1 KORINHTU 9:12 - Jinghpaw Common Language Bible 2009

¹² Sara kaga ni nanhte kaw na lu la na myit mada na ahkang lu ma yang gaw, anhte grau nna lu ang ga ai n rai ni? Rai ti mung dai ahkaw ahkang hpe n la ga ai. Ahkaw ahkang la na malai, Hkristu a lam Kabu Gara Shiga hpe shingdang da ai dingbai dingna n byin u ga, yak hkak ai lam shagu hpe anhte hkrum katut shakut sharang nga ga ai.

Jinghpaw Hanson Version Bible

¹² Sara kaga ni gaw nanhte hta shing re ai ahkang lu ma yang gaw, anhte grau nna lu ang ga ai, n rai ni? Rai timung, dai ahkang hpe anhte n hkan ai sha, Hkristu a kabu gara shiga hpe n shadang u ga she, anhte lam shagu hta shakut sharang nga ga ai.

1 KORINHTU 9:12 ပူးပေါင်းရင်းမြစ်များ

NINGPAWT NINGHPANG 24:56

Rai ti mung shi mahtang, “Anhte hpe hkum hkum da mani. Dai Madu gaw anhte a hkrun lam hpe abu abai n nga hkra lajang da ya mani ai; nye a madu hpang de she, ngai nhtang wa lu u ga law,” ngu nna tsun wu ai.

NEHEMIA 4:8

Dai re ai majaw shanhte yawng Yerusalem de sa htim gasat nna kashuk kashak shabyin dat na nga, rau bawng jahkrum masai,

LUKA 11:52

“Tara sara ni nanhte dingnye lu myit dai! Hpaji nta hpaw ai sumsaw gaw nanhte kyem tawn da myit htawm, nanhte nan mung n shang, shang mayu ai ni hpe mung, nanhte hkum shingdang da myit dai, ngu mu ai.”

KASA 18:3

shan gaw Pawlu zawn janghpang chywi sha ai ni rai nga ma ai. Dai rai nna, Pawlu gaw shan kaw sa nna shan hte rau amu jawm galaw let nga nga ai.

ROMA 15:22

Dai rai nna ngai nanhte kaw sa du lu na lam hpe hkum shadang kau ai law law lang hkrum nngai.

1 KORINHTU 13:7

Tsaw ra ai myit gaw galoi mung asum n hkam ai, galoi mung kam sham nga ai, galoi mung myit mada nga ai, galoi mung hkam sharang nga ai.

1 KORINHTU 6:7

Ndai zawn shada da shawk hkat ai lam gaw Hkristan madang hkrat sum hpoi mat ai lam majing rai nga malit dai. Shada hka dung na malai n tara ai hku galaw ai hpe hkam mana kau ai gaw grau n mai a ni?

1 KORINHTU 9:14

Dai hte maren, dai Kabu Gara Shiga hkaw dan ai ni gaw, dai Kabu Gara Shiga hta kan bau lu na, nga nna dai Madu hkang da nga sai.

1 KORINHTU 9:15

Rai ti mung ngai gaw dai ahkaw ahkang ni langai mi hpe mung n lang nngai. Dai zawn re ai ahkaw ahkang ni hpe nye a matu hpyi na ngu nna ndai lam ka nngai n rai. Shing rai hpyi na malai, ngai shawng si mat na gaw grau mai nga ai. Nye a gumrawng hpa lam hpe kaman lila ga laban byin shangun ai baw kadai hpe mung ahkang jaw na n rai.

1 KORINHTU 9:16

Ndai Kabu Gara Shiga hpe ngai hkaw dan ai a majaw, nye a matu gumrawng shara n nga ai. Hpa majaw nga yang, ngai gaw Karai Kasang hkang da ai hte maren ngai n hkaw dan ai gaw n nga lu nngai. Ngai dai Kabu Gara Shiga hpe n hkaw dan a yang gaw hkrithpa dingnye lu na nngai.

1 KORINHTU 9:18

Dai rai yang, ngai gaw hpa baw shabrai wa hkam sha lu na rai nga a ta? Dai gaw manu jahpu n hpyi ai sha Kabu Gara Shiga hpe hkaw tsun lu ai hte nye a ahkaw ahkang hpe n jai lang ai sha dai Kabu Gara shiga amu hpe gun hpai lu ai amyat rai nga ai.

1 KORINHTU 9:2

Kaga masha ni ngai hpe kasa langai mi hku nna n hkap la hkra rai tim, nanhte hkap la myit dai n rai ni? Hpa majaw nga yang, Hkristu hte langai sha tai nna asak hkrung nga ai nanhte nan ngai kasa langai mi teng nga ai lam a sakse masat dazik rai nga myit dai.

2 KORINHTU 11:12

Anhte galaw ai hte maren shanhte mung galaw ga ai nga nna kaga “Kasa ni” tsun gumrawng na ahkang n lu mu ga, ya ngai galaw ai hte maren matut nna ngai naw agalaw nga na nngai.

2 KORINHTU 11:20

Nanhte gaw, nanhte hpe reng sha ai ni, nanhte a ntsa e ahkaw ahkang la ai ni, nanhte hpe mahkam hte rim la ai ni, nanhte hpe yu kaji ai ni, nanhte a myi man kahpret ya ai ni kadai hpe mung nanhte hkam mana nga myit dai.

2 KORINHTU 2:12

Hkristu a Kabu Gara Shiga hkaw tsun na matu Troa mare de ngai sa du ai shaloi, dai shara kaw magam gun lu n ga, nye a matu Madu chyinghka hpaw da ya nga ai.

2 KORINHTU 6:3

Anhte galaw ai amu hte seng nna kadai wa mung shatan nhkan hte mara tam ai lam n byin shangun mayu ga ai majaw, anhte gaw kade a lam mung ahtu kataw shara hpa n byin hkra shakut ga ai.