1 KORINHTU 7:28 - Jinghpaw Common Language Bible 2009

²⁸ Rai ti mung nang hkungran nna dinghku shang n yang mung, yubak, mara langai ngai tawt lai ai lam n rai nga ai; mahkawn langai mi hkungran a yang gaw, shi yubak mara galaw tawt lai nu ai n rai. Rai ti mung dinghku de sai ni shani shagu hkrum katut hkam sha nga ai nni nkri ni hte tsan gang shangun mayu ai majaw, ning ngu nna ngai tsun made ai rai nga ai.

Jinghpaw Hanson Version Bible

²⁸ Rai timung, nang hkungran n yang gaw, yubak n rai nga lit dai; mahkawn mung hkungran a yang gaw, yubak n rai nga ai; shing re ai ni chyawm gaw, hkum shan hta e nni nkri hkrum na mara ai: ngai mahtang, nanhte hpe shalawt mayu made ai.

1 KORINHTU 7:28 ပူးပေါင်းရင်းမြစ်များ

MAHTE 5:32

Ngai mahtang nanhte hpe tsun made ai gaw, la shaw ai majaw sha n rai yang gaw, tinang a num hpe jahka ai wa gaw, madu jan kaga la hte bai hkungran ai hte rau la shaw ai amu galaw shangun nu ai. Dai num hpe hkungran la ai wa mung num shaw ai amu galaw nu ai.

1 KORINHTU 7:26

Ya anhte hkrum hkra nga ai myit ru kyin dut hte hpring ai ban prat a majaw, la langai mi gaw shi rai nga ai hte maren nga nga yang grau mai nga ai ngu nna ngai myit lu nngai.

1 KORINHTU 7:27

Nang gaw dinghku de nna madu jan lu ai wa rai n yang gaw, shi hpe jahka kau na lam hkum tam et. Dinghku n de ai la rai yang gaw, dinghku de na hkum myit et.

1 KORINHTU 7:29

Bai, hpu nau ni e, ngai ngu mayu ai gaw ndai hku rai nga ai: ahkying ladaw law law n nga sai, ya kaw nna hkungran sai la ni gaw, n hkungran ai la ni zawn nga manu ga.

2 KORINHTU 1:23

Korinhtu mare de ngai bai n sa sana ngu nna ngai myit daw dan ai lam gaw nanhte hpe hkyamsa shangun mayu ai majaw re ai lam, nye a myit masin hpe chye ya ai Karai Kasang gaw nye a sakse rai nga sai.

HEBRE 13:4

Hkungran ai lam hpe masha yawng mayawng hkungga shagrau lu na rai myit dai hte madu wa madu jan shada da a ntsa e sadi dung nga lu na rai myit dai; Karai Kasang gaw arawn alai hten ai ni hte num shaw la shaw ai ni hpe jeyang na ra ai.