1 KORINHTU 6:12 - Jinghpaw Common Language Bible 2009

¹² Nanhte hta na marai langai ngai, “Ngai gaw hpa hpe rai ti mung galaw na ahkang lu nngai,” nga nna tsun na re. Nanhte tsun ai hte maren teng nga ai, rai ti mung, yawng mayawng hte wa akyu byin ai n rai. Ngai gaw yawng mayawng galaw na ahkang lu nngai ngu nna ngai tsun lu nngai, rai ti mung ngai galaw ai hpa baw hpe mung ngai hpe de a mayam shatai shangun na nngai n rai.

Jinghpaw Hanson Version Bible

¹² Yawng mayawng galaw na ahkang ngai lu nngai; rai timung, yawng mayawng hte wa akyu byin ai n rai. Yawng mayawng galaw na ahkang ngai lu nngai; rai timung, hpa lam a jaw e mung, ngai mayam n tai mayu nngai.

1 KORINHTU 6:12 ပူးပေါင်းရင်းမြစ်များ

JAW JAU 15:18

Lasha hte numsha kanawn ngut ai hpang shan lahkawng gaw hka shin kau na rai ma ai; dai gaw shana de du hkra n san n seng naw rai nga ai.

YAWHAN 5:10

Dai re ai majaw, ahkang aya lu ai Yuda masha ni gaw, dai machyi mai ai wa hpe, “Dai ni Bansa Nhtoi rai nga ai rai nna, nang hpun nba panep hpai ai gaw anhte a tara hte nhtan shai nga ai,” ngu mu ai.

ROMA 7:14

Dai hta kaga jep ai Tara gaw Wenyi lam hte seng nga ai hpe anhte chye ga ai; ngai mahtang si chye ai masha langai mi zawn rai nna yubak de dut kau hkrum ai mayam zawn rai nga nngai.

1 KORINHTU 8:4

Dai rai nna, sumla ni hpe nawng ai hkungga lusha a lam hte seng nna tsun ga nga yang, sumla ngu ai gaw kaja wa asak hkrung shamu shamawt ai lam n nga ai, hpa n re ai rai nga ai hpe mung, langai sha rai nga ai Karai Kasang hta kaga shaje n nga ai hpe mung, anhte dum chye ga ai.

1 KORINHTU 9:12

Sara kaga ni nanhte kaw na lu la na myit mada na ahkang lu ma yang gaw, anhte grau nna lu ang ga ai n rai ni? Rai ti mung dai ahkaw ahkang hpe n la ga ai. Ahkaw ahkang la na malai, Hkristu a lam Kabu Gara Shiga hpe shingdang da ai dingbai dingna n byin u ga, yak hkak ai lam shagu hpe anhte hkrum katut shakut sharang nga ga ai.

1 KORINHTU 9:27

Ngai gaw masha kaga hpe shingjawng poi hta lawm na matu saw shaga ngut ai hpang, tinang hkum nan madang n dep ai majaw, lata kau ai n hkrum u ga, nye a hkum hpe ra ai hte maren jai lang lu na matu tsep kawp up hkang kau lu hkra htwi ahkak shaja la we ai.

2 HTESALONI 3:9

Anhte ning rai galaw ai gaw, anhte hta nanhte kaw na karum madi shadaw ai hpe hpyi na ahkang n nga ai majaw n rai, nanhte hkan sa na matu kasi ningli tai u ga, ngu nna she galaw ga ai.

YUDA 1:12

Shanhte gaw kaya kahpa n chye hkra garu kachyi nga nna lu sha nga ma ai majaw, shanhte a kanawn mazum ai lu sha hpawng gaw matsat shabat ginra zawn rai nga ai. Shanhte gaw shanhte a akyu hpe sha tam ma ai; shanhte gaw marang n lawm ai nbung e shapoi hkawm ai sumwi ni hte mung, nshung shang wa mahka du wa tim asi n si nna ru hte hpawn gang baw tawn ai hte tsep kawp si mat ai hpun hte mung bung ma ai.