1 KORINHTU 8:2 - Jinghpaw Common Language Bible 2009

² Marai langai ngai, ngai lama mi chye nngai nga nna myit a yang gaw, shi chye mai ai hpe pyi kaja wa shi n chye wu ai.

Jinghpaw Hanson Version Bible

² Marai langai ngai, lama ma chye nngai, nga nna myit a yang gaw, chye mai ai lam pyi shi garai n chye wu ai:

1 KORINHTU 8:2 ပူးပေါင်းရင်းမြစ်များ

GA SHAGAWP 26:12

Shi hpa n tai nga ai shaloi, hpaji rawng nga nngai nga nna marai langai ngai myit la ai wa hta, angawk htum ai wa gaw grau kaja nga ai.

ROMA 11:25

Hpu nau ni e, nanhte gaw tinang dai chye chyang la ni ai ngu nna n myit la na matu Karai Kasang a sung htum ai hte makoi magap da ai teng man ai lam langai mi nanhte hpe chye na shangun mayu nngai. Dai gaw Israela amyu masha ni tut nawng myit shaja kau nna nga na ma ai n rai, rai ti mung dai gaw hkye hkrang la hkrum nna Karai Kasang kaw du wa na kaga amyu masha ni a jahpan wa hkum ai ten du hkra sha rai na rai nga ai.

1 KORINHTU 13:12

Ya anhte mu lu ai gaw, jamna kaw dan pru ai sumla ni hpe mu ai zawn n dan n leng ai hku sha mu ga ai. Hpang de anhte myi man chyaw mu lu na ga ai. Ya ngai chye ai gaw daw chyen mi sha rai nga ai; dai shaloi e, Karai Kasang ngai hpe chye chyang ai zawn, tsep kawp ngai mung chye chyang na ring ngai.

1 KORINHTU 3:18

Kadai rai ti mung tinang hkum hpe hkum hkalem nga myit ga. Nanhte hta na marai langai ngai ndai mungkan a madang hku nna tinang hkum hpe hpaji byeng-ya rawng nga nngai nga nna grang a yang gaw, hpaji byeng-ya rawng ai wa majing tai na matu angawk angak re ai masha tai wa u ga.

GALATI 6:3

Masha langai ngai gaw ahkyak ai masha kaja garai n tai yang ahkyak ai masha rai ni ai nga nna tinang hkum hpe rai dum ai wa gaw, tinang a hkum hpe hkalem kau da wu ai.