1 KORINHTU 7:31 - Jinghpaw Common Language Bible 2009

³¹ mungkan sut gan jai lang ai ni gaw awm dawm madu da nna n jai lang lu ai ni zawn, rai wa manu ga: hpa majaw nga yang, ndai ya mu mada nga ai mungkan ga gaw, nhtoi ladaw na na wa nga nga na n rai sai.

Jinghpaw Hanson Version Bible

³¹ ndai mungkan ga hpe sung ai ni gaw, grai wa n sung nga ai zawn, rai wa manu ga; kaning rai nme law, ndai mungkan ga a amawn asam gaw lai mat wa nga ai.

1 KORINHTU 7:31 ပူးပေါင်းရင်းမြစ်များ

SHAKAWN KUNGDAWN 39:6

shingnip langai mi hta pyi grau nga ai n rai. Shi galaw ai lam yawng mayawng mung kaman a matu rai nga ai; shi gaw sut gan hpe mahkawng da ti mung dai hpe kadai lu la na ra ai gaw, n chye nga ai.

SHAKAWN KUNGDAWN 73:20

Madu e, shanhte gaw jahpawt manap aten hta mat mat ai yup mang ni zawn rai nga nna; Madu nang rawt wa ai shaloi, shanhte n nga nga masai.

HPAJI NINGLI 1:4

Masha ban mi shang wa nna ban mi pru mat wa nga ai, rai ti mung mungkan ga gaw maren dinggrin arai nga ai.

HPAJI NINGLI 11:2

Na a arang ni hpe shara shagu, shara law law hkan arang bang u; hpa majaw nga yang, ndai mungkan ga hta n kaja ai baw amu hpa byin na hpe nang galoi mung n chye lu nga ndai.

LUKA 21:34

“Nanhte gaw, lu lai, sha lai, chyaru nang ai, dinghta asak hkrung lam a matu myit ru myit tsang ai lam ni hte nanhte hpe n ka-up dang kau u ga, sadi hte nga nga mu. Dai n rai yang, dai tara dawdan ai nhtoi gaw mahkam htim ai zawn nanhte a ntsa e akajawng sha dan pru na ra ai.

1 KORINHTU 7:29

Bai, hpu nau ni e, ngai ngu mayu ai gaw ndai hku rai nga ai: ahkying ladaw law law n nga sai, ya kaw nna hkungran sai la ni gaw, n hkungran ai la ni zawn nga manu ga.

1 KORINHTU 7:30

Hkrap ngu hkrap ngoi ai ni gaw n yawn n hkyen ai ni zawn, kabu gara nna mani ai ni gaw, n kabu n gara ai ni zawn, sut rai mari la ai ni gaw, shanhte mari la ai sut rai a madu n re ai ni zawn,

1 KORINHTU 9:18

Dai rai yang, ngai gaw hpa baw shabrai wa hkam sha lu na rai nga a ta? Dai gaw manu jahpu n hpyi ai sha Kabu Gara Shiga hpe hkaw tsun lu ai hte nye a ahkaw ahkang hpe n jai lang ai sha dai Kabu Gara shiga amu hpe gun hpai lu ai amyat rai nga ai.

HEBRE 12:27

“Lang mi naw,” ngu ai ga a lachyum gaw, hpan da hkrum ai arai ni yawng hpe ashun dat nna yeng seng kau na rai nna, n shamu n shamawt lu ai arai ni sha ngam nga na ra ai, nga ai rai nga ai.

YAKU 4:14

Nanhte gaw hpawt ni e nanhte a asak hpa byin na ra ai hpe pyi nanhte n chye nga myit dai! Nanhte gaw chyahkring mi sha mawng kahpawk dan pru nna bai hkoi mat ai wan hkut hte bung nga myit dai.

1 PETRU 1:24

Dai gaw Chyum Laika hta, “Shinggyim masha amyu baw yawng gaw tsingdu zawn rai nga ai; shanhte a hpung shingkang yawng mung nam na nampan pu hte bung nga ai. Dai tsingdu gaw nyui mat wa nna nampan pu ni run hkrat mat ma ai.

1 PETRU 4:7

Arai yawng mayawng a hpang jahtum ai aten gaw ni wa magang ra ai, Dai re ai majaw nanhte gaw akyu hpyi lu na matu tinang hkum hpe hkang da nna su hprang let majen maja nga mu.

1 YAWHAN 2:17

Dinghta ga hte hpawn, dai hta na shinggyim masha ni marin marit ai lam shagu gaw lai mat wa nga sai rai ti mung Karai Kasang a myit ra ai hku hkan galaw ai wa chyawm gaw, htani htana e anga nga ai.