1 KORINHTU 9:13 - Jinghpaw Common Language Bible 2009

¹³ Nawku Htingnu kata hta chyoi pra ai bungli gun hpai ai ni gaw, Nawku Htingnu kaw na sha hpa lu la ma ai hpe mung, tawn hkungri hta hkungga nawng ai ni gaw, hkungga kaw na hkambum lu ma ai hpe mung, nanhte teng teng chye nga myit dai.

Jinghpaw Hanson Version Bible

¹³ nawku nta na chyoi pra bungli shachyen ai ni gaw, nawku nta hte seng ai hte hpe sha lu ma ai hte, tawn hkungri hpajang ai ni gaw, tawn hkungri na daw chyen, sha lu ma ai hpe, nanhte n chye nga myit ni?

1 KORINHTU 9:13 ပူးပေါင်းရင်းမြစ်များ

JAW JAU 21:22

Dai zawn re ai wa gaw ngai hpe nawng ya ai dai chyoi pra ai hkungga hte chyoi pra htum ai lusha hkungga yan hpe sha mai nga ai.

JAW JAU 22:7

Jan shang ai hpang she, shi san seng na rai nna, dai hpang mahtang shi a chyoi pra ai lusha hkungga sha mai nga ai.

JAW JAU 6:26

Dai htingrai hkungga nawng ya ai hkinjawng wa gaw hkungga shan hpe dai Madu a hpung shingkang shanu nga ai Sum wang kata na chyoi pra ai shara hta sha lu na rai wu ai.

JAW JAU 7:31

Hkinjawng wa gaw dai sau hpe tawn hkungri hta nat na rai wu ai; rai ti mung sinda hpe mahtang hkinjawng ni la na rai ma ai.

BU HKAWM 18:31

Dai gaw Sum kata e nanhte gun hpai ai amu a matu nanhte a shabrai rai nga ai majaw nanhte hte nanhte a dinghku masha ni dai ngam ai hpe shara shagu hkan rai tim, sha mai nga myit dai.

ROMA 6:16

Nanhte gaw marai langai ngai hpe madat mara na nga nna tinang a hkum hpe mayam zawn ap nawng kau myit yang gaw, kaja wa nanhte madat mara nga ai Madu a mayam rai nga myit dai hpe nanhte chye nga myit dai, lama wa nanhte gaw atsawm sha yubak mara a shangun ai hpe madat mara hkam la myit yang gaw nanhte si hkrung si htan hkrum na myit dai; shing n rai Karai Kasang a ga hpe madat mara hkam la myit yang gaw nanhte Karai Kasang a man e ding hpring ai ni tai wa lu na myit dai.

1 KORINHTU 10:18

Israela amyu masha ni a jaw jau ai htung hpe myit sawn yu mu; Shagu hkungga nawng ai ashan hpe sha ai ni gaw dai tawn hkungri hta jawm nawku daw jau ai ni rai nga ma ai n rai ni?

1 KORINHTU 9:24

Gat shingjawng ai shara e yawng mayawng gat ma ti mung, marai langai wa chyu sha dang ai kumhpa lu la nga ai hpe nanhte kaja wa chye nga myit dai. Dai rai nna, nanhte dang ai kumhpa lu la hkra gat shingjawng nga mu.

TARA JAHPRANG 10:9

Dai re ai majaw Lewi amyu bawsang ni gaw kaga amyu bawsang ni zawn lamu ga sali lu la nga ma ai n rai; dai Madu nanhte a Karai Kasang ga sadi tawn da nu ai hte maren, dai Madu a hkinjawng ni tai nga na ahkang sha shanhte lu nga ma ai.)

1 SAMUELA 2:28

Tawn hkungri hta daw jau amu galaw na matu mung, manam pyaw ai bat nat nawng na matu mung, hpa hkai lawng hpun nna ngai hte bawng ban jahkrup na matu mung, Israela amyu bawsang ni yawng hta na nye a hkinjawng ni tai nga na matu, shi a dinghku hpe ngai lata la ni ai. Shing rai tawn hkungri ntsa nat ai shagu hkungga kumhtaw hkam la na ahkang ngai shanhte hpe jaw da ni ai.