1 KORINHTU 7:29 - Jinghpaw Common Language Bible 2009

²⁹ Bai, hpu nau ni e, ngai ngu mayu ai gaw ndai hku rai nga ai: ahkying ladaw law law n nga sai, ya kaw nna hkungran sai la ni gaw, n hkungran ai la ni zawn nga manu ga.

Jinghpaw Hanson Version Bible

²⁹ Bai, hpunau ni e, dai lam ngai tsun nngai gaw, ahkying ladaw gying mat wa sai; shing rai ya kaw nna gaw, num lu ai ni, n lu ai zawn, rai wa manu ga;

1 KORINHTU 7:29 ပူးပေါင်းရင်းမြစ်များ

2 SAMUELA 19:34

Rai ti mung Barazilai mahtang, “Ngai gaw shaning na na asak hkrung nga lu na n rai ni ai. Shing re ai mi, madu hkawhkam hte rau Yerusalem mare de hpa lam a majaw hkan wa ang na rai ta?

HPAJI NINGLI 6:12

Masha a asak gaw shingnip zawn lai mat wa ai rai nna, akyu n rawng nga ai majaw ndai zawn kadun la ai aten hta anhte a matu mai kaja htum ai gaw hpa baw rai nga ai hpe kadai wa kaning rai chye lu na rai ta? Anhte si mat ai hpang mungkan ga hta hpa byin wa na hpe kadai wa kaning rai chye lu na rai ta?

HPAJI NINGLI 9:10

Nang yu wa na katsan ga hta e, amu bungli, myit mang ai, machye machyang hpaji hte hpaji byeng-ya hpa mung n nga ai majaw nang galaw ai amu hpa hpe mung ja ja galaw u.

EZEKELA 7:12

Aten gaw du wa ra ai. Karai Kasang a sindawng kahtet ai gaw masha shagu a ntsa de maren sha di hkrat bun na ra ai majaw, dut mari ai amu loi mi pyi lachyum n pru ai nhtoi gaw ni wa nga sai.

LUKA 14:20

Langai wa mi mung, ‘Ngai ya sha num hkungran da ni ai majaw, n lu sa nngai,’ ngu wu ai.

1 KORINHTU 7:28

Rai ti mung nang hkungran nna dinghku shang n yang mung, yubak, mara langai ngai tawt lai ai lam n rai nga ai; mahkawn langai mi hkungran a yang gaw, shi yubak mara galaw tawt lai nu ai n rai. Rai ti mung dinghku de sai ni shani shagu hkrum katut hkam sha nga ai nni nkri ni hte tsan gang shangun mayu ai majaw, ning ngu nna ngai tsun made ai rai nga ai.

1 KORINHTU 7:30

Hkrap ngu hkrap ngoi ai ni gaw n yawn n hkyen ai ni zawn, kabu gara nna mani ai ni gaw, n kabu n gara ai ni zawn, sut rai mari la ai ni gaw, shanhte mari la ai sut rai a madu n re ai ni zawn,

1 KORINHTU 7:31

mungkan sut gan jai lang ai ni gaw awm dawm madu da nna n jai lang lu ai ni zawn, rai wa manu ga: hpa majaw nga yang, ndai ya mu mada nga ai mungkan ga gaw, nhtoi ladaw na na wa nga nga na n rai sai.

1 PETRU 1:24

Dai gaw Chyum Laika hta, “Shinggyim masha amyu baw yawng gaw tsingdu zawn rai nga ai; shanhte a hpung shingkang yawng mung nam na nampan pu hte bung nga ai. Dai tsingdu gaw nyui mat wa nna nampan pu ni run hkrat mat ma ai.

1 PETRU 4:7

Arai yawng mayawng a hpang jahtum ai aten gaw ni wa magang ra ai, Dai re ai majaw nanhte gaw akyu hpyi lu na matu tinang hkum hpe hkang da nna su hprang let majen maja nga mu.

1 YAWHAN 2:17

Dinghta ga hte hpawn, dai hta na shinggyim masha ni marin marit ai lam shagu gaw lai mat wa nga sai rai ti mung Karai Kasang a myit ra ai hku hkan galaw ai wa chyawm gaw, htani htana e anga nga ai.