1 KORINHTU 7:17 - Jinghpaw Common Language Bible 2009

¹⁷ Masha langai hte langai gaw, shi hpe Karai Kasang garan jaw ai chyeju kumhpa hte maren, Karai Kasang shaga lata la ai ten hta nga ai mabyin masa hte maren matut nna asak hkrung nga u ga. Ndai gaw hpung shagu hpe ngai hkaw tsun sharin shaga ai tara lam rai nga ai.

Jinghpaw Hanson Version Bible

¹⁷ Dai Madu gaw langai hte langai hpe karan jaw nna, Karai Kasang gaw langai hte langai hte hpe shaga da mu ai hte maren, shi naw hkawm nga u ga. Hpung shagu hta e ndai lam ngai hkang da nngai.

1 KORINHTU 7:17 ပူးပေါင်းရင်းမြစ်များ

MAHTE 19:12

Hpa majaw nga yang, masha nkau mi gaw kanu a hkritung nna la jasi tai mat ma ai; nkau mi gaw masha a lata hte la jasi tai mat ma ai; bai nkau mi gaw sumsing Mungdan a akyu hpe tau nna dinghku n de ma ai.”

1 KORINHTU 10:32

Yuda amyu masha ni a matu mung, maigan masha ni a matu mung, Karai Kasang a Hpung a matu mung, ahtu kataw shara hkum tai nga myit.

1 KORINHTU 11:16

Rai ti mung marai langai ngai, dai lam hte seng nna ndang kalang hkat mayu dam a yang gaw, anhte hta mung, Karai Kasang a hpung ni hta mung, nawku daw jau ai hpawng hta, htung lai kaga n nga ai, ngu nna dai wa hpe ngai tsun na we ai.

1 KORINHTU 11:34

Dai rai nna, Madu a Shana Shat Sha Poi sha na matu nanhte zuphpawng nga myit yang, Karai Kasang a tara dara ai hkrum na matu n rai u ga, masha langai ngai kawsi a yang gaw, nta e sha la u ga. Kaga ra ai lam ni hte seng nna ngai du sa ai shaloi she lajang sanglang na we ai.

1 KORINHTU 14:33

Hpa majaw nga yang, Karai Kasang gaw kashuk kashak lam a Karai Kasang n re ai sha, ngwi pyaw sim sa lam a Karai Kasang she rai nga ai.

1 KORINHTU 16:1

Yuda mung na Karai Kasang a masha ni hpe karum la na matu alu gumhpraw lahkawn na lam nanhte ka san dat ai hte seng nna, Galati mung na Hpung ni hpe ngai htet da ai hte maren, nanhte galaw mu.

1 KORINHTU 4:17

Dai lam a majaw ngai gaw Hkristan asak hkrung lam hta nye a tsaw ra ai, kangka sadi sahka nga ai ngai sha Timohti hpe nanhte hpang de ngai shangun dat we ai. Shi gaw, ngai nan hkan sa nna shara shagu na nawku hpung ni yawng hpe sharin shaga ya ai Hkristu hte langai sha re ai asak hkrung lam ningnan a lam nanhte hpe bai myit dum shangun na matu shadum jahprang na ra ai.

1 KORINHTU 7:18

Matu gadoi hkam sai wa langai mi gaw Karai Kasang e shaga lata ai hkrum ai rai yang matu gadoi hkam sai masat kumla ni hpe shaprai kau n ra sai. Matu gadoi n hkam ai sha, Karai Kasang e lata shaga la hkrum ai rai yang, matu gadoi ai n hkam la u ga.

1 KORINHTU 7:24

Hpu nau ni e, langai hte langai gaw, shaga lata la hkrum ai ten na hte maren Karai Kasang hte kanawn mazum let matut nna asak hkrung nga u ga law.

1 KORINHTU 7:7

Kaja wa nga yang, masha yawng mayawng hte hpe ngai zawn rai shangun mayu nngai; rai ti mung langai hte langai gaw Karai Kasang kaw na tinang a laklai ai chyeju kumhpa lu shajang ma ai; marai langai mi amyu mi, kaga wa amyu mi lu la shajang ma ai.

2 KORINHTU 11:28

Dai hta kaga, hpung ni yawng hte a lam myit ru myit tsang ai gaw shani shagu ngai hpe shadut shatsang nga ni ai.

2 KORINHTU 8:18

Dai kabu gara shiga hkaw tsun ai amu gun hpai ai lam hta hpung ni yawng e kam kaba da ai hpu nau wa langai mi hpe mung, anhte shi hte rau shangun dat ga ai.

GALATI 1:22

Dai aten hta Yuda mung na Hkristan hpung ni hta na hpung masha ni gaw ngai hte myi man chyaw n chye n chyap shi ma ai.

1 HTESALONI 2:14

Hpu nau ni e nanhte hta byin hkrum hkra ai lam ni gaw, Yuda mung na Karai Kasang a Hpung ni rai nga ai Hkristu a masha ni hta mung hkrum hkra nga ma ai. Nanhte gaw tinang a buga masha ni a lata hta zingri zingrat hkrum ai zawn, shanhte mung Yuda masha ni a lata hta hkrum nga ma ai.

2 HTESALONI 1:4

Dai re ai majaw, anhte ni nan nanhte a lam hpe Karai Kasang a hpung ni hkan e kabu gumrawng let tsun dan hkawm nga ga ai. Anhte gaw nanhte matut nna hkrum sha taw nga ai zingri zingrat hte nni nkri hpe hkam jan let kam sham nga myit dai lam ni hpe tsun kabu gumrawng hkawm nga ga ai.