1 KORINHTU 7:34 - Jinghpaw Common Language Bible 2009

³⁴ Dai re ai majaw shi gaw myit lahkawng gabra nga lu ai. Num n wa ai numsha shing n rai hkawn jet re ai wa gaw Karai Kasang hpe shi a hkum hkrang hte wenyi chyoi pra nga u ga, sak nawng mayu ai rai nna, Madu a amu lam hpe grai myit lawm myit tsang nga ai: rai ti mung num wa sai num gaw, tinang a madu wa a myit ra sharawng ai lam byin shangun mayu ai majaw, mungkan hte seng ai lam hpe myit tsang mat nga ai.

Jinghpaw Hanson Version Bible

³⁴ Num n wa ai numsha hte mahkawn gaw, tinang a hkum hte wenyi chyoi pra nga u ga, nga nna dai Madu a lam hte hpe a tsang nga ai: num wa ai num chyawm gaw, madu wa hte kaning rai myit hkrum lu na, nga nna mungkan ga a lam hte hpe a tsang nga ai.

1 KORINHTU 7:34 ပူးပေါင်းရင်းမြစ်များ

YAWHAN 10:13

Dai nchyang wa gaw, nchyang sha rai nga ai majaw, sagu ni a matu n tsang ai, hprawng mat wa ai.

ROMA 6:13

Dai hta n-ga nanhte a hkum hkrang daw shan hpe mung n hkru n shawp ai hta asung jashawn na matu yubak hpe hkum ap ya myit. Shing rai na malai nanhte si ai kaw na hkrung rawt ai n re ai hku nna mung, ding hpring mai kaja ai lam ni hta jai lang hkam na matu mung tinang hkum hkrang hpe Karai Kasang kaw sak ya mu.

1 KORINHTU 6:20

Madu gaw nanhte hpe jahpu manu daw nna mari da sai ni rai nga myit dai; dai re ai majaw, nanhte a hkum hkrang hpe Karai Kasang a hpung shingkang dan hkung na matu jai lang nga mu.

1 KORINHTU 7:33

Rai ti mung num la ai wa chyawm gaw, madu jan ra ai lam byin shangun mayu ai majaw mungkan hte seng ai hpe myit tsang nga ai.

1 KORINHTU 7:35

Ndai lam ngai tsun nga ai gaw, ngai nanhte hpe karum mayu ai majaw tsun ai re. Nanhte hpe tara hte jum manat da na matu n rai. Nanhte hpe teng man htap htuk nna lam jaw ai hku hkan sa galaw shangun mayu ai hta n ga, Madu a magam hta ngam da ai lam n nga hkra awm dawm ap nawng daw jau shangun mayu ai majaw she ngai ndai lam tsun nga nngai.

2 KORINHTU 11:28

Dai hta kaga, hpung ni yawng hte a lam myit ru myit tsang ai gaw shani shagu ngai hpe shadut shatsang nga ni ai.

2 KORINHTU 8:16

Nanhte hpe karum madi shadaw na matu anhte hta myit rawt sharawng awng ai lam rawng ai zawn, Titu hta mung rawng shangun ai Karai Kasang a chyeju hpe gade shakawn shagrau shara rai nga a hka!

HPILIPI 1:20

Ngai gaw galoi mung nye a lit hpe n hprai ai sha, aten shagu hta rai ti mung, grau nna ya e rai ti mung, magrau grang ai atsam marai hte hpring tsup let, ngai hkrung ti mung, si ti mung nye a asak hkrung lam ting hta Hkristu a hpung shingkang dan hkung shangun na gaw nye a ra sharawng dik ai lam hte myit mada ai lam rai nga li ai.

1 HTESALONI 5:23

Anhte hpe ngwi pyaw sim sa ai lam jaw ya ai Karai Kasang gaw, nanhte hpe lam shagu hta shachyoi shapra nna, anhte a Madu Yesu Hkristu bai du sa ai shaloi e, nanhte a Wenyi, myit masin hte hkum hkrang ting gaw, mara n kap hkra bau maka nga u ga.

1 TIMOHTI 3:5

Masha langai mi gaw shi a nta dinghku hpe gara hku up hkang na lam n chye ai rai yang gaw, Karai Kasang a nawku hpung hpe gara hku lanu lahku lu na rai nga a ta?

1 TIMOHTI 5:5

Masha shingtai rai nna shi hpe yu lanu lahku na kadai n nga ai gaida jan langai mi gaw, Karai Kasang hta myit mada kam hpa let shani shana akyu hpyi ai hte Karai Kasang kaw na karum ai lam hpyi lajin nga ai.

TITU 3:8

Ndai ga gaw kangka re ai ga rai nga ai. Karai Kasang hpe kam sham ai ni gaw masha shagu a matu kaja ai hte akyu rawng ai mai kaja ai amu hpe myit lawm let aten jaw nna galaw nga mu ga lahta de tsun lai wa sai lam ni hpe laksan madung dat ahkyak shatai nna nang tsun shadum shahprang nga na hpe ngai ra nga nngai.