1 KORINHTU 7:32 - Jinghpaw Common Language Bible 2009

³² Ngai gaw nanhte hta myit ru myit tsang ai lam n nga na hpe ra sharawng nga nngai. Num n la ai wa gaw dai Madu a amu hta myit lawm myit tsang nga ai wa rai nna, Madu a myit ra ai lam galaw mayu nga ai.

Jinghpaw Hanson Version Bible

³² Nanhte gaw myit ru myit tsang n nga myit ga, ngai ra nga nngai. Num n la ai wa gaw, dai Madu hte kaning rai myit hkrum lu na nga nna, Madu a lam hte hpe a tsang nga ai:

1 KORINHTU 7:32 ပူးပေါင်းရင်းမြစ်များ

SHAKAWN KUNGDAWN 55:22

Na a ru yak tsin-yam ni hpe Madu hta tawn da u, shi nang hpe makawp maga la na ra ai; ding hpring ai masha ni hpe shi galoi mung sum shangun nga ai n rai.

MAHTE 13:22

Ju hpun hta hkrat ai nli tum ni gaw, dai ga hpe na la ti mung, ndai prat na myit tsang ai hte sut gan marin myit gaw, dai mungga hpe lim kau nna asi n si lu ai hte bung nga ma ai.

MARKU 4:19

Rai ti mung dinghta asak hkrung lam a myit ru myit tsang ai lam, sutgan ra marin ai lam hte kaga ra sharawng ai lam ni dumbru shang wa nna dai mungga hpe lim kau ai majaw asi n si lu ai.

YAWHAN 10:13

Dai nchyang wa gaw, nchyang sha rai nga ai majaw, sagu ni a matu n tsang ai, hprawng mat wa ai.

1 KORINHTU 7:33

Rai ti mung num la ai wa chyawm gaw, madu jan ra ai lam byin shangun mayu ai majaw mungkan hte seng ai hpe myit tsang nga ai.

HPILIPI 4:6

Hpa lam hta mung myit hkum ru hkum tsang nga myit; lam shagu hta akyu hpyi nna tawng ban ai hte chyeju dum ai myit masin hte shakawn kungdawn let nanhte a ra mara hpe Karai Kasang kaw shana ya mu.

1 TIMOHTI 5:5

Masha shingtai rai nna shi hpe yu lanu lahku na kadai n nga ai gaida jan langai mi gaw, Karai Kasang hta myit mada kam hpa let shani shana akyu hpyi ai hte Karai Kasang kaw na karum ai lam hpyi lajin nga ai.