1 KORINHTU 8:3 - Jinghpaw Common Language Bible 2009

³ Rai ti mung Karai Kasang hpe tsaw ra ai wa gaw, Karai Kasang e chye chyap masat da ai hpe hkam la nga ai.

Jinghpaw Hanson Version Bible

³ langai ngai gaw, Karai Kasang hpe tsawra a yang gaw, Karai Kasang gaw shi hpe chye da wu ai.

1 KORINHTU 8:3 ပူးပေါင်းရင်းမြစ်များ

1 HKAWHKAM 3:3

Shawlumon gaw shi a kawa Dawi a matsun maroi ga hkan let, dai Madu hpe tsaw ra nga ai; rai ti mung shi mung yam nga law law sat nhtawm tawn hkungri amyu myu a ntsa e shagu hkungga sak nawng ya wu ai.

SHAKAWN KUNGDAWN 1:6

Ding hpring ai ni gaw dai Madu kaw nna lam woi ai hte makawp maga la ai hkrum nga ma ai; n hkru ai ni chyawm gaw htum mat wa na mara ai.

SHAKAWN KUNGDAWN 17:3

Nang gaw nye a myit masin hpe chye ya nga ndai. Shana aten hta, nang gaw ngai kaw du sa nna, ngai hpe akri akrai san jep yu nit dai, ngai hta n hkru ai myit hpa mung n rawng nga ai hpe nang mu ya nga ndai.

PRU MAT 33:12

Mawshe gaw dai Madu hpe, “Ndai amyu masha ni hpe dai mung de woi wa na, nang ngai hpe tsun ai gaw teng nga ai; rai ti mung ngai hte rau kadai hpe nang shangun ya na gaw ngai hpe n tsun yu ndai. Nang ngai hpe kaja wa chye nna yu sharawng nga ndai hpe gaw nang tsun nit dai.

PRU MAT 33:17

Dai Madu gaw Mawshe hpe, “Ngai nang hpe kaja wa grai chye ai hte nang hpe awng sharawng nga nngai majaw nang hpyi lajin ai hte maren ngai hkan galaw na nngai,” ngu nna tsun wu ai.

YEREMIA 1:5

“Ngai gaw nang hpe asak garai n jaw ai kaw nna lata la ni ai, ngai gaw nang garai n shangai aten kaw nna pyi masha amyu baw ni a matu myihtoi tai na lata la ni ai,” ngu nna tsun wu ai.

AMO LAIKA (AMOS) 3:2

“Ginding aga ntsa na masha amyu baw yawng hte e, nanhte gaw ngai chye nna lanu lahku la yu sai ni chyu sha rai nga myit dai. Dai gaw nanhte a yubak mara hpe grai hkrit tsang shangun nga ai, dai re ai majaw, ngai gaw de a matu nanhte hpe ari jaw na nngai.”

NAHUM 1:7

Dai Madu gaw mai kaja nga ai; shi gaw shi a amyu masha ni hpe ru tsang hkrum ai aten ni hta makawp maga la nga ai; shi hpang de kayin wa ai ni hpe shi bau sin ya nga ai.

MAHTE 7:23

Dai shaloi e, ‘Ngai nanhte hpe galoi mung n chye made ai; n hkru n kaja ai masha ni e, ngai kaw na pru mat wa mu!,’ ngu nna ngai shanhte hpe tsun na mawe ai.

YAWHAN 10:14

Ngai gaw sagu rem wa kaja rai nngai; nye Wa gaw ngai hpe chye ai rai nna ngai mung Wa hpe chye nngai zawn,

YAWHAN 21:17

Bai masum lang ngu na Yesu gaw, “Yawhan a kasha Simun e, nang ngai hpe tsaw ra nga n ni?,” ngu nna shi hpe san wu ai majaw, Petru myit yawn nna, “Madu e, nang gaw yawng mayawng hpe chye nga ndai ngai nang hpe tsaw ra nga nngai gaw, nang chye nga ndai!,” ngu nna htan wu ai. Yesu gaw, “Nye a sagu ni hpe bau rem nga u.

ROMA 11:2

Karai Kasang gaw shawng npawt kaw nna lata la sai shi a amyu masha ni hpe kabai kau nu ai n rai. Chyum Laika hta Elia gaw Israela amyu masha ni hpe mara shagun let Karai Kasang kaw kaning nga hpyi nem ai hpe nanhte chye nga myit dai.

1 KORINHTU 13:12

Ya anhte mu lu ai gaw, jamna kaw dan pru ai sumla ni hpe mu ai zawn n dan n leng ai hku sha mu ga ai. Hpang de anhte myi man chyaw mu lu na ga ai. Ya ngai chye ai gaw daw chyen mi sha rai nga ai; dai shaloi e, Karai Kasang ngai hpe chye chyang ai zawn, tsep kawp ngai mung chye chyang na ring ngai.

1 KORINHTU 2:9

Rai ti mung Chyum Laika hta, “Kadai n mu n na yu ai lam, byin na re ai ngu nna kadai n myit hkawn pru ai lam hpe Karai Kasang gaw shi hpe tsaw ra ai ni a matu mara lajang da nga ai,” nga nna ka da nga ai.

GALATI 4:9

Ya chyawm gaw nanhte Karai Kasang hpe chye wa manit dai hta n-ga, Karai Kasang mung nanhte hpe chye nga sayang me, n-gun kya ai hte matsan mayan re ai nat minla ni a hpang de nanhte hpa rai nhtang mat wa mayu myit ta?

2 TIMOHTI 2:19

Rai ti mung Karai Kasang e jahkrat da sai ngang kang ai npawt nhpang hkridun chyawm gaw shamu shamawt shangun lu ai n rai; dai npawt nhpang a ntsa e dai Madu gaw, “Shi a masha rai nga ai ni hpe chye chyap nga ai,” nga nna mung, “Madu hte seng ai wa rai nngai nga nna tsun matsun yawng hte gaw shut hpyit ai amu hpe tawn kau da mu ga,” nga nna masat dazik ka shakap da nga ai.

YAKU 1:12

Agung alau ai lam ni hkrum yang ngang ngang kang kang sadi dung nga ai wa gaw a lu ai; hpa majaw nga yang dai wa gaw dai zawn re ai chyam dinglik ai lam hpe lai di awng dang kau lu ai shaloi Karai Kasang gaw shi hpe tsaw ra ai ni hpe jaw na nga nna ndat da sai asak hpe shi a shagrau kumhpa hku nna hkam la lu na ru ai.

YAKU 2:5

Nye a tsaw ra ai hpu nau ni e, madat mu! makam masham hta lu su ai ni tai lu na hte shi hpe tsaw ra ai ni hpe jaw na nga nna ndat da sai sumsing lamu a sali wunli hkam la na matu Madu gaw ndai mungkan hta matsan mayan re ai ni hpe lata la mu ai.

1 PETRU 1:8

Nanhte gaw Yesu hpe n mu yu myit ti mung, shi hpe tsaw ra nga manit dai; shi hpe n mu yu myit ti mung, shi hpe kam sham nga manit dai. Dai rai nna nanhte gaw n-gup aga hte tsun n dang lu hkra re ai kabu gara ai lam kaba hte kabu gara nga lu manit dai.

1 YAWHAN 4:19

Karai Kasang gaw shawng nnan e anhte hpe tsaw ra mi ai majaw, anhte mung tsaw ra nga ga ai.

1 YAWHAN 4:7

Tsaw ra ai ni e, anhte shada da tsaw ra nga ga; hpa majaw nga yang, tsaw ra ai myit gaw Karai Kasang kaw na rai nga ai. Tsaw ra chye ai wa kadai rai ti mung, Karai Kasang a kasha rai nna Karai Kasang hpe chye chyang nga ai.

SHINGRAN 2:13

Nang gara shara e nga nga ndai hpe ngai chye nga nngai. Satan a tingnyang dung nga ai shara e nang nga nga ndai. Ngai hta sadi dung ai hte sakse hkam ai Antipa gaw Satan de nga ai shara ngu ai nanhte a ka-ang e Sat kau hkrum ai aten hta pyi, nang gaw ngai hta sadi dung nga nna, ngai hpe kam sham ai na a makam masham hpe n nyet kau ndai.

SHINGRAN 2:19

Nang hpa galaw ai hpe ngai chye nga nngai. Na a tsaw ra ai hte makam masham hta sadi dung ai lam hpe mung, amu gun hpai ai hte myit galu kaba hkam sharang ai lam hpe mung, ngai chye nga nngai. Dai hta n ga, hpang jahtum daw hta nang galaw nga ai amu ni gaw, shawng daw na hta grau lai hkra kaja nga ai hpe mung, ngai chye nga nngai.

SHINGRAN 2:9

Nang hkrum ai zingri zingrat hte matsan mayan hpe ngai chye nga nngai; rai ti mung kaja wa nang sut su nga ndai! Yuda masha rai ga ai nga nhtawm me, Yuda masha n teng ai masha ni nang hpe sari hpoi shangun ai n hkru n kaja ai shatan nhkan ga ni tsun nga ma ai hpe ngai chye nga nngai. Kaja wa nga yang shanhte gaw Satan a hpung masha ni rai nga ma ai.