1 KORINHTU 8:10 - Jinghpaw Common Language Bible 2009

¹⁰ Ndai zawn re ai lam hta, lama rai nna “htauli htaula myit” n-gun kya ai masha langai mi gaw, htauli htaula myit rawng ai nanhte wa sumla nta hta shat sha nga ai hpe mu ai rai yang, sumla hpe nawng ai hkungga lusha sha gwi u ga, n-gun jaw ai lam n byin na kun?

Jinghpaw Hanson Version Bible

¹⁰ Kaning rai nme law, nang gaw ginhka chye ai myit lu ninglen, sumla nta hta shat sha nga ai hpe, marai langai ngai mu a yang, dai wa a myit nsam n-gun n ja yang gaw, sumla hpe nawng ai hkungga sha gwi wa na, n rai ni?

1 KORINHTU 8:10 ပူးပေါင်းရင်းမြစ်များ

AMO LAIKA (AMOS) 2:8

Shanhte gaw matsan mayan ni a hka a matu shadun da ai nba hpe Karai Kasang hpe nawku ai shara shagu hkan nep da nna yup ma ai. Shanhte gaw shanhte a Karai Kasang a Nawku Htingnu hta shanhte shawa la lu ai gumhpraw hte sabyi ntsin mari lu nga ma ai.

BU HKAWM 25:2

Dai num ni gaw shanhte hpe Moba hpara hpe nawng jau ai poi de sa nawku lawm na matu saw shaga da hkrum nga ma ai. Israela ni mung lusha hkungga sa sha nna Peora Bala hpara hpe nawku ma ai.

KASA 15:20

Hpara sumla ni hpe nawng jau tawn ai n san n seng ai lusha ni sha ai lam, n se n sa ndaw liknga lam, du manat sat ai shan hte asai re ai ni hpe koi gam na lam shanhte hpe laika langai mi ka nna tsun shana mai ai ngu nna ngai myit da we ai,

ROMA 14:14

Hpa baw sha hpa rai ti mung, de a npawt nhpang sagawn yu yang, nawku htung lai hku nna awu asin re ai lusha re, ngu nna tsun na lam mi n nga ai ngu ai hpe Madu Yesu hta ngai asak hkrung nga ai majaw hkrak chye lu nngai. Rai ti mung masha langai ngai gaw lusha lama ma hpe awu asin re ai nga nna myit nga yang gaw dai arai gaw shi a matu awu asin rai nga lu ai.

ROMA 14:23

Rai ti mung mahkoi myit hte shahpa lama ma hpe sha ai wa hpe gaw, Karai Kasang e daw dan ai hkrum na ra ai; hpa majaw nga yang shi galaw ai lam gaw makam masham hta madung dat ai n rai; makam masham hte n seng ai hpa rai ti mung, yubak sha rai nga ai.

1 KORINHTU 10:32

Yuda amyu masha ni a matu mung, maigan masha ni a matu mung, Karai Kasang a Hpung a matu mung, ahtu kataw shara hkum tai nga myit.

1 KORINHTU 8:4

Dai rai nna, sumla ni hpe nawng ai hkungga lusha a lam hte seng nna tsun ga nga yang, sumla ngu ai gaw kaja wa asak hkrung shamu shamawt ai lam n nga ai, hpa n re ai rai nga ai hpe mung, langai sha rai nga ai Karai Kasang hta kaga shaje n nga ai hpe mung, anhte dum chye ga ai.

1 KORINHTU 8:7

Rai ti mung masha shagu wa dai chye ginhka ai machye machyang lu ma ai n rai. Masha nkau mi gaw sumla naw man mat ai ni rai lai wa sai majaw, dai ni du hkra hkungga nawng ai shahpa sha ai shaloi, dai gaw sumla hpe nawng ai lusha re ngu nna myit la ma ai. Shanhte a htauli htaula myit n-gun kya malu ai majaw, shanhte sha ai shahpa gaw shanhte hpe awu asin byin shangun nga ai ngu nna myit la ma ai.

1 KORINHTU 8:9

Rai ti mung, nanhte ndai zawn n dut n dang sha lu ai ahkaw ahkang gaw, Karai Kasang hpe kam sham ai lam hta n-gun kya nga ai ni hpe lam shadam, mara galaw shangun ai lam n byin u ga, sadi nga mu.

TARA AGYI 9:27

Shanhte yawng mung shanhte a sabyi sun ni de sa nhtawm, sabyi si di, sabyi ntsin shup shapraw let poi galaw ma ai. Shanhte gaw shanhte a hpara htingnu de shang nhtawm lu let, sha let Abimelek hpe jahpoi asawng ma ai.