1 KORINHTU 7:9 - Jinghpaw Common Language Bible 2009

⁹ Rai ti mung nanhte a myit hpe n sharang lu myit yang gaw hkungran mu ga, hpa majaw nga yang, katu kahtet nga na hta hkungran ai gaw grau kaja nga ai.

Jinghpaw Hanson Version Bible

⁹ Rai timung, n sharang lu yang gaw, hkungran mu ga: kaning rai nme law, katu kahtet ai hta hkungran ai gaw, grau kaja nga ai.

1 KORINHTU 7:9 ပူးပေါင်းရင်းမြစ်များ

KASA 19:36

Dai lam ni hpe kadai mung n ningdang lu nga ai majaw, nanhte atsin sha nga mai ai hte hpa lam hta mung myit shadang nna n mai galaw myit dai.

1 KORINHTU 7:2

Rai ti mung hpye ai amu nau wa law htam nga ai majaw, dai hpe koi gam na matu lasha shagu gaw shi a madu jan lu u ga, numsha shagu mung shi a madu wa lu u ga.

1 KORINHTU 7:28

Rai ti mung nang hkungran nna dinghku shang n yang mung, yubak, mara langai ngai tawt lai ai lam n rai nga ai; mahkawn langai mi hkungran a yang gaw, shi yubak mara galaw tawt lai nu ai n rai. Rai ti mung dinghku de sai ni shani shagu hkrum katut hkam sha nga ai nni nkri ni hte tsan gang shangun mayu ai majaw, ning ngu nna ngai tsun made ai rai nga ai.

1 KORINHTU 7:36

Mahtan da sai hpang hkungran ai lam n galaw na ngu nna myit daw dan ai yan a lam hte seng nna: la wa gaw num jan a ntsa e tinang galaw ai lam n seng n ang dum ai rai yang mung, shi a myit nau katu nna n sharang lu ai majaw hkungran ai lam galaw ra ai ngu nna sawn nawn ai rai yang mung, shi myit ra ai hte maren shan hkungran ai lam galaw mu ga. Shing rai shi galaw ai gaw hpa yubak mara n rai nga ai.

1 KORINHTU 7:39

Hkungran sai num langai mi gaw, shi a madu wa ahkrung nga dingsa shi hte naw makyit nga ai; rai ti mung, madu wa si mat sayang gaw shanglawt lu sai rai nna shi ra ai kadai wa hte rai tim, hkungran lu sai. Rai ti mung, dai hkungran ai lam gaw Hkristan lasha hte rai ra nga ai.

1 HTESALONI 4:4

Nanhte la ni langai hte langai gaw tinang a madu jan hte chyoi pra nna sari rawng tsawm htap ai hku kaning rai nga lu na lam chye ra nga ai.

1 TIMOHTI 5:11

Rai ti mung asak naw kaji ai gaida jan ni hpe gaida jan jahpan hta n bang u ga, hpa majaw nga yang, shanhte a myit ra ai lam e shadut ai a jaw e hkungran mayu wa ai shaloi Hkristu kaw na htak mat wa chye ma ai.

1 TIMOHTI 5:14

Dai rai nna hpyen ni gaw anhte a lam n kaja ai hku tsun na lam ginjang n nga hkra aprat kaji ai gaida jan ni gaw hkungran nna kashu kasha shangai ai hte shanhte a kun dinghku ni hpe yu lajang nga na hpe ngai grau ra sharawng nga nngai.