1 KORINHTU 7:38 - Jinghpaw Common Language Bible 2009

³⁸ Dai rai nna, numsha hte hkungran ai wa gaw kaja ai hku galaw nga ai; rai ti mung dai numsha hpe n la ai sha nga ai wa gaw grau kaja ai galaw nu ai.

Jinghpaw Hanson Version Bible

³⁸ Shing rai, shi a shayi sha hpe ya ai wa gaw, kaja ai hku galaw nga ai; n ya ai wa mung grau kaja ai hku galaw na re ai.

1 KORINHTU 7:38 ပူးပေါင်းရင်းမြစ်များ

MAHTE 5:32

Ngai mahtang nanhte hpe tsun made ai gaw, la shaw ai majaw sha n rai yang gaw, tinang a num hpe jahka ai wa gaw, madu jan kaga la hte bai hkungran ai hte rau la shaw ai amu galaw shangun nu ai. Dai num hpe hkungran la ai wa mung num shaw ai amu galaw nu ai.

1 KORINHTU 7:26

Ya anhte hkrum hkra nga ai myit ru kyin dut hte hpring ai ban prat a majaw, la langai mi gaw shi rai nga ai hte maren nga nga yang grau mai nga ai ngu nna ngai myit lu nngai.

1 KORINHTU 7:37

Rai ti mung, lasha gaw tinang dai num n la ai nga na matu myit daw dan nna, tinang a myit hpe mung tsep kawp hkang kau lu nna numsha hte n hkungran ai sha nga yang gaw, kaja ai hku galaw nu ai.

1 KORINHTU 7:39

Hkungran sai num langai mi gaw, shi a madu wa ahkrung nga dingsa shi hte naw makyit nga ai; rai ti mung, madu wa si mat sayang gaw shanglawt lu sai rai nna shi ra ai kadai wa hte rai tim, hkungran lu sai. Rai ti mung, dai hkungran ai lam gaw Hkristan lasha hte rai ra nga ai.

1 KORINHTU 7:8

Ya garai n hkungran ai ni hte, gaida jan ni hpe ngai tsun nngai gaw, ngai zawn matut nna nga mat wa yang nanhte a matu grau nna mai kaja na re.

HEBRE 13:4

Hkungran ai lam hpe masha yawng mayawng hkungga shagrau lu na rai myit dai hte madu wa madu jan shada da a ntsa e sadi dung nga lu na rai myit dai; Karai Kasang gaw arawn alai hten ai ni hte num shaw la shaw ai ni hpe jeyang na ra ai.