1 KORINHTU 7:5 - Jinghpaw Common Language Bible 2009

⁵ Nanhte gaw akyu hpyi na matu, shawng kaw nna jahkring mi aten la na myit hkrum da ai lam sha n nga yang gaw, madu jan madu wa hkum shan kanawn ai lam hpe hkum koi gam nga myit; akyu hpyi ai ten htum ai hpang bai kanawn nga mu. Dai hku rai yang she nanhte n sharang lu ai majaw, Satan e gunglau ai n hkrum na myit dai.

Jinghpaw Hanson Version Bible

⁵ Nanhte myit hkrum nna, akyu hpyi shin shang aten ladaw da na matu sha n rai yang gaw, shada da hkum koi gam myit: nanhte n sharang lu ai a majaw, Satan e gunglau ai n hkrum myit ga, dai ladaw lai yang, rau bai nga mu.

1 KORINHTU 7:5 ပူးပေါင်းရင်းမြစ်များ

PRU MAT 19:15

Mawshe gaw shanhte hpe, “Hpawt ni din a matu jin jin rai nga mu; dai aten laman num la kanawn lu na myit dai n rai.

PRU MAT 21:10

Lasha langai gaw num bai la kahtap ai rai yang, shawng num hpe shawng na hte maren, shi hkam la nga sai malu masha, hpun palawng hte ahkaw ahkang ni hpe matut madi shadaw jaw ya lu na rai wu ai.

YOELA 2:16

Amyu masha ni hpe shinggyin jahpawng tawn mu; shanhte a matu chyoi pra ai zup hpawng hkyen ya mu; dingla ni hpe jahpawng mu; ma kaji ni hpe shinggyin mu; chyu chyu ai ma chyangai ni hpe hpawng shangun mu. Hkungran num, hkungran la nnan ni pyi shanhte a nta gawk kata kaw na pru sa wa lu na mara ai.

ZEHKARIA 7:3

hkinjawng ni hte myihtoi ni hpe, “Anhte gaw nde nlaw ning na hkra anhte galaw nga saga ai hte maren shata manga hta lusha gam let Nawku Htingnu hten run mat ai majaw, anhte naw sharung shayawt ang na ga ni?,” ngu ai ga san hpe san yu na matu mung shangun dat mu ai.

MAHTE 17:21

“Rai ti mung, ndai baw nat hpe gaw akyu hpyi nna lusha gam ai hte sha n rai yang gaw, kaga hpa lam hku nna n shaden kau lu ai,” ngu mu ai.

MAHTE 19:11

Yesu shanhte hpe htan mu ai gaw, “Ndai sharin shaga ai lam gaw, masha shagu hta akyu jashawn lu nga ai n rai, rai ti mung Karai Kasang kaw na karum ai lam lu la ai ni sha n hkungran ai hkam nga lu ma ai.

MAHTE 4:10

Shaloi Yesu gaw, “Satan e pru mat wa u! ‘Dai Madu na a Karai Kasang hpe nang nawku lu na rai nna, shi hpe hkrai daw jau lu na re ai!, nga nna she ka da nga ai,” ngu nna shi hpe htan wu ai.

1 KORINHTU 7:4

Madu jan gaw tinang a hkum hkrang a madu n tai lu ai, dai madu wa she madu nga ai, dai hte maren madu wa mung, tinang a hkum hkrang a madu n tai lu ai, shi a madu jan she madu rai nga ai.

1 HTESALONI 3:5

Ngai matut nna n dang la ni ai majaw, nanhte a makam masham gara hku rai nga ai lam mu chye lu na matu Timohti hpe ngai shangun dat we ai. Kaja wa nanhte gaw Nat e gunglau ai de hkan mat wa nna, anhte a shakut shaja ai hte galaw da ai amu ni kaman lila n tai shangun mayu ga ai!