1 KORINHTU 7:21 - Jinghpaw Common Language Bible 2009

²¹ Shaga lata la hkrum ai ten hta mayam rai nga ai wa gaw, myit hkum tsang et, rai ti mung mayam kaw na lawt lu na ahkang lu na rai yang gaw, dai ahkaw ahkang hpe la u.

Jinghpaw Hanson Version Bible

²¹ Mayam rai nga ai wa shaga da ai hkrum n yang gaw, myit hkum tsang et; rai timung, lawt lu n yang gaw, dai lam grau nna tam u.

1 KORINHTU 7:21 ပူးပေါင်းရင်းမြစ်များ

LUKA 12:29

“Dai majaw nanhte hpa lu hpa sha na, ung ang ai myit hkum rawng myit:

LUKA 21:34

“Nanhte gaw, lu lai, sha lai, chyaru nang ai, dinghta asak hkrung lam a matu myit ru myit tsang ai lam ni hte nanhte hpe n ka-up dang kau u ga, sadi hte nga nga mu. Dai n rai yang, dai tara dawdan ai nhtoi gaw mahkam htim ai zawn nanhte a ntsa e akajawng sha dan pru na ra ai.

1 KORINHTU 12:13

Dai hte maren anhte yawng gaw, Yuda ni rai ti mung, Yuda amyu masha n re ai ni rai ti mung, mayam ni rai ti mung, mayam n re ai ni rai ti mung, Wenyi langai sha hta hkalup hkam la nna hkum hkrang langai sha tai wa saga ai hte, nlang hte a myit masin hta dai Wenyi langai sha hpe hkam la saga ai.

1 KORINHTU 7:20

Langai hte langai gaw Karai Kasang e lata shaga la ai ten hta galaw lu galaw sha ai hte maren sha matut galaw nga u ga.

1 KORINHTU 7:22

Hpa majaw nga yang, mayam rai nga yang dai Madu e shaga la hkrum ai wa gaw, Madu a shanglawt masha rai nga ai; dai hte maren, shanglawt masha langai mi rai nna Madu e shaga lata la hkrum ai wa gaw, Hkristu a mayam rai nga ai.

GALATI 3:28

Dai rai nna nanhte hta shada da ginhka ginrang na lam n nga sa; Yuda amyu masha ni hte Grik masha ngu na mi n nga, mayam hte shanglawt ngu na mi n nga, lasha hte numsha ngu na mi n nga, nanhte yawng mayawng hte gaw Hkristu hta e langai sha rai nga myit dai.

HPILIPI 4:11

Shing nga nna ngai tsun nngai gaw nanhte ngai hpe ra kadawn mat hkra n yu, n gawn mat manit dai ngu nna myit hta hkam sha ai majaw tsun nga nngai n rai. Hpa majaw nga yang ngai gaw tinang hta lu ai mi hte myit dik let nga chye na lam hpe sharin la tawn ni ai.

HPILIPI 4:6

Hpa lam hta mung myit hkum ru hkum tsang nga myit; lam shagu hta akyu hpyi nna tawng ban ai hte chyeju dum ai myit masin hte shakawn kungdawn let nanhte a ra mara hpe Karai Kasang kaw shana ya mu.

KOLOSE 3:11

De a majaw, Heleni masha hte Yuda masha, matu gadoi hkam ai wa hte matu gadoi n hkam ai wa, karing karang masha, masha chyazai chyalam ni, mayam ni, shanglawt masha ni ngu nna shanhte a lapran e naw ginhka chyai nga na lam mi n nga sai. Hkristu gaw nanhte yawng mayawng a kraw lawang hta shanu nga ai rai nna Hkristu gaw yawng mayawng hta ahkyak dik ai wa mung rai nga ai.

HEBRE 13:5

Nanhte a asak hkrung lam hpe gumhpraw marin ai hta n lawm mat shangun ai sha lu ai made hte myit dik nga mu, hpa majaw nga yang, Karai Kasang gaw, “Ngai nang hpe galoi mung n kau da na nngai, ngai nang hpe galoi mung n kabai kau na de ai,” nga nna tsun ai.

1 PETRU 5:7

Nanhte a myit tsang ai nlang hte hpe shi hta kabai ap da mu; hpa majaw nga yang shi gaw nanhte hpe lanu lahku tsang ya nga ai.