1 KORINHTU 7:25 - Jinghpaw Common Language Bible 2009

²⁵ Ya nanhte laika ka nna san dat ai garai n hkungran ai ni hte seng nna dai Madu kaw na htet da ai ga ngai n lu nngai: rai ti mung Karai Kasang a matsan dum ai chyeju majaw kam ging ai wa langai mi rai nga ai hku nna, nye a myit la lu ai lam hpe tsun shana dat nngai.

Jinghpaw Hanson Version Bible

²⁵ Ya, mahkawn ni a lam, dai Madu kaw na htet da ai ga ngai n lu nngai: rai timung, sadi sahka ai wa tai na she, dai Madu kaw na chyeju hkam la lu ai zawn, ngai jeyang ai lam shapraw nngai.

1 KORINHTU 7:25 ပူးပေါင်းရင်းမြစ်များ

SHAKAWN KUNGDAWN 78:63

Shabrang ni majan hta sat kau ai hkrum nga ma ai; mahkawn ni mung shanhte hpe hkungran la na masha langai mi mung n nga nga ai.

1 KORINHTU 15:10

Rai ti mung, Karai Kasang a chyeju majaw, ngai gaw ngai wa rai nga nngai; ngai hpe Karai Kasang jaw ai chyeju mung kaman lila n rai nga ai sha, kaga kasa ni yawng hta, ngai grau nna bungli galaw gun hpai shaja nngai. Shing rai galaw lu ai gaw, nye a atsam majaw n rai, ngai hte rau amu galaw nga ai Karai Kasang a chyeju a majaw rai nga ai.

1 KORINHTU 4:2

Shing rai lit la nna magam gun hpai ai shangun ma wa hta nga ra ai atsam marai langai mi gaw, shi a Madu a ntsa e kangka sadi dung na lam rai nga ai.

1 KORINHTU 7:10

Hkungran sai ni a matu hkang da ai lam langai mi ngai jaw made ai; dai gaw ngai kaw na n rai, Madu kaw na rai nga ai; Madu wa gaw madu jan hte n hka u ga.

1 KORINHTU 7:12

Dai Madu hkang da ai ga n rai hkra rai ti mung, kaga masha ni hpe ngai hkang da mayu ai lam gaw: Hkristan la langai mi gaw, n kam n sham ai madu jan lu dam ti mung, dai numsha shi hte rau nga nga mayu a yang gaw, shi hpe n jahka kau u ga.

1 KORINHTU 7:28

Rai ti mung nang hkungran nna dinghku shang n yang mung, yubak, mara langai ngai tawt lai ai lam n rai nga ai; mahkawn langai mi hkungran a yang gaw, shi yubak mara galaw tawt lai nu ai n rai. Rai ti mung dinghku de sai ni shani shagu hkrum katut hkam sha nga ai nni nkri ni hte tsan gang shangun mayu ai majaw, ning ngu nna ngai tsun made ai rai nga ai.

1 KORINHTU 7:34

Dai re ai majaw shi gaw myit lahkawng gabra nga lu ai. Num n wa ai numsha shing n rai hkawn jet re ai wa gaw Karai Kasang hpe shi a hkum hkrang hte wenyi chyoi pra nga u ga, sak nawng mayu ai rai nna, Madu a amu lam hpe grai myit lawm myit tsang nga ai: rai ti mung num wa sai num gaw, tinang a madu wa a myit ra sharawng ai lam byin shangun mayu ai majaw, mungkan hte seng ai lam hpe myit tsang mat nga ai.

1 KORINHTU 7:40

Rai ti mung dai numsha gaw dinghku bai n shang ai sha nga lu a yang gaw shi grau pyaw ai hte a lu ai lam rai na ra ai. Ndai gaw nye a myit sawn jeyang jahkrat ai lam rai nga ai; ngai mung Karai Kasang a Wenyi hkam la lu ai, Wenyi rawng ai wa re ai ngu nna myit kam nngai law.

1 KORINHTU 7:6

Ning ngu nna ngai tsun ai gaw, nanhte hpe jep hkang da nngai n rai, shayawm nna ahkang jaw ai lam sha rai nga ai.

2 KORINHTU 11:17

Teng sha nga yang, ya ngai tsun gumrawng nga ai lam gaw Karai Kasang tsun shangun mayu ai lam n rai nga ai; ndai tsun gumrawng ai lam hta ngai gaw kaja wa angawk ai wa langai mi zawn ngai tsun nga nngai.

2 KORINHTU 2:17

Anhte gaw kaga masha law law ni zawn, Karai Kasang a mungga hpe manu hpa ai gun rai hpe zawn dut mari ai lam n galaw ga ai. Rai ti mung anhte gaw Karai Kasang e shangun dat ai ni rai nna, Hkristu a shangun ma ni hku nna Karai Kasang a man e dai mungga hpe teng man san seng ai myit hte hkaw tsun ga ai.