1 KORINHTU 9:16 - Jinghpaw Common Language Bible 2009

¹⁶ Ndai Kabu Gara Shiga hpe ngai hkaw dan ai a majaw, nye a matu gumrawng shara n nga ai. Hpa majaw nga yang, ngai gaw Karai Kasang hkang da ai hte maren ngai n hkaw dan ai gaw n nga lu nngai. Ngai dai Kabu Gara Shiga hpe n hkaw dan a yang gaw hkrithpa dingnye lu na nngai.

Jinghpaw Hanson Version Bible

¹⁶ Ndai kabu gara shiga hpe ngai hkaw dan nga yang, nye a matu gumrawng shara n nga ai; kaning rai nme law ngai n hkaw dan ai gaw n nga lu nngai; ngai n hkaw dan yang gaw, dingnye lu nngai.

1 KORINHTU 9:16 ပူးပေါင်းရင်းမြစ်များ

ESAIA 6:5

Ngai gaw, “Nye a matu myit mada shara n nga sahka! Nye a nten kaw nna pru ai ga hkum shagu gaw yubak ga ni rai nna, ga hkum shagu yubak ga tsun shaga ai amyu masha ni a lapran e ngai nga nga nngai majaw, ngai gaw dingnye hkrum nga nngai. Ti mung, nye myi hte chyaw, Chyahtum Chyalai N-gun rawng ai dai Madu Hkawhkam wa hpe ngai mu se ai.

YEREMIA 1:17

Yeremia e, tsun na matu ngai nang hpe hkang da ai lam magup shanhte hpe sa tsun dan su. Ya shanhte hpe hkum hkrit nga et, nang shanhte hte rau nga ai shaloi, ngai nang hpe grau nna pyi hkrit shangun na nngai.

YEREMIA 20:7

Madu e, nang gaw ngai hpe masu hkalem kau nit dai, ngai mung masu hkalem hkrum nga nngai. Nang gaw ngai hta grau nna n-gun ja nga ndai, nang gaw ngai hpe ka-up dang kau nga ndai. Masha shagu ngai hpe mani asawng ma ai; shanhte gaw ngai hpe shani tup mani asan nga ma ai.

YEREMIA 20:9

Rai ti mung, ngai gaw, “Ngai gaw dai Madu hpe malap kau na nngai, shi a mying hta mahta nna galoi mung n shaga na ni ai,” ngu nna tsun ai shaloi, na a mungga gaw nye a myit masin kata hta wan zawn hkru nga li ai. Dai hpe hkam jan lu na matu kaja htum ai hku shakut ti mung, dai hpe loi mi pyi n lu sharang lu nngai.

AMO LAIKA (AMOS) 3:8

Hkanghkyi shabam ai shaloi, n hkrit ai wa kadai nga lu a ta? Tsaw Htum ai dai Madu shaga yang, myihtoi n htoi na kadai wa rai nga a ta?

AMO LAIKA (AMOS) 7:15

Rai ti mung, dai Madu gaw yam nga rem nga ai nye bungli kaw na shaga la nhtawm shi a amyu masha Israela ni hpang de sa nna myihtoi htoi na matu hkang dat nga ai.

MAHTE 25:16

Shaloi jang gumhpraw joi manga lu ai wa gaw pru sa nna, dai hte hpaga ga wu yang, kaga joi manga myat la nu ai.

LUKA 9:62

Yesu gaw, “Na htai jum nna hpang de kayin yu ai wa kadai mung, Karai Kasang a Mungdan hte n ging dan nga ai,” ngu nna shi hpe tsun wu ai.

KASA 4:20

An chyawm gaw, anhte nan lala mu la na la sai lam ni hpe n tsun ai n nga lu ga ai,” ngu nna shanhte hpe bai htan mu ai.

KASA 9:15

Rai ti mung Madu gaw, “She sa su, dai wa gaw maigan ni hte Hkawhkam ni a man e mung, Israela amyu masha ni a man e mung, nye a mying hpe hkaw tsun shana ya ai amu gun hpai na matu ngai lata la ai wa rai nga ai.

KASA 9:6

Rai ti mung, nang rawt u, mare de shang wa u. Nang galaw na lam dai kaw nang hpe tsun dan shangun na we ai,” nga nna tsun ai.

ROMA 1:14

Hpa majaw nga yang karing karang masha ni, myit su ai ni, hpaji rawng ai ni hte hpaji n rawng ai ni yawng hte hta lit hka kap ai wa ngai rai nga nngai.

ROMA 15:17

Dai re ai majaw Hkristu Yesu hte langai sha re ai hku asak hkrung let Karai Kasang a magam amu gun hpai lu ai majaw kabu gumrawng lu nngai.

ROMA 4:2

Lama wa Abraham gaw tinang galaw ai magam bungli ni a majaw Karai Kasang a man e ding hpring ai lu la a yang gaw shi hta gumrawng gumtawng na lam nga lu ai. Rai ti mung shi gaw Karai Kasang a man e gumrawng gumtawng ai lam n galaw lu wu ai.

1 KORINHTU 4:15

Hpa majaw nga yang, nanhte a Hkristan asak hkrung lam hta nanhte hpe sharin achyin ya na sara mun mi dang lu myit ti mung, nanhte kawa langai sha lu myit dai. Ngai gaw dai Kabu Gara Shiga hkaw dan ai hku nna, nanhte hpe Hkristu hte kahkyin gumdin ai asak hkrung lam de du wa shangun ai nanhte a shangai kawa tai wa ni ai.

1 KORINHTU 9:12

Sara kaga ni nanhte kaw na lu la na myit mada na ahkang lu ma yang gaw, anhte grau nna lu ang ga ai n rai ni? Rai ti mung dai ahkaw ahkang hpe n la ga ai. Ahkaw ahkang la na malai, Hkristu a lam Kabu Gara Shiga hpe shingdang da ai dingbai dingna n byin u ga, yak hkak ai lam shagu hpe anhte hkrum katut shakut sharang nga ga ai.

1 KORINHTU 9:14

Dai hte maren, dai Kabu Gara Shiga hkaw dan ai ni gaw, dai Kabu Gara Shiga hta kan bau lu na, nga nna dai Madu hkang da nga sai.

2 KORINHTU 2:12

Hkristu a Kabu Gara Shiga hkaw tsun na matu Troa mare de ngai sa du ai shaloi, dai shara kaw magam gun lu n ga, nye a matu Madu chyinghka hpaw da ya nga ai.

KOLOSE 4:17

Dai Madu a amu hta gun hpai na matu ap da hkrum ai hpe ngut hkra gun hpai na matu Arhkipo hpe tsun shana mu.

1 SAMUELA 12:23

Nye a matu chyawm gaw, gaw nanhte a matu galoi mung n hpyi nem ya ai majaw dai Madu hpe ngai shut kau ang ni ai nga nna dai Madu hkum shadang mai nga ai. Shing rai na malai, mai kaja ai hte teng man ai lam hku hkan galaw na lam, ngai nanhte hpe sharin achyin ya na made ai.