1 KORINHTU 8:7 - Jinghpaw Common Language Bible 2009

⁷ Rai ti mung masha shagu wa dai chye ginhka ai machye machyang lu ma ai n rai. Masha nkau mi gaw sumla naw man mat ai ni rai lai wa sai majaw, dai ni du hkra hkungga nawng ai shahpa sha ai shaloi, dai gaw sumla hpe nawng ai lusha re ngu nna myit la ma ai. Shanhte a htauli htaula myit n-gun kya malu ai majaw, shanhte sha ai shahpa gaw shanhte hpe awu asin byin shangun nga ai ngu nna myit la ma ai.

Jinghpaw Hanson Version Bible

⁷ Rai timung, dai chye ginhka ai myit masha yawng n lu ma ai: nkau mi gaw ya du hkra sumla hta man ai majaw, hkungga sha ma yang, dai gaw sumla hpe nawng ai, dum nna sha ma ai; shanhte a myit nsam mahtang n-gun n ja ai majaw, awu asin hkrum ma ai.

1 KORINHTU 8:7 ပူးပေါင်းရင်းမြစ်များ

KASA 15:20

Hpara sumla ni hpe nawng jau tawn ai n san n seng ai lusha ni sha ai lam, n se n sa ndaw liknga lam, du manat sat ai shan hte asai re ai ni hpe koi gam na lam shanhte hpe laika langai mi ka nna tsun shana mai ai ngu nna ngai myit da we ai,

ROMA 14:14

Hpa baw sha hpa rai ti mung, de a npawt nhpang sagawn yu yang, nawku htung lai hku nna awu asin re ai lusha re, ngu nna tsun na lam mi n nga ai ngu ai hpe Madu Yesu hta ngai asak hkrung nga ai majaw hkrak chye lu nngai. Rai ti mung masha langai ngai gaw lusha lama ma hpe awu asin re ai nga nna myit nga yang gaw dai arai gaw shi a matu awu asin rai nga lu ai.

ROMA 15:14

Nye a hpu nau ni e, nanhte gaw mai kaja ai lam hte hpring tsup nga nna machye machyang htak rai nga ai hte, nanhte shada da sharin jep lu nga myit dai hpe ngai hkum nan kam da made ai.

1 KORINHTU 10:25

Nanhte a ung ang ai myit asan sha rai mat na matu, shan dut gat na hpa shan rai ti mung, san jep yu ai lam n galaw ai sha mari sha mu.

1 KORINHTU 8:1

Ya nanhte laika hte san dat ai sumla ni hpe nawng jau ai lusha ni hte seng nna ngai tsun htai dan na nngai. “Anhte yawng hte wa machye machyang rawng ai ni hkrai rai ga ai,” nga nna shanhte tsun ai gaw teng nga ai. Rai ti mung, dai baw machye machyang gaw masha hpe gumrawng gumtawng shangun nga ai.

1 KORINHTU 8:4

Dai rai nna, sumla ni hpe nawng ai hkungga lusha a lam hte seng nna tsun ga nga yang, sumla ngu ai gaw kaja wa asak hkrung shamu shamawt ai lam n nga ai, hpa n re ai rai nga ai hpe mung, langai sha rai nga ai Karai Kasang hta kaga shaje n nga ai hpe mung, anhte dum chye ga ai.

1 HTESALONI 5:14

Bai hpu nau ni e, lagawn ai ni hpe sadi jaw mu, myit kaji ai ni hpe shadaw shalan nga mu, n-gun kya ai ni hpe karum la mu, yawng mayawng a ntsa e hkam sharang nga mu.