1 KORINHTU 9:14 - Jinghpaw Common Language Bible 2009

¹⁴ Dai hte maren, dai Kabu Gara Shiga hkaw dan ai ni gaw, dai Kabu Gara Shiga hta kan bau lu na, nga nna dai Madu hkang da nga sai.

Jinghpaw Hanson Version Bible

¹⁴ Dai hte maren, dai kabu gara shiga hkaw dan ai ni gaw, dai kabu gara shiga hta asak bau lu na, nga nna dai Madu hkang da nga sai.

1 KORINHTU 9:14 ပူးပေါင်းရင်းမြစ်များ

MAHTE 10:10

hkrun lam na matu nhpye hte palawng shajan hkum gun, kyepdin hte dawhkrawng mung hkum lang myit: hpa majaw nga yang, amu galaw ai wa gaw shi a shahpa lu la ging nga ai.

LUKA 10:7

Dai nta hta e nan, nanhte nga nga nna, shanhte jaw ai hte maren lu sha mu, hpa majaw nga yang, amu galaw ai wa gaw shabrai hkam la ging nga ai. Nta mi kaw nna nta mi de hkum htawt nga hkawm myit.

LUKA 10:8

Mare de nanhte shang myit dai shaloi, shanhte nanhte hpe hkap la ma yang gaw, nanhte a man e baw tawn ai hte maren, lu sha mu.

KASA 18:3

shan gaw Pawlu zawn janghpang chywi sha ai ni rai nga ma ai. Dai rai nna, Pawlu gaw shan kaw sa nna shan hte rau amu jawm galaw let nga nga ai.

1 KORINHTU 4:15

Hpa majaw nga yang, nanhte a Hkristan asak hkrung lam hta nanhte hpe sharin achyin ya na sara mun mi dang lu myit ti mung, nanhte kawa langai sha lu myit dai. Ngai gaw dai Kabu Gara Shiga hkaw dan ai hku nna, nanhte hpe Hkristu hte kahkyin gumdin ai asak hkrung lam de du wa shangun ai nanhte a shangai kawa tai wa ni ai.

1 KORINHTU 9:11

Anhte gaw nanhte hta e Wenyi nli gat hkai da nhtawm, nanhte hta na dinghta hte seng ai arung arai akyu ara ni hpe anhte hkam la ga yang, anhte a matu ladu lai ai lam rai nga a ni?

1 KORINHTU 9:12

Sara kaga ni nanhte kaw na lu la na myit mada na ahkang lu ma yang gaw, anhte grau nna lu ang ga ai n rai ni? Rai ti mung dai ahkaw ahkang hpe n la ga ai. Ahkaw ahkang la na malai, Hkristu a lam Kabu Gara Shiga hpe shingdang da ai dingbai dingna n byin u ga, yak hkak ai lam shagu hpe anhte hkrum katut shakut sharang nga ga ai.

1 KORINHTU 9:16

Ndai Kabu Gara Shiga hpe ngai hkaw dan ai a majaw, nye a matu gumrawng shara n nga ai. Hpa majaw nga yang, ngai gaw Karai Kasang hkang da ai hte maren ngai n hkaw dan ai gaw n nga lu nngai. Ngai dai Kabu Gara Shiga hpe n hkaw dan a yang gaw hkrithpa dingnye lu na nngai.

1 KORINHTU 9:4

Ngai galaw ai amu a matu ngai hta, sha lu na, lu lu na ahkang n nga a ni?

2 KORINHTU 2:12

Hkristu a Kabu Gara Shiga hkaw tsun na matu Troa mare de ngai sa du ai shaloi, dai shara kaw magam gun lu n ga, nye a matu Madu chyinghka hpaw da ya nga ai.

GALATI 6:6

Dai Hkristu a mungga hpe sharin achyin hkam la ai wa gaw, sharin achyin ya ai sara wa hpe tinang lu mai ai kaja ai ja gumhpraw arung arai yawng hte karum madi shadaw nga u ga.

1 HTESALONI 1:5

Hpa majaw nga yang, anhte gaw dai Kabu Gara Shiga hpe ga hte sha n rai, n-gun atsam hte mung, Chyoi Pra ai Wenyi hte mung, dai Kabu Gara Shiga a teng man ai hpe tsep kawp kam sham ai myit hte mung, nanhte hpang de la sa nna hkaw tsun ga ai. Anhte gaw nanhte hte rau nga nga ai ten hta, nanhte a mai kaja ai lam a matu mara anhte kaning rai asak hkrung hkawm sa saga ai lam, nanhte nan chye nga myit dai.