1 KORINHTU 7:2 - Jinghpaw Common Language Bible 2009

² Rai ti mung hpye ai amu nau wa law htam nga ai majaw, dai hpe koi gam na matu lasha shagu gaw shi a madu jan lu u ga, numsha shagu mung shi a madu wa lu u ga.

Jinghpaw Hanson Version Bible

² rai timung, hpye ai amu koi na matu, la langai hte langai tinang a num lu u ga, num langai hte langai tinang a la lu u ga.

1 KORINHTU 7:2 ပူးပေါင်းရင်းမြစ်များ

GA SHAGAWP 18:22

Num la u, shaloi, mai kaja ai arai hpe nang mu la na ndai; dai gaw na a ntsa e, Madu a chyeju jaw ya ai hpe madun dan nga ai.

GA SHAGAWP 19:14

Masha gaw shi a kanu kawa ni kaw na, nta hte sut gan sali wunli hpe hkam la lu nga ai; dai Madu chyu sha shi hpe htauli htaula myit rawng ai madu jan jaw ya lu nga ai.

MALAHKI 2:14

Nanhte gaw hpa majaw dai ni hpe shi galoi mung n hkap la ai hpe san myit dai. Dai gaw na a brang ram prat e nang hkungran da sai madu jan hpe jaw ai na a ga sadi hpe nang run kau nit dai hpe shi chye ai majaw rai nga ai. Shi gaw na a kanawn manang rai nga ai hte shi hta sadi dung na nngai ngu, Karai Kasang a man e nang ga sadi jaw ti mung na a ga sadi hpe nang run kau nga ndai.

MAHTE 5:32

Ngai mahtang nanhte hpe tsun made ai gaw, la shaw ai majaw sha n rai yang gaw, tinang a num hpe jahka ai wa gaw, madu jan kaga la hte bai hkungran ai hte rau la shaw ai amu galaw shangun nu ai. Dai num hpe hkungran la ai wa mung num shaw ai amu galaw nu ai.

1 KORINHTU 6:18

Hpye ai amu hpe koi gam nga mu: masha e tawt lai ai yubak mara yawng mayawng gaw tinang hkum hkrang a mai kaja ai lam hpe n hkra ya lu nga ai; rai ti mung hpye ai amu hta mara kap ai wa gaw, shi a hkum hkrang hpe nan shut hpyit da wu ai.

1 KORINHTU 7:1

Ya nanhte ka dat ai lam hte seng nna tsun htai na nngai. Lasha langai mi gaw numsha langai mi hte hkum shan shada n hkrum kanawn ai nga lu yang gaw grau mai nga ai.

1 KORINHTU 7:3

Madu wa gaw htung hte maren madu jan hte kanawn u ga, madu jan mung dai hte maren madu wa hte kanawn nna, langai wa gaw langai wa a ra ai lam ni hpe jahkum shatsup ya u ga.

1 KORINHTU 7:9

Rai ti mung nanhte a myit hpe n sharang lu myit yang gaw hkungran mu ga, hpa majaw nga yang, katu kahtet nga na hta hkungran ai gaw grau kaja nga ai.

EHPESU 5:28

Dai rai nna madu wa ni gaw, tinang a hkum hpe tsaw ra nga ai zawn tinang a madu jan ni hpe tsaw ra nga na mai nga ai. Tinang a madu jan hpe tsaw ra ai wa gaw, tinang a hkum hpe mung tsaw ra nga ai.

EHPESU 5:33

Rai ti mung dai gaw nanhte hte mung seng nga ai. Madu wa shagu gaw shi a madu jan hpe tsaw ra lu na rai nna Madu jan shagu mung tinang madu wa hpe tsaw ra lu na rai nga ai.

1 HTESALONI 4:4

Nanhte la ni langai hte langai gaw tinang a madu jan hte chyoi pra nna sari rawng tsawm htap ai hku kaning rai nga lu na lam chye ra nga ai.

1 TIMOHTI 4:3

Shing re ai masha ni gaw hkungran ai hpe pat hkum da nna shahpa nkau mi hpe koi na matu sharin ma ai. Rai ti mung kam sham ai ni hte dai teng man ai lam hpe chye chyang ai ni gaw chyeju shakawn akyu hpyi nna sha lu na matu Karai Kasang gaw dai shahpa ni hpe hpan da nu ai.

TARA AGYI 21:22

Shanhte a kawa shing n rai kahpu kanau ni anhte hpe sa jawat ai shaloi, ‘Anhte a madu jan ni shatai na matu majan ginra kaw na shanhte hpe anhte n woi la na ga ai majaw chyeju hte shanhte a matu myit shakawp ya na ga ai. Anhte hpe nanhte n jaw ya myit dai majaw nanhte gaw nanhte a ga sadi hpe jahten kau ai mara lu nga myit dai n rai,’” ngu nna nanhte tsun lu na rai myit dai.