1 KORINHTU 8:1 - Jinghpaw Common Language Bible 2009

¹ Ya nanhte laika hte san dat ai sumla ni hpe nawng jau ai lusha ni hte seng nna ngai tsun htai dan na nngai. “Anhte yawng hte wa machye machyang rawng ai ni hkrai rai ga ai,” nga nna shanhte tsun ai gaw teng nga ai. Rai ti mung, dai baw machye machyang gaw masha hpe gumrawng gumtawng shangun nga ai.

Jinghpaw Hanson Version Bible

¹ Ya, sumla ni hpe nawng ai hkungga a lam, anhte yawng mayawng chye ginhka ai myit rawng nga ai gaw, anhte dum chye ga ai. Chye ginhka ai myit gaw grang chye ai, tsawra ai myit chyawm gaw, shadaw shangang chye ai.

1 KORINHTU 8:1 ပူးပေါင်းရင်းမြစ်များ

ESAIA 47:10

“Nang gaw na a n hkru ai amu hta nang nan myit machyu nga ndai; kadai mung nang hpe n mu lu ma ai ngu, nang myit nawn la nga ndai. Na a hpaji byeng-ya hte machye machyang gaw nang hpe lam woi shadam kau nga sai. nang gaw na a kraw kata hta, ‘Ngai gaw Karai Kasang rai nga nngai, ngai hte bung ai mi kadai n nga nga ai,’ nga nna tsun ndai.

ESAIA 5:21

Nang gaw dingnye hkrum nga ndai! Nang gaw hpaji rawng ai wa, grai ram dum ai wa hku nna nang myit nawn la nga ndai.

BU HKAWM 25:2

Dai num ni gaw shanhte hpe Moba hpara hpe nawng jau ai poi de sa nawku lawm na matu saw shaga da hkrum nga ma ai. Israela ni mung lusha hkungga sa sha nna Peora Bala hpara hpe nawku ma ai.

KASA 15:10

Dai rai yang, ji wa ni e mung n hpai dang anhte mung n dang ai lit hpe sape ni a lahpa hta shagun ga nga nna ya nanhte hpa rai Karai Kasang hpe chyam yu mayu nga myit ta?

KASA 15:29

Ndai lam ni hpe nanhte koi gam nga myit yang nanhte a matu mai kaja ram ging na malit dai. Hkam kaja nga myit ga law,” nga ai.

KASA 21:25

Kam sham ai maigan masha ni a matu chyawm gaw sumla ni hpe nawng jau ai hpa lusha rai rai asai du manat sat ai shan, ndaw liknga n se n sa lam koi gam na matu anhte daw dan nna laika ka nna shana ngut saga ai,” ngu nna tsun mu ai.

ROMA 11:25

Hpu nau ni e, nanhte gaw tinang dai chye chyang la ni ai ngu nna n myit la na matu Karai Kasang a sung htum ai hte makoi magap da ai teng man ai lam langai mi nanhte hpe chye na shangun mayu nngai. Dai gaw Israela amyu masha ni tut nawng myit shaja kau nna nga na ma ai n rai, rai ti mung dai gaw hkye hkrang la hkrum nna Karai Kasang kaw du wa na kaga amyu masha ni a jahpan wa hkum ai ten du hkra sha rai na rai nga ai.

ROMA 12:16

Shada da myit tsang hkat nga mu. Gumrawng gumtawng n re ai sha arawng n lu ai lit ni hpe hkap la gun hpai nga mu. Tinang hkum hpe hpaji rawng ai zawn hkum nawn nga myit

ROMA 14:10

Dai majaw, nang shat mai shat maw lap sha ai wa hpa rai na a nhpu nnau wa hpe jeyang nga n ta? Nang hpa baw lu sha rai tim sha ai wa mung, na nhpu nnau wa hpe hpa n-gawn n sawn rai nga n ta? Anhte yawng mayawng hte gaw, tara daw dan ai hkrum na matu Karai Kasang a Tara tingnyang man e du tsap na raga ai.

ROMA 14:14

Hpa baw sha hpa rai ti mung, de a npawt nhpang sagawn yu yang, nawku htung lai hku nna awu asin re ai lusha re, ngu nna tsun na lam mi n nga ai ngu ai hpe Madu Yesu hta ngai asak hkrung nga ai majaw hkrak chye lu nngai. Rai ti mung masha langai ngai gaw lusha lama ma hpe awu asin re ai nga nna myit nga yang gaw dai arai gaw shi a matu awu asin rai nga lu ai.

ROMA 14:19

Dai re ai majaw, anhte gaw shada ngwi pyaw sim sa ai hku nga lu na lam shabyin ya nna, shada da Wenyi n-gun atsam lu la shangun ai lam ni hpe galoi mung myit yaw shada let agalaw nga ga.

ROMA 14:22

Ndai lam hte seng nna nang gara hku hkan sa galaw ai ngu ai gaw nang hte Karai Kasang hte sha seng nga ai. Tinang jaw ai ngu nna kam sham daw dan ai hte maren galaw nna myit hta asan sha mara n nga dum ai wa gaw, a nga ai.

ROMA 14:3

Amyu myu sha ai wa gaw, n sha ai wa hpe hkum jahpoi u ga, n sha ai wa mung sha ai wa hpe hkum jeyang u ga, hpa majaw nga yang, Karai Kasang gaw dai wa hpe hkap hkalum la sai.

ROMA 15:14

Nye a hpu nau ni e, nanhte gaw mai kaja ai lam hte hpring tsup nga nna machye machyang htak rai nga ai hte, nanhte shada da sharin jep lu nga myit dai hpe ngai hkum nan kam da made ai.

1 KORINHTU 1:5

Nanhte gaw Hkristu hte langai sha tai nga myit dai majaw, n-gup atsam hte chye chyang ai lam shagu hta, nanhte shi hta hkum tsup nga manit dai.

1 KORINHTU 10:15

Nanhte hpe htauli htaula hpaji rawng ai ni hpe zawn, ngai tsun nga nngai; Ngai tsun ai ga hpe nanhte nan maram masam yu mu.

1 KORINHTU 10:28

Rai ti mung, marai langai ngai, “Ndai gaw hpara ni hpe nawng jau ai hkungga shan rai nga ai,” nga nna nanhte hpe tsun dan myit yang gaw, dai wa a matu hte ung ang ai myit a matu tau yu nna dai hpe hkum sha mu.

1 KORINHTU 14:20

Hpu nau ni e, myit mang ai lam hta ma kaji hkum tai myit: n hkru n kaja ai lam hta she ma kaji tai nga mu; myit mang ai lam hta chyawm gaw, asak kaba nna myit su ai ni zawn rai nga mu.

1 KORINHTU 15:34

Ding man ai hpe hkan na dum hprang mu, matut nna yubak lam hkum galaw myit. Nanhte hta na nkau mi Karai Kasang hpe n chye ma ai: nanhte kaya dum myit ga, ngai ning ngu tsun nngai.

1 KORINHTU 4:10

Hpa majaw nga yang, anhte gaw Hkristu a majaw mana angawk ni rai nga ga ai, nanhte mahtang Hkristu hte langai sha rai nga ai hpaji rawng ai ni rai nga myit dai! Anhte gaw n-gun n ja ga ai, nanhte mahtang n-gun ja myit dai; anhte arawng hpoi saga ai, nanhte mahtang hpung rawng ai ni rai nga myit dai.

1 KORINHTU 4:18

Nanhte hpang de ngai bai n sa du sana zawn nawn nna, nanhte hta na nkau mi gaw gumrawng gumtawng rai wa masai.

1 KORINHTU 4:6

Hpu nau ni e, nanhte a matu mai kaja ai lam hpe myit tau yu let, ndai lam hta ngai hte Apolo a lam hpe ga shadawn kasi shatai nna tsun dan made ai. Dai hku tsun dan ai lam gaw, “Hkan sa tara madung hpe lai nna hkum galaw mu,” nga ai ga malai a sung ai lachyum hpe nanhte chye na lu na matu rai nga ai. Nanhte gaw langai wa hta myit kaba gumrawng nna kaga wa hpe n gawn n sawn hkum rai myit.

1 KORINHTU 5:2

Dai zawn arawn alai hten nga myit ti mung, nanhte gumrawng gumtawng naw rai nga myit ni? Nanhte hta yawn ai myit rawng let, dai zawn nse nsa galaw ai masha hpe nanhte hte kanawn mazum nga ai kaw na shaden jahka kau ang myit dai.

1 KORINHTU 5:6

Nanhte gumrawng gumtawng rai nga na gaw n jaw n kaja nga ai. “Matsi loi mi gaw muk tawng ting hpe shabawm dat wu ai,” nga ai ga malai hpe nanhte n na yu myit ni?

1 KORINHTU 8:2

Marai langai ngai, ngai lama mi chye nngai nga nna myit a yang gaw, shi chye mai ai hpe pyi kaja wa shi n chye wu ai.

1 KORINHTU 8:4

Dai rai nna, sumla ni hpe nawng ai hkungga lusha a lam hte seng nna tsun ga nga yang, sumla ngu ai gaw kaja wa asak hkrung shamu shamawt ai lam n nga ai, hpa n re ai rai nga ai hpe mung, langai sha rai nga ai Karai Kasang hta kaga shaje n nga ai hpe mung, anhte dum chye ga ai.

1 KORINHTU 8:7

Rai ti mung masha shagu wa dai chye ginhka ai machye machyang lu ma ai n rai. Masha nkau mi gaw sumla naw man mat ai ni rai lai wa sai majaw, dai ni du hkra hkungga nawng ai shahpa sha ai shaloi, dai gaw sumla hpe nawng ai lusha re ngu nna myit la ma ai. Shanhte a htauli htaula myit n-gun kya malu ai majaw, shanhte sha ai shahpa gaw shanhte hpe awu asin byin shangun nga ai ngu nna myit la ma ai.

EHPESU 4:16

Baw ngu ai Madu woi awn up hkang hpajang ai kata e hkum hkrang a daw shan ni nga manga hte gaw langai hte langai htuk shachyaw nga ma ai hte hkri hkraw lamyi shagu e matut shachyaw madi shadaw ya ai a marang e dai hkum hkrang ting hpe kahkyin gumdin jum da lu nga ai. Dai rai nna daw shan ni langai hte langai tinang hte seng ang ai lit hpe gun hpai ai shaloi hkum hkrang ting hpe tsaw ra ai hte gaw gap galu kaba wa shangun nga ai.

KOLOSE 2:18

Laklai ai shingran ni hpe mu ai majaw yawng hta grau ai ngu myit ai hte n teng n man ai hku shagrit shanem shangun nna lamu kasa ni hpe nawku na matu shadut ai ni kadai hpe rai ti mung nanhte hpe mara hkum dawdan shangun et. Dai zawn re ai ni gaw shanhte a shinggyim myit hku nna kaman lila grang dakat ai ni rai ma ai.

SHINGRAN 2:14

Rai ti mung sumla ni hpe nawng ya ai hkungga shahpa ni hpe sha na hte, nse nsa ngu ai hpye ai amu galaw ai hta Israela masha ni hkan sa nna yubak mara galaw hkra Balak hpe hpaji daw ya ai Balam a sharin shaga ai hta hkan nang ai masha nkau mi, na a hpung hta lawm nga ma ai majaw, nang hpe mara shagun shara loi mi, ngai mu nngai.

SHINGRAN 2:20

Rai ti mung ngai nang hpe mara shagun na lam langai mi mu nngai. Hpa majaw nga yang, nang gaw, tinang dai ‘Karai Kasang kaw na du sa ai kasa rai nngai,’ nga nna tsun ai num Yezebela hpe shi ra ai hku di shangun ai hte hkap la tawn ndai. Shi gaw nye a shangun ma ni hpe hpye ai amu galaw na hte sumla ni hpe nawng ya ai lusha ni hpe sha na lam sharin ya nna, shanhte hpe shut hpyit lam dam shangun mu ai.