1 KORINHTU 8:6 - Jinghpaw Common Language Bible 2009

⁶ Rai ti mung, anhte a matu gaw Kawa ngu ai Karai Kasang langai sha rai nga ai rai nna, shi gaw yawng mayawng hte hpe hpan da ai wa hte, shi a matu anhte asak hkrung nga ga ai. Yesu Hkristu ngu ai Madu mung langai sha rai nna, shi a marang e yawng mayawng tai wa ai hte shi a majaw anhte asak hkrung nga ga ai.

Jinghpaw Hanson Version Bible

⁶ rai timung, anhte a matu mara, Wa ngu ai, Karai Kasang langai sha rai nga ai rai nna, shi kaw nna yawng mayawng pru wa ai hte, shi a matu anhte rai nga ga ai; Yesu Hkristu ngu ai Madu mung langai sha rai nga ai rai nna, shi a marang e yawng mayawng rai nga ai hte, shi a majaw anhte rai nga ga ai.

1 KORINHTU 8:6 ပူးပေါင်းရင်းမြစ်များ

ESAIA 46:9

Moi prat hta byin lai wa sai lam hpe adum nga mu; Ngai chyu sha Karai Kasang rai nga nngai mung, ngai hte bung ai wa mi n nga nga ai hpe mung yin la mu.

YEREMIA 10:6

Madu e, nang hte bung ai wa langai mi mung n nga nga ai; nang gaw chyalai n-gun rawng ai wa rai nga ndai, na a amying nsang gaw galu kaba ai hte daru magam n-gun rawng nga ai.

YEREMIA 10:7

Masha amyu baw ni yawng a hkawhkam wa e, nang hpe kadai n shagrau sha-a na rai ta? Nang gaw shagrau sha-a na ging nga ndai. Masha amyu baw ni a hpaji rawng ai masha ni yawng hta mung, hkawhkam ni kadai hta rai tim, nang hte bung ai wa langai mi mung n nga nga ai.

YONA 1:9

Yona gaw, “Ngai gaw Hebre masha rai nga nngai. Ngai gaw hkarang hte panglai hpe hpan da ai dai Madu sumsing lamu a Karai Kasang hpe nawku nngai,” ngu nna htan wu ai.

MALAHKI 2:10

Anhte yawng kawa langai sha lu ga ai n rai ni? Anhte yawng hpe hpan da ai Karai Kasang mung langai sha rai nga ai n rai ni? Dai rai yang, shada da tawn da ai anhte a ga sadi ni hpe anhte hpa majaw run kau nna, anhte a kaji kawa ni hte Karai Kasang tawn da sai ga shaka hpe hpa majaw n sawn n sang di ga ta?

MAHTE 11:27

Nye Wa gaw arai yawng mayawng ngai hpe ap ya ni ai; Wa hta kaga, dai Kasha hpe kadai mung n chye lu ai: dai Kasha hte, dai Kasha shadan dan mayu ai ni hta kaga kadai n chye lu ai.

MAHTE 28:18

Yesu gaw sape ni hpang de sit sa wa nna, “Sumsing lamu hta e mung, ginding aga hta e mung, up hkang na ahkang nlang hte ngai hpe ap ya ni ai.

YAWHAN 1:10

Mungga gaw mungkan ga e nga nga ai hte, Karai Kasang gaw mungkan ga hpe dai Mungga hku nna hpan da nu ai; rai ti mung mungkan ga mahtang dai Mungga hpe n chye wu ai.

YAWHAN 1:3

Karai Kasang gaw dai Mungga hku nna arai yawng mayawng hpe hpan da nu ai. Hpan da ai arai yawng mayawng hta dai Mungga n lawm ai tai wa ai gaw langai mi mung n nga ai.

YAWHAN 10:30

Ngai hte nye Wa gaw langai sha rai nga ai,” ngu tsun wu ai.

YAWHAN 13:13

Nanhte gaw ngai hpe, ‘Sara, nga nna mung, Madu nga nna mung,’ tsun hkungga chye myit dai. Dai hte maren ngai rai nga nngai majaw, nanhte a ga mung rai la sai.

YAWHAN 14:20

Ngai gaw nye Wa hta nga nga nngai mung, nanhte ngai hta nga nga myit dai mung, dai shani du ai shaloi, nanhte chye lu na myit dai.

YAWHAN 17:3

Htani htana asak ngu ai chyawm gaw, langai sha rai nga ai, teng man ai Karai Kasang hpe mung, nang shangun dat ai Yesu Hkristu hpe mung, chye chyang lu ai hpe ngu ai rai nga ai.

YAWHAN 20:17

Yesu gaw, “Ngai e hkum hkra et, hpa majaw nga yang, ngai Wa hpang de garai n lung wa nngai. Rai ti mung ngai nau ni hpang de wa nna nye a Kawa ngu ai nanhte a Kawa, nye a Karai Kasang ngu ai nanhte a Karai Kasang hpang de ngai lung wa sana da, ngu nna shanhte hpe wa tsun dan su,” ngu nna shi hpe tsun dat wu ai.

KASA 17:28

Hpa majaw nga yang, ‘Shi a jaw e anhte hkrung nga nna, shamu shamawt ai hte nga pra ga ai,’ nga nna masha langai mi tsun yu sai. Dai hte maren, nanhte hta na ningtam laka mi pyi, ‘Anhte mung shi a kashu kasha ni rai nga ga ai,’ nga nna tsun ma ai.

KASA 2:36

Dai re ai majaw, Israela amyu ting a Meshia hku nna mung, Madu hku nna mung, Karai Kasang e san da ai wa gaw, nanhte wudang hta jen sat kau ai Yesu nan rai nga ai gaw kaja wa chye nga myit ga law!,” ngu nna tsun mu ai.

KASA 5:31

Israela amyu masha ni hpe myit malai lu shangun nna shanhte a mara raw dat kau ya ai ahkaw ahkang jaw ya na matu Karai Kasang gaw dai Madu hpe shi a hkra maga dung nga shangun nna ningbaw ningla hte Hkye hkrang la ai wa tai na matu shagrau shatsaw da nu ai.

ROMA 11:36

Hpa majaw nga yang arai yawng mayawng hte hpe shi hpan da nu ai rai nna yawng mayawng hte gaw shi a matu mara pra nga ai a majaw shi kaw e htani htana hpung shingkang anga nga u ga law! Amen.

1 KORINHTU 1:2

Korinhtu mare na Karai Kasang a Hpung hta lawm nga ai ni hte, shara shagu hkan na, anhte hte shanhte a Madu rai nga ai Madu Yesu Hkristu hpe nawku daw jau nga ai Hkristu Yesu hta e, Karai Kasang a chyoi pra ai amyu masha tai na matu shaga la hkrum ai ni yawng hpang de ga shana dat ga ai.

1 KORINHTU 12:3

Kadai rai ti mung, Karai Kasang a Wenyi a lam woi awn ai hpe hkam la lu ai wa rai yang gaw, Madu Yesu hpe matsa mawa n nga lu ai. Chyoi pra ai Wenyi a lam madun woi awn ai hpe n hkam la lu ai rai yang, Madu Yesu gaw Madu rai nga ai nga nna kadai mung n yin la lu ai lam ngai nanhte hpe chye shangun mayu made ai.

1 KORINHTU 6:13

“Lusha gaw kan a matu, kan gaw lusha a matu rai nga ai,” nga nna nanhte tsun na myit dai. Dai gaw teng nga ai, rai ti mung Karai Kasang gaw dai yan hpe rau sha jahten kau na ru ai. Dai hkum hkrang chyawm gaw hpye ai amu a matu n re ai sha, dai Madu hpe daw jau na matu rai nga ai. Karai Kasang mung hkum hkrang a ra kadawn nga ai lam ni hpe jaw ya nga ai.

1 KORINHTU 8:4

Dai rai nna, sumla ni hpe nawng ai hkungga lusha a lam hte seng nna tsun ga nga yang, sumla ngu ai gaw kaja wa asak hkrung shamu shamawt ai lam n nga ai, hpa n re ai rai nga ai hpe mung, langai sha rai nga ai Karai Kasang hta kaga shaje n nga ai hpe mung, anhte dum chye ga ai.

EHPESU 1:3

Anhte a Madu Yesu a Kawa rai nga ai Karai Kasang hpe chyeju dum shakawn ga law! Hpa majaw nga yang anhte Hkristu hte langai sha tai lu ai a marang e shi gaw sumsing lamu lahta tang hta e wenyi hte seng ai shaman chyeju lam shagu hpe jaw ya nga mani ai.

EHPESU 3:14

Ndai lam a majaw sumsing lamu hte ginding aga ntsa e nga ai nta dinghku shagu a teng man ai npawt daju rai nga ai

TARA JAHPRANG 4:35

Dai Madu chyu sha Karai Kasang rai nga ai hte shi hta kaga karai shaje n nga nga ai hpe sakse hkam na matu, dai Madu gaw ndai lam madun dan nu ai.

TARA JAHPRANG 4:39

Dai rai nna dai Madu gaw sumsing lamu hte ginding aga ntsa na Karai Kasang rai nga ai hpe myit dum ai hte galoi mung hkum malap kau nga myit. Karai shaje n nga nga ai.

TARA JAHPRANG 6:4

“Israela e, ndai ga hpe adum nga mu! Dai Madu anhte a Karai Kasang chyu sha Madu rai nga ai.

KOLOSE 1:6

Nanhte gaw Karai Kasang a chyeju lam hpe shawng nnan chye lu ai nhtoi kaw nna, dai chyeju hpe teng teng chye na hkam sha lu ai hte maren, dai Kabu Gara Shiga gaw nanhte kaw du dep sa wa ai. Dai hte maren, dai Kabu Gara Shiga gaw mungkan ting chyam bra wa nna asi law law si wa nga ai.

1 PETRU 1:21

Madu Yesu hpe si ai kaw na bai hkrung sharawt la nna hpung shingkang ap ya hkrum ai wa a marang e, nanhte Karai Kasang hpe kam sham nga manit dai; shing rai nanhte a makam masham hte myit mada ai lam gaw, Karai Kasang hta jung noi nga ai.

SHINGRAN 1:18

Ngai gaw ahkrung nga ai wa mung ngai rai nga nngai; ngai si ni ai rai ti mung ya htani htana prat dingsa e ngai ahkrung nga nngai. Ngai gaw si hkrung si htan a ntsa e mung, si hkrung si htan a mungdan a ntsa e mung up hkang na ahkang aya lu nngai.