1 KORINHTU 6:17 - Jinghpaw Common Language Bible 2009

¹⁷ Rai ti mung dai Madu hte pu sin matut ai hku manoi nga ai wa gaw, wenyi lam hku nna Madu hte hkum shan langai sha rai nga ai.

Jinghpaw Hanson Version Bible

¹⁷ Dai Madu hta manoi ai wa chyawm gaw, Wenyi langai sha rai nga ma ai.

1 KORINHTU 6:17 ပူးပေါင်းရင်းမြစ်များ

YAWHAN 3:6

Hkum shan hte shangai ai masha langai mi gaw, hkum shan rai nga ai; Wenyi hte shangai ai wa gaw Wenyi rai nga ai.

ROMA 8:9

Rai ti mung, nanhte a hkum shan myit e hkang ai hku n re ai sha nanhte hta Wenyi nan shanu nga yang gaw Wenyi e hkang ai hku galaw hkawm sa myit mang lu na rai myit dai. Kadai rai ti mung Hkristu a Wenyi n rawng ai wa gaw Hkristu hte n seng nga ai.

1 KORINHTU 12:13

Dai hte maren anhte yawng gaw, Yuda ni rai ti mung, Yuda amyu masha n re ai ni rai ti mung, mayam ni rai ti mung, mayam n re ai ni rai ti mung, Wenyi langai sha hta hkalup hkam la nna hkum hkrang langai sha tai wa saga ai hte, nlang hte a myit masin hta dai Wenyi langai sha hpe hkam la saga ai.

1 KORINHTU 6:15

Nanhte a hkum hkrang ni gaw Hkristu a daw shan ni rai nga ai hpe, nanhte n chye nga myit ni? Dai rai yang gaw, Hkristu a daw shan langai mi hpe la nna shawa num a daw shan langai mi shatai na rai nga a ni? Dai hku n mai byin ai.

GALATI 2:20

Dai rai nna ngai hkum nan naw hkrung nga nngai n rai; Hkristu she ngai hta e asak hkrung nga ai. Ndai ya e ngai hkrung nga ai asak gaw, ngai hpe tsaw ra nna nye a matu mara shi a asak nawng kau ai Karai Kasang a Kasha hpe kam sham ai a marang e hkrung nga ai asak rai nga ai.

EHPESU 5:30

Hpa majaw nga yang, shi a hkum hkrang a daw shan ni rai nga ga ai.)

HPILIPI 2:5

Hkristu Yesu hta rawng ai myit nan, nanhte hta mung rawng nga myit ga.