1 KORINHTU 7:33 - Jinghpaw Common Language Bible 2009

³³ Rai ti mung num la ai wa chyawm gaw, madu jan ra ai lam byin shangun mayu ai majaw mungkan hte seng ai hpe myit tsang nga ai.

Jinghpaw Hanson Version Bible

³³ num la ai wa chyawm gaw, madu jan hte kaning rai myit hkrum lu na, nga nna, mungkan ga a lam hte hpe tsang nga ai rai nna, myit kabra nga lu ai.

1 KORINHTU 7:33 ပူးပေါင်းရင်းမြစ်များ

LUKA 12:22

Dai hpang Yesu gaw sape ni hpe, “Dai re ai majaw, ngai nanhte hpe tsun made ga, hpa lu hpa sha na nga nna asak a matu, hpa bu hpa hpun na nga nna hkum hkrang a matu hkum tsang nga myit.

LUKA 14:20

Langai wa mi mung, ‘Ngai ya sha num hkungran da ni ai majaw, n lu sa nngai,’ ngu wu ai.

YAWHAN 10:13

Dai nchyang wa gaw, nchyang sha rai nga ai majaw, sagu ni a matu n tsang ai, hprawng mat wa ai.

1 KORINHTU 7:3

Madu wa gaw htung hte maren madu jan hte kanawn u ga, madu jan mung dai hte maren madu wa hte kanawn nna, langai wa gaw langai wa a ra ai lam ni hpe jahkum shatsup ya u ga.

1 KORINHTU 7:32

Ngai gaw nanhte hta myit ru myit tsang ai lam n nga na hpe ra sharawng nga nngai. Num n la ai wa gaw dai Madu a amu hta myit lawm myit tsang nga ai wa rai nna, Madu a myit ra ai lam galaw mayu nga ai.

1 KORINHTU 7:34

Dai re ai majaw shi gaw myit lahkawng gabra nga lu ai. Num n wa ai numsha shing n rai hkawn jet re ai wa gaw Karai Kasang hpe shi a hkum hkrang hte wenyi chyoi pra nga u ga, sak nawng mayu ai rai nna, Madu a amu lam hpe grai myit lawm myit tsang nga ai: rai ti mung num wa sai num gaw, tinang a madu wa a myit ra sharawng ai lam byin shangun mayu ai majaw, mungkan hte seng ai lam hpe myit tsang mat nga ai.

KOLOSE 3:19

Madu wa ni e, nanhte a madu jan ni hpe tsaw ra nga nna, shanhte hpe kajet kaje hkum rai nga myit.

1 TIMOHTI 5:8

Marai langai ngai gaw, tinang a amyu ru sai, grau nna dinghku masha ni hpe yu lanu lahku ai lam n nga ai wa gaw, dai makam masham hpe ningdang kau ai wa rai nna n kam ai masha langai hta pyi grau nna n hkru n kaja ai wa rai nga ai.

1 PETRU 3:7

Dai hte maren madu wa ni e, madu jan ni gaw n-gun kya ai amyu ni re ai ngu ai hpe atsawm sha chye na let nanhte a madu jan ni hte kanawn mazum nga mu. Shanhte hpe hkungga lara di mu, hpa majaw nga yang shanhte mung nanhte hte maren Karai Kasang kaw na asak a sali wunli kumhpa hpe hkam la na ni rai ma ai. Ndai lam galaw mu, shaloi she nanhte a akyu hpyi ai ga ni hpe hpa e mung dingbai dingna n shabyin na re.