1 KORINHTU 8:12 - Jinghpaw Common Language Bible 2009

¹² Ndai hku nna nanhte gaw tinang a Hkristan hpu nau wa hpe shut nna n-gun kya ai htauli htaula myit hpe hkala nba machyi hkrum shangun myit yang gaw, nanhte Hkristu hpe shut hpyit nga myit dai.

Jinghpaw Hanson Version Bible

¹² Dai di yang, hpunau ni hpe shut hpyit nna shanhte a n-gun n ja ai myit nsam hpe machyi shangun myit yang gaw, nanhte Hkristu hpe shut hpyit nga myit dai.

1 KORINHTU 8:12 ပူးပေါင်းရင်းမြစ်များ

NINGPAWT NINGHPANG 20:9

Dai hpang Abimelek gaw Abraham hpe shaga la nna, “Nang anhte hpe hpa di nit ta? Nang hpe ngai hpa shut ai a majaw ngai hte nye a mungdan hta ndai tsin-yam tsindam hpe du shangun nga n ni? Kadai mung n galaw ging ai amu nang ngai hpe galaw kau nit dai.

NINGPAWT NINGHPANG 42:22

Rubin chyawm gaw, “Ma hpe n machyi shangun na matu, ngai tsun ni ai; rai ti mung, nanhte mahtang n madat ya myit dai. Shi a si hkrung si htan a matu, ya anhte ari jaw ai hkrum nga saga ai,” ngu nna tsun wu ai.

PRU MAT 16:8

Dai hpang Mawshe gaw, “Nanhte gaw dai Madu hpe kade lang aput manit dai hpe shi na ya nu ai majaw shana de nanhte sha na matu shan hpe mung, jahpawt e sha mayu ai made sha na muk hpe mung, shi jaw na ra ai. Nanhte an hpe aput mi ai gaw dai Madu hpe teng teng aput ai sha rai nga myit dai,” ngu nna tsun wu ai.

PRU MAT 32:21

Shi gaw Arun hpe, “Nang shanhte hpe ndai daram hkrit tsang ra ai yubak galaw shapraw shangun na gaw, dai amyu masha ni nang hpe kaning di kau ma ta?,” ngu nna san wu ai.

MAHTE 18:10

“Dai ma kaji langai mi hpe pyi nanhte n gawn n sawn n di kau myit ga, sadi nga mu. Nanhte hpe ngai tsun made ga, sumsing lamu kata e shanhte a lamu kasa ni gaw, sumsing lamu na nye a Wa a myi man hpe a mada nga ma ai.

MAHTE 18:21

Shaloi Petru gaw Yesu kaw sit sa nna, “Madu e, nye a hpu nau wa ngai hpe bai shut shut rai yang gaw, ngai gade lang shi a mara hpe raw kau nga lu na rai ta? Sanit lang du hkra rai ni?,” ngu wu ai.

MAHTE 18:6

“Ngai hpe kam sham nga ai ndai ma kaji ni hta na langai mi hpe myit kataw shangun ai wa kadai mung, shi a du hta htum rin lung gyit noi nna, panglai na sung htum ai shara de jahkrat bang kau na shi a matu grau kaja nga ai.

MAHTE 25:40

Dai rai nna Hkawhkam wa gaw, ‘Nanhte hpe ngai teng teng tsun made ga, ndai ngai nau ni hta na kaji htum ai wa langai mi hpe nanhte galaw ai gaw, nanhte ngai hpe galaw manit dai rai nga ai!,’ ngu nna shanhte hpe htan na mu ai.

MAHTE 25:45

Dai rai nna Hkawhkam wa gaw, ‘Ngai nanhte hpe teng teng tsun made ga, ndai kaji htum ai ni hta na langai wa mi hpe nanhte n galaw myit dai majaw ngai hpe n galaw myit dai rai nga ai,’ ngu nna shanhte hpe htan mu ai.

MARKU 9:42

“Ngai hpe kam sham nga ai ndai ma kaji ni hta na langai mi hpe myit kataw shangun ai wa kadai rai ti mung, shi a du hta htum rin lung kaba langai mi gyit noi nna, panglai hta kabai bang kau na gaw, shi a matu grau nna mai nga ai.

LUKA 17:2

Dai wa gaw, ndai ma kaji ni hta na langai mi hpe yubak galaw shangun ai rai yang, shi a du hta htumrin lung kaba gyit noi nna, panglai hta jahkrat bang kau na gaw, shi a matu grau mai nga ai.

ROMA 14:20

Lusha shahpa nhkan e Karai Kasang a bungli hpe hkum sharun shabya kau et. Shahpa yawng mayawng gaw sha na mai nga ai, rai ti mung dai shahpa sha ai a majaw masha kaga wa hpe yubak mara hta kataw bang shangun ai rai yang gaw nang mara lu nga ndai.

1 KORINHTU 12:12

Hkristu gaw daw shan law law rawng ai hkum hkrang hte bung nga ai; dai hkum hkrang a daw shan ni gaw law law rai ma ti mung, hkum hkrang langai sha rai nga ai.

1 SAMUELA 2:25

Masha shada da shut hpyit ai rai yang, Karai Kasang hkap makawp ya lu ti mung, Karai Kasang hpe shut hpyit ai rai yang, kadai wa hkap makawp la lu nga a ta?,” ngu nna tsun wu ai. Rai ti mung shan mahtang kawa a ga n madat ma ai majaw, shan hpe sat kau na matu dai Madu daw dan kau nu ai.

1 SAMUELA 24:11

Yu yu u, nye wa e, ya ngai lang da nga ai na a ntsa palawng adaw achyen hpe mada yu u! Ngai nang hpe sat kau lu sha gaw rai sai, rai ti mung shing rai galaw na malai ndai adaw hpe sha kadoi di la nngai. Ndai hpe yu nna ngai nang hpe gumlau na matu n myit hkawn nga ai hpe mung, nang hpe n machyi shangun mayu ai hpe mung, nang hpe chye na hkawn hkrang shangun mayu nngai. Ngai chyawm gaw nang hpe hpa mung n shut n hpyit kau yu tim, nang mahtang ngai hpe sat kau na matu tam gyam hkawm nga ndai.