1 KORINHTU 7:14 - Jinghpaw Common Language Bible 2009

¹⁴ Hpa majaw nga yang, n kam n sham ai madu wa gaw, kam sham ai madu jan a jaw e mung, n kam n sham ai madu jan gaw, kam sham ai madu wa a jaw e mung, shachyoi shapra ai hkrum nna Karai Kasang e hkap la ging ai ni tai wa lu ma ai; dai hku n rai yang gaw, nanhte a kashu kasha ni n san n seng ai maigan kashu kasha ni tai na ma ai; ya chyawm gaw, Karai Kasang e hkap la ging ai ni shanhte tai ma ai.

Jinghpaw Hanson Version Bible

¹⁴ Kaning rai nme law, n kam n sham ai madu wa gaw, madu jan a jaw e shachyoi shapra ai hkrum nga ai; n kam n sham ai madu jan mung, dai hpunau wa a jaw e shachyoi shapra ai hkrum nga ai: dai n rai yang gaw, nanhte a kashu kasha ni n san n seng na ma ai; ya chyawm gaw shanhte chyoi pra nga ma ai.

1 KORINHTU 7:14 ပူးပေါင်းရင်းမြစ်များ

ESAIA 52:1

Yerusalem e, n-gun shaja ai hte kalang bai galu kaba u! Karai Kasang a Chyoi Pra ai mare e, na hkum hpe hkik hkam ai hpun palawng hte mawn sumli u! Sumla nawku ai ni na a mare chyinghka de galoi mung bai shang lu na mara ai n rai.

KASA 10:23

Petru gaw, shanhte hpe nta nhku de saw shaga jashawn nhtawm shana shayup nna manam daw mu ai. Ya hpang shani shi hkyen la nna shanhte hte rau sa wa ai. Yopa mare na kam sham ai ni nkau mi mung shi hte rau hkan nang sa ma ai.

ROMA 11:16

Dai hta kaga muk tawng langai mi hta na hkyep mi hpe la nna Karai Kasang kaw shawng nawng jau ai rai yang ngam ai muk tawng ting mung nawng jau ai tai sai rai nga ai. Bai nna hpun langai mi a aru ni hpe nawng jau ai rai yang lakung lakying ni hpe mung nawng jau ai tai sai rai nga ai.

1 KORINHTU 7:13

Dai hte maren Hkristan numsha langai mi n kam n sham ai madu wa lu dam ti mung, dai la wa matut nna numsha hte rau nga mayu a yang gaw, dai la wa hpe n jahka kau u ga.

1 TIMOHTI 4:5

Hpa majaw nga yang, Karai Kasang a mungga hte akyu hpyi ai ga gaw dai hpe shachyoi shapra ya nga ai rai nna Karai Kasang hkap la ging ai shahpa shabyin shatai ya nga ai.

TITU 1:15

Tinang dai san seng nga sai ni a matu arai yawng mayawng gaw san seng nga ai; rai ti mung tinang dai n san n seng nna, Madu Yesu hpe n kam n sham ai ni a matu chyawm gaw, hpa mung n san n seng nga ai. Hpa majaw nga yang, shanhte a myit mang ai lam hte kraw lawang mahtang n san n seng nga malu ai.