuda ni a jep ai Tara npu e prat pra wa sai.

GALATI 5:18

Dai Wenyi e nanhte hpe woi awn myit yang gaw, nanhte dai jep ai Tara a npu e rai nga myit dai n rai.