1 KORINHTU 6:7 - Jinghpaw Common Language Bible 2009

⁷ Ndai zawn shada da shawk hkat ai lam gaw Hkristan madang hkrat sum hpoi mat ai lam majing rai nga malit dai. Shada hka dung na malai n tara ai hku galaw ai hpe hkam mana kau ai gaw grau n mai a ni?

Jinghpaw Hanson Version Bible

⁷ Shing rai, ya nanhte shada da shawk hkat ai amu rawng nga myit dai gaw, nanhte a shut ai lam majing rai nga malit dai. Hpa majaw sharu shatsang ai mahtang n hkam myit ta? Map lu map sha ai hpe hpa majaw n hkam myit ta?

1 KORINHTU 6:7 ပူးပေါင်းရင်းမြစ်များ

GA SHAGAWP 2:5

Shing rai yang, dai gaw, “Dai Madu hpe hkrit hkungga ai ngu ai lachyum hpe nang chye wa nna; Karai Kasang a lam sharin la ai lam hta nang awng dang wa na ndai.

GA SHAGAWP 20:22

Shut hpyit ai hka hpe nang nan matai hkum htang! dai Maduhpe kam hpa nga u, shaloi shi dai amu hpe teng man ai hku hpajang ya na ra ai.

HOSEA 10:2

Amyu masha ni a myit masin ni gaw masu hkalem myit rawng ai rai nna shanhte a yubak mara ni a majaw ya jang nni nkri hkam sha lu na rai ma ai. Karai Kasang gaw shanhte a tawn hkungri ni hpe agrawp shadaw kau ya nna, chyoi pra ai shadaw ni hpe jahten kau ya na ra ai.

LUKA 19:8

Zake rawt tsap nna, “Madu e, nye a sut rai ka-ang hkup matsan mayan ni hpe ngai garan jaw na we ai; bai langai ngai hpe ngai mawp sha kau ai rai yang gaw, htam mali ngai bai wa na we ai,” ngu nna Madu hpe tsun wu ai.

LUKA 6:29

Nanhte a shabyi maga mi bye ya ai wa hpe, maga mi naw ja ya u; na a ntsa palawng la kau ya ai wa hpe na a palawng mung hkum ndang u.

1 HTESALONI 5:15

Kadai mung shut ai hpe shut ai hku matai n htang ai sha, nanhte shada da hte, masha yawng mayawng a matu mai kaja ai lam galaw na hta nanhte a myit shatawng shada da mu.

1 PETRU 3:9

N hkru n kaja ai hpe n hkru n kaja ai hte, matsa mawa dagam dala ga hpe matsa mawa dagam dala ga hte, bai hkum tai htang nga myit; shing rai na malai; shaman ya ai ga htang jaw mu; hpa majaw nga yang, dai shaman ga gaw shi nanhte hpe shaga la ai shaloi nanhte hpe jaw na matu ga sadi jaw da sai rai nga ai.