1 KORINHTU 6:15 - Jinghpaw Common Language Bible 2009

¹⁵ Nanhte a hkum hkrang ni gaw Hkristu a daw shan ni rai nga ai hpe, nanhte n chye nga myit ni? Dai rai yang gaw, Hkristu a daw shan langai mi hpe la nna shawa num a daw shan langai mi shatai na rai nga a ni? Dai hku n mai byin ai.

Jinghpaw Hanson Version Bible

¹⁵ Nanhte a hkumhkrang ni Hkristu a daw shan ni rai nga ai hpe, nanhte n chye nga myit ni? Dai rai yang gaw, Hkristu a daw shan ni hpe ngai jahka kau nna shawa num a daw shan ni shatai na rai nga a ni? Shing n rai law.

1 KORINHTU 6:15 ပူးပေါင်းရင်းမြစ်များ

NINGPAWT NINGHPANG 44:17

Yosep gaw, “Dai hku n rai law! Dai zawn re ai amu hpe ngai galoi mung galaw na we ai n rai! Gawm la hkrum ai wa chyu sha nye a mayam tai na rai nga ai. Nanhte ngam ai ni chyawm gaw nanhte a kawa hpang de shim lum ai hte angwi apyaw sha nhtang wa mu,” ngu nna tsun wu ai.

LUKA 20:16

“Shi sa nna dai sun galaw ai ni hpe sat kau nhtawm, dai sun hpe masha kaga a lata de bai htawt shap ya na ru ai,” ngu mu ai. Dai ga na ai ni gaw, “Dai hku n rai u ga,” nga ma ai.

ROMA 12:5

Dai hte maren law law rai nga ga ai anhte mung Hkristu hta hkum hkrang langai sha tai nna anhte gaw langai hte langai shada da daw shan rum nga ga ai.

ROMA 3:31

Dai rai yang gaw, kam sham ai hte anhte gaw dai jep ai Tara hpe yeng seng kabai kau sagaw ni? N rai law! Anhte dai tara hpe shangang shagrin ga ai.

ROMA 3:6

Karai Kasang gaw n tara ai ngu nna anhte gara lam hku nna mung n tsun lu ga ai. Lama wa Karai Kasang n tara ai rai yang, mungkan ga hpe kaning rai tara dara lu na rai ta?

ROMA 6:15

Dai rai yang gaw kaning ngu na law? Anhte gaw jep ai Tara n pu e n rai nga ga ai, Karai Kasang a chyeju n pu e she rai nga ga ai majaw yubak galaw na ga ni? Shing n rai u ga!

ROMA 6:2

Kaja wa dai hku n rai law! Yubak mara hte si hka mat sai ni anhte gaw dai hta e kaning rai naw matut nna pra nga lu na ga ta?

ROMA 7:13

Dai rai yang gaw mai kaja ai baw hta nye a matu si lam tai wa sani? Shing n rai u ga, ngai hpe si shangun ai gaw yubak rai nga ai. Yubak gaw shi a marai nsam dan leng wa u ga mai kaja ai hpe jai lang let ngai hpe si shangun ni ai. Dai rai nna yubak gaw gade wa hkrithpa rai nga ai lam jep ai Tara hku nna madun dan nga ai.

ROMA 7:7

Dai rai yang gaw, anhte kaning ngu tsun na rai ta? Dai jep ai Tara shi nan yubak rai nga ai ngu na rai ni? Shing n rai law! rai ti mung dai jep ai Tara gaw yubak ngu ai hpa re ai lam ngai hpe chye shangun ni ai. Lama wa dai Jep ai Tara gaw, “Masha kaga wa a arai hpe myit hkum marin e,” nga nna n tsun yang gaw myit marin ai gaw hpa re ai hpe ngai chye na n rai.

1 KORINHTU 11:3

Rai ti mung, lasha nlang hte a baw gaw, Hkristu rai nga ai, numsha a baw chyawm gaw lasha rai nga ai, Hkristu a baw chyawm gaw Karai Kasang rai nga ai lam ngai nanhte hpe chye na shangun mayu made ai.

1 KORINHTU 12:27

Ya nanhte yawng gaw Hkristu a hkum hkrang rai nga ai hte, langai hte langai gaw de a daw shan ni rai nga myit dai.

1 KORINHTU 6:13

“Lusha gaw kan a matu, kan gaw lusha a matu rai nga ai,” nga nna nanhte tsun na myit dai. Dai gaw teng nga ai, rai ti mung Karai Kasang gaw dai yan hpe rau sha jahten kau na ru ai. Dai hkum hkrang chyawm gaw hpye ai amu a matu n re ai sha, dai Madu hpe daw jau na matu rai nga ai. Karai Kasang mung hkum hkrang a ra kadawn nga ai lam ni hpe jaw ya nga ai.

1 KORINHTU 6:17

Rai ti mung dai Madu hte pu sin matut ai hku manoi nga ai wa gaw, wenyi lam hku nna Madu hte hkum shan langai sha rai nga ai.

1 KORINHTU 6:19

Nanhte a hkum hkrang gaw, nanhte hta rawng nga ai Karai Kasang jaw ya ai dai Chyoi pra ai Wenyi a htingnu rai nga ai hpe, nanhte n chye myit ni? Nanhte gaw nanhte a hkum hpe up madu lu myit dai n rai, Karai Kasang chyu sha madu rai nga ai.

1 KORINHTU 6:3

Anhte gaw lamu kasa ni hpe tara jeyang daw dan lu na rai ga ai lam nanhte n chye nga myit ni? Dai rai nna dinghta lam ni hpe grau nna jeyang daw dan ging nga ga ai n rai ni?

GALATI 2:17

Dai rai nna anhte gaw Hkristu hte langai sha tai ai a marang e Karai Kasang a man e ding hpring wa lu u ga, shakut ai lam hta anhte nan mung maigan masha ni zawn yubak mara lu ai ni rai nga ga ai hpe mu hkrup saga yang gaw, Hkristu shi nan yubak galaw ai lam hpe n-gun jaw woi aw law nga ai ngu tsun lu na kun? Gara hku nna mung n mai byin ai.

GALATI 3:21

Dai rai nna jep ai Tara gaw Karai Kasang a ga ndat ni hte nhtan shai nga ai ngu mayu ai rai ni? Gara hku nna mung n rai law! Hpa majaw nga yang kaja wa shinggyim masha ni gaw asak jahkrung ya lu ai jep ai Tara hpe lu la masai rai yang gaw, masha hkum shagu dai tara hpe hkan shatup nna Karai Kasang a man e ding hpring wa lu na sha rai nga ai.

GALATI 6:14

Ngai chyawm gaw, anhte a Madu Yesu Hkristu a wudang hta kaga hpa lam hta mung arawng mala gumrawng na nngai n rai, hpa majaw nga yang, shi wudang hta jen sat hkrum ai a majaw, mungkan ga gaw nye a matu jasi tai mat nna, ngai mung mungkan ga a matu jasi tai mat ni ai.

EHPESU 4:12

Shi shing rai galaw ai gaw Hkristu a hkum hkrang hpe gaw gap shagrin da u ga, Karai Kasang a masha ni yawng hte hpe Hkristan daw jau sasana bungli a matu mara hkum tsup hkra hkyen lajang shajin ya na matu rai nga ai.

EHPESU 5:23

Hkristu gaw dai hpung a ntsa e ahkang aya lu nga ai zawn dai madu wa mung madu jan a ntsa e ahkang aya lu nga ai. Hkristu shi nan shi a hkum hkrang rai nga ai dai hpung a Hkye Hkrang la ai Madu mung rai nga ai.

EHPESU 5:30

Hpa majaw nga yang, shi a hkum hkrang a daw shan ni rai nga ga ai.)

KOLOSE 2:19

Shanhte gaw hkum hkrang a baw ngu ai Hkristu hpe manoi manat ai lam n nga mat masai. Nra hkrihkraw hte lamyi laman, lasaw lasa ni e shachyaw jum da ai hkum hkrang ting gaw Hkristu ngu ai baw kaw na sha hpa hpe hkam la nna Karai Kasang a myit ra ai lam hte maren kaba wa nga ai.