1 KORINHTU 8:9 - Jinghpaw Common Language Bible 2009

⁹ Rai ti mung, nanhte ndai zawn n dut n dang sha lu ai ahkaw ahkang gaw, Karai Kasang hpe kam sham ai lam hta n-gun kya nga ai ni hpe lam shadam, mara galaw shangun ai lam n byin u ga, sadi nga mu.

Jinghpaw Hanson Version Bible

⁹ Shing wa nga timung, nanhte a ahkang gaw n-gun n ja ai ni a myit kataw shara n tai u ga, sadi nga mu.

1 KORINHTU 8:9 ပူးပေါင်းရင်းမြစ်များ

ESAIA 35:3

Atsu atsa nga ai lata ni hte n-gun kya nna gari gawa rai nga ai lahput ni hpe n-gun jaw mu.

ESAIA 57:14

Dai Madu gaw, “Nye a amyu masha ni ngai hpang de nhtang wa mu ga. Shanhte a lam kaw na dingbai dingna shagu hpe seng kau ya mu! Nmaw lam galaw mu, dai hpe shajin da mu!

EZEKELA 14:3

Shi gaw, “Si chye ai masha wa e, ndai masha ni gaw shanhte a myit masin ni hpe hpara sumla ni kaw ap ya ma ai; dai hpara sumla ni gaw shanhte hpe yubak kata de woi sa wa ma ai. Ngai gaw shanhte hpe mahtai langai jaw na re ngu, shanhte myit nawn da ma ni?

EZEKELA 44:12

Rai ti mung, Israela amyu masha ni hpe hpara sumla woi nawku nna, dai lam hku nna yubak lam de shanhte woi sa nga ma ai majaw, shanhte ari hkrum lu na hpe Tsaw Htum ai dai Madu ngai nan dagam da se ai.

JAW JAU 19:14

Na lahpang ai wa hpe matsa lu na n rai; myi kyaw ai wa a man e ahtu kataw ai baw tawn da nna ahtu kataw shangun lu na myit dai n rai. Ngai hpe hkrit hkungga lu na rai myit dai; ngai gaw dai Madu nanhte a Karai Kasang rai nga nngai.

MAHTE 18:10

“Dai ma kaji langai mi hpe pyi nanhte n gawn n sawn n di kau myit ga, sadi nga mu. Nanhte hpe ngai tsun made ga, sumsing lamu kata e shanhte a lamu kasa ni gaw, sumsing lamu na nye a Wa a myi man hpe a mada nga ma ai.

ROMA 15:1

Dai rai nna makam masham hta n-gun ja ai anhte ni gaw, makam masham n-gun kya ai ni a makam masham n hten mat hkra shanhte a lit hpe madi shadaw na mai kaja nga ai. Anhte gaw tinang a ra ai lam hpe n mai hkan tam ai.

1 KORINHTU 10:24

Kadai wa mung tinang a akyu ni hpe n tam ai sha, masha kaga ni a akyu ni hpe tam nga u ga.

1 KORINHTU 10:28

Rai ti mung, marai langai ngai, “Ndai gaw hpara ni hpe nawng jau ai hkungga shan rai nga ai,” nga nna nanhte hpe tsun dan myit yang gaw, dai wa a matu hte ung ang ai myit a matu tau yu nna dai hpe hkum sha mu.

1 KORINHTU 10:29

Myit ung ang ai lam ngu ai hpe ngai tsun ai shaloi, nanhte a myit ung ang ai hpe tsun mayu ai n rai; dai shadum ai wa a myit ung ang ai lam hpe ngu mayu nngai. Nanhte hta na marai langai ngai, “Nye a galaw lu ai shanglawt ahkang hpe kaga masha wa a ung ang ai myit e hpa majaw shadawn shadang masat kau ya lu na rai ta?

1 KORINHTU 10:32

Yuda amyu masha ni a matu mung, maigan masha ni a matu mung, Karai Kasang a Hpung a matu mung, ahtu kataw shara hkum tai nga myit.

1 KORINHTU 8:10

Ndai zawn re ai lam hta, lama rai nna “htauli htaula myit” n-gun kya ai masha langai mi gaw, htauli htaula myit rawng ai nanhte wa sumla nta hta shat sha nga ai hpe mu ai rai yang, sumla hpe nawng ai hkungga lusha sha gwi u ga, n-gun jaw ai lam n byin na kun?

1 KORINHTU 8:12

Ndai hku nna nanhte gaw tinang a Hkristan hpu nau wa hpe shut nna n-gun kya ai htauli htaula myit hpe hkala nba machyi hkrum shangun myit yang gaw, nanhte Hkristu hpe shut hpyit nga myit dai.

1 KORINHTU 9:22

Ngai gaw Karai Kasang hpe kam sham ai hta n-gun n ja ai ni a kata de du mat wa ai shaloi, shanhte hpe lum la lu hkra, makam masham n-gun n ja ai wa zawn ngai tai nga nngai. Dai rai nna, nkau mi hpe byin mai ai lam langai ngai hte hkye hkrang la lu hkra, ngai gaw masha amyu myu hta, amyu myu hku nga nngai.

2 KORINHTU 11:21

Anhte gaw dai zawn re ai lam ni hpe galaw na matu gawng kya la ga ai lam yin la na matu pyi gaw kaya saga ai! Rai ti mung marai langai ngai lam lama ma hta gumrawng yang gaw ngai mung angawk angak re ai wa zawn tsun gwi da we ai.

2 KORINHTU 11:29

Gawng kya ai wa langai ngai nga yang, ngai mung gawng kya ai hpe hkam sha nngai, masha langai ngai yubak hta kataw mat yang, ngai myit ru nga nngai.

2 KORINHTU 6:3

Anhte galaw ai amu hte seng nna kadai wa mung shatan nhkan hte mara tam ai lam n byin shangun mayu ga ai majaw, anhte gaw kade a lam mung ahtu kataw shara hpa n byin hkra shakut ga ai.

GALATI 5:13

Nanhte chyawm gaw hpu nau ni e, shanglawt ahkang lu la myit ga, nanhte hpe shaga la ai hkrum manit dai, rai ti mung dai shanglawt ahkang hpe jahpai nna hkum shan a ra marit ai lam tam na matu ginshan hkum shatai mu; shing rai na malai, nanhte gaw tsaw ra myit hte shada da daw jau hkat nga mu.

KOLOSE 2:8

Hkristu a hkang da ai kaw na n re ai sha, shinggyim masha ni a matsun maroi ga hkan nna akyu n rawng ai myit sawn hpaji hku nna hkalem hkalau ai lam hte mung, lamu ganghkau n-gawn tawa hta nga ai nat hpara ni kaw na pru ai sharin shaga ai lam ni hte mung, kadai mung nanhte hpe mayam n shatai myit ga, sadi nga mu.

1 PETRU 2:16

Nanhte gaw shanglawt lu ai masha re ai hku nga mu; rai ti mung n hkru n kaja ai lam hpe magap shinggang kau na matu nanhte a shang lawt ahkang hpe hkum jai lang myit, Nanhte gaw Karai Kasang a mayam ni zawn rai nna nga mu.

2 PETRU 2:19

Shanhte gaw shanhte nan hten bya ai arawn alai ni a mayam rai nga da nna kaga masha ni hpe shalawt dat ai ga sadi jaw ma ai. Hpa majaw nga yang, masha gaw tinang hpe dang ka up kau ai arai nga manga a mayam rai nga ai.

SHINGRAN 2:14

Rai ti mung sumla ni hpe nawng ya ai hkungga shahpa ni hpe sha na hte, nse nsa ngu ai hpye ai amu galaw ai hta Israela masha ni hkan sa nna yubak mara galaw hkra Balak hpe hpaji daw ya ai Balam a sharin shaga ai hta hkan nang ai masha nkau mi, na a hpung hta lawm nga ma ai majaw, nang hpe mara shagun shara loi mi, ngai mu nngai.