1 KORINHTU 6:16 - Jinghpaw Common Language Bible 2009

¹⁶ Shawa num hte shi a hkum hkrang gumhpawn kau ai wa gaw, dai shawa num hte hkum hkrang langai sha rai mat sai hpe nanhte n chye nga myit ni? Chyum Laika hta, “Shan lahkawng gaw hkum shan langai sha tai na mara ai,” nga nna tsun da nga ai.

Jinghpaw Hanson Version Bible

¹⁶ Shawa num hte manoi ai wa gaw, shi hte hkumhkrang langai sha rai nga ai hpe, nanhte n chye nga myit ni? Kaning rai nme law, Shan lahkawng gaw hkum shan langai sha tai na mara ai, nga nna shi tsun da nga ai.

1 KORINHTU 6:16 ပူးပေါင်းရင်းမြစ်များ

NINGPAWT NINGHPANG 2:24

Dai re ai majaw, lasha gaw shi a kanu yan kawa hpe kau da nhtawm shi a madu jan hte manoi nga na rai nna, shan lahkawng gaw hkum shan langai sha tai lu na mara ai.

NINGPAWT NINGHPANG 34:31

Rai ti mung shan mahtang, “Anhte a kajan hpe shawa num langai zawn n shatai kau lu na ga ai,” ngu nna htan ma ai.

NINGPAWT NINGHPANG 38:15

Dai num hpe Yuda mu wu yang, shi a myi man hpe magap da wu ai majaw dai num gaw shawa num rai nga ai ngu nna myit nawn da wu ai.

NINGPAWT NINGHPANG 38:24

Shata masum daram na ai hpang, marai langai mi gaw Yuda hpe, “Na a kanam Htama gaw shawa num zawn hpye hkawm nna, ya na-um nasin rai nga wu ai,” ngu nna tsun dan wu ai. Yuda gaw, “Shi hpe woi shapraw la nhtawm wan nat sat kau mu,” ngu nna hkang dat wu ai.

MARKU 10:8

shan lahkawng gaw hkum shan langai sha tai na mara ai. Shing rai shan gaw, lahkawng rai nga ma ai n rai, hkum shan langai sha rai nga ma ai.

1 KORINHTU 6:3

Anhte gaw lamu kasa ni hpe tara jeyang daw dan lu na rai ga ai lam nanhte n chye nga myit ni? Dai rai nna dinghta lam ni hpe grau nna jeyang daw dan ging nga ga ai n rai ni?

EHPESU 5:31

Dai Chyum laika hta tsun ai hte maren, “Ndai lam a majaw lasha gaw shi a kanu kawa hpe kau da nhtawm shi a madu jan hte kanawn manoi nga na rai nna shan lahkawng gaw hkum shan langai sha tai lu na mara ai.”

HEBRE 11:31

Kam sham ai hte shawa num Rahab gaw Israela kin-yu ni hpe hku hkau ai hku hkap hkalum la wu ai majaw Karai Kasang hpe n madat n mara ai ni hte rau sat kau ai n hkrum wu ai.

TARA AGYI 16:1

Lani mi na aten hta, Samson gaw Hpilisti mung na Gaza mare de sa wa wu ai; dai yang e shawa num langai mi hte hkrum nna shi kaw shang nga wu ai.