1 KORINHTU 7:7 - Jinghpaw Common Language Bible 2009

⁷ Kaja wa nga yang, masha yawng mayawng hte hpe ngai zawn rai shangun mayu nngai; rai ti mung langai hte langai gaw Karai Kasang kaw na tinang a laklai ai chyeju kumhpa lu shajang ma ai; marai langai mi amyu mi, kaga wa amyu mi lu la shajang ma ai.

Jinghpaw Hanson Version Bible

⁷ Masha yawng mayawng ngai zawn rai na ngai ra nngai; rai timung, langai hte langai gaw Karai Kasang kaw na tinang a chyeju kumhpa lu la shajang ma ai; marai langai mi gaw amyu langai mi, kaga gaw amyu kaga lu la shajang ma ai.

1 KORINHTU 7:7 ပူးပေါင်းရင်းမြစ်များ

NINGPAWT NINGHPANG 30:34

Laban mung, “Rai sa, myit hkrum ni ai, nang hpaji jaw ai hte maren, ya an galaw wa yu saga,” ngu nna htan wu ai.

KASA 26:29

Bai Pawlu gaw, “Aten kadun sha mi rai tim, aten galu wa rai tim Hkawhkam wa hte hpawn nang e nga ai ni nlang hte gaw, nye a htawng masha tai ai aya hta lai nna, ngai zawn re ai hkrai byin wa na matu Karai Kasang kaw ngai akyu hpyi nngai!,” ngu wu ai.

ROMA 12:6

Shing rai anhte gaw anhte hpe karan jaw ai chyeju kumhpa kaga ga lu ga ai hte maren, dai kaga ga lu ai chyeju kumhpa ni hpe jai lang ra ga ai. Anhte lu ai chyeju kumhpa gaw Karai Kasang a mungga hkaw dan chye ai atsam rai yang gaw anhte lu ai makam masham chyeju kumhpa hte maren hkaw tsun ga,

1 KORINHTU 12:11

Rai ti mung dai chyeju atsam yawng mayawng hte chyawm gaw, dai Wenyi langai sha e nan shabyin wu ai rai nna, shi myit ra ai hte maren, shi gaw langai hte langai hpe laklai ai chyeju atsam kumhpa kaga ga garan kachyan shagu wu ai.

1 KORINHTU 12:4

Ya Wenyi kumhpa ni gaw amyu myu nga ai, Rai ti mung dai chyeju kumhpa ni hpe Wenyi langai kaw nna jaw ya nga ai.

1 KORINHTU 7:8

Ya garai n hkungran ai ni hte, gaida jan ni hpe ngai tsun nngai gaw, ngai zawn matut nna nga mat wa yang nanhte a matu grau nna mai kaja na re.

1 KORINHTU 9:15

Rai ti mung ngai gaw dai ahkaw ahkang ni langai mi hpe mung n lang nngai. Dai zawn re ai ahkaw ahkang ni hpe nye a matu hpyi na ngu nna ndai lam ka nngai n rai. Shing rai hpyi na malai, ngai shawng si mat na gaw grau mai nga ai. Nye a gumrawng hpa lam hpe kaman lila ga laban byin shangun ai baw kadai hpe mung ahkang jaw na n rai.

1 KORINHTU 9:5

Kasa kaga ni, Madu a kanau ni hte Petru re ai ni a kasi hkan ai hku nna, ngai hkawm sa ai shaloi kam sham ai madu jan woi hkawm na ahkang n lu a ni?