1 KORINHTU 6:11 - Jinghpaw Common Language Bible 2009

¹¹ Nanhte nkau mi gaw shing rai chyalu ni rai nga myit dai, rai ti mung nanhte gaw anhte a Madu Yesu Hkristu a amying nsang hte mung, anhte a Karai Kasang a Wenyi hte mung, kashin kamun jasan jaseng kau nna, Karai Kasang kaw ap nawng kau ai ni, Karai Kasang a man e ding hpring ai ni, ngu ai hpe hkam la ai ni tai wa manit dai.

Jinghpaw Hanson Version Bible

¹¹ Nanhte nkau mi gaw shing rai chyalu ni rai nga myit dai: rai timung, nanhte gaw anhte a Madu Yesu Hkristu a mying ningsang hte, anhte a Karai Kasang a Wenyi e kashin kamun kau ai mung, shachyoi shapra ai mung, dinghpring ngu ai mung, hkam la manit dai.

1 KORINHTU 6:11 ပူးပေါင်းရင်းမြစ်များ

SHAKAWN KUNGDAWN 51:2

Nye a n hkru n shawp ai lam yawng hte hpe kashin kau ya nna, nye a yubak kaw na ngai hpe jasan jaseng la e!

SHAKAWN KUNGDAWN 51:7

Nye a yubak hpe la kau ya e, shing rai jang, ngai san pra wa lu na nngai; ngai hpe kashin la e, shing rai jang, ngai gaw hkyen hta pyi grau hpraw wa lu na nngai.

GA SHAGAWP 30:12

Shanhte gaw dik hkra matsat shabat re nga ai shaloi, san seng nga ga ai nga nna, myit la ai masha ni mung nga nga ma ai.

ESAIA 1:16

Nanhte a hkum ni hpe asan aseng kashin kau mu. Ngai mu mada ai nanhte galaw nga ai n hkru ai amu ni yawng hpe jahkring kau mu. Rai sa, n hkru ai amu galaw ai hpe kau da ai hte

ESAIA 45:25

Dai Madu ngai nan Yaku a aru arat ni yawng hpe hkye mawai la na nngai, shanhte gaw ngai hpe shakawn kungdawn wa na mara ai.

ESAIA 53:11

Nni nkri hkrum sha ai asak a hpang, shi gaw kabu gara ai lam bai lu la na ra ai; shi gaw kaman lila nni nkri n hkam kau ai lam hpe chye wa na ra ai. Ngai sharawng awng ai hte ding man ai nye a shangun ma gaw, law law a ari hpe gun kau ya na ra ai, shi a jaw e, ngai shanhte hpe mara dat ya na nngai.

YEREMIA 4:14

Yerusalem e, na a myit masin kaw na n hkru ai hpe kashin kau u, shaloi hkye hkrang la hkrum na ndai. Nang gaw kade na hkra yubak hte seng ai myit mang lam ni hpe matut myit na ngu wu ni?

EZEKELA 36:25

Ngai gaw nanhte a ntsa e, san seng ai ntsin lapri bun nna, nanhte a hpara sumla ni yawng hta na mung, nanhte hpe awu asin di kau shangun ai arai shagu hta na mung, nanhte hpe jasan jaseng la na nngai.

JAW JAU 14:48

Dai nta hpe ing gade nnan chya ngut ai hpang, hkinjawng wa sa yu yang nshu lamu n jat wa sayang gaw nshu lamu tsep kawp la kau sai majaw nta dai hpe san seng sai ngu na rai nga ai.

JAW JAU 8:6

Mawshe gaw Arun hte shi a shadang sha ni hpe shawng de woi sa wa nhtawm hka shin na matu tsun wu ai.

MAHTE 20:4

‘Nanhte mung dai sun de sa wa masu, ging ram ai hte maren ngai nanhte hpe jaw na made ai,’ ngu nna shanhte hpe tsun mu ai.

LUKA 18:14

Ngai nanhte hpe tsun made ga, Hparishe n re ai sha kang hta ai wa gaw Karai Kasang a man e, jaw ai hku galaw nna nta de wa lu nu ai. Hpa majaw nga yang, tinang hkum hpe shagrau ai wa kadai mung shagrit kau ai hkrum nna, tinang hkum hpe shagrit ai chyawm gaw shagrau ai hkrum na ra ai,” ngu mu ai.

YAWHAN 13:10

Yesu gaw, “Hka shin ngut sai wa gaw, hkum ting san seng nga sai majaw lagaw hta lai nna kaga hkum shin shara n nga sai. Nanhte mung langai wa mi hta lai nna yawng gaw san seng nga myit dai,” ngu wu ai.

YAWHAN 13:8

Petru gaw, “Nye a lagaw hpe nang galoi mung n kashin lu na ndai,” bai ngu wu ai. Bai Yesu gaw, “Ngai na lagaw hpe n kashin lu yang gaw, nang ngai hte n seng ndai,” ngu nna shi hpe tsun wu ai.

YAWHAN 5:4

(Karai Kasang a lamu kasa langai mi gaw jahkring jahkring sha hka lawng de yu sa nna hka hpe shamu shangun wu ai rai nna, dai masha ni gaw hka shamu wa na hpe la nga ma ai. Shing rai hka shamu wa ai hte rau shawng nnan hka lawng de shang lu ai wa gaw ana ahkya mat nga malu ai)

KASA 13:39

nanhte hpe anhte chye shangun mayu nga ga ai.

KASA 22:16

Dai majaw, ya nang hpa rai nna naw ganung nga n ta? Rawt u, Madu a mying nsang gang nna hkalup hkam la u, Na a yubak kashin kau ya u ga, shi kaw akyu hpyi nem nga u,’ nga nna ngai hpe tsun ni ai.

KASA 26:18

Ngai hpe kam sham ai a marang e shanhte yubak mara ni raw dat kau ai hkrum nna Karai Kasang a lata la ai amyu hta lawm lu mu ga, n sin kata nna nhtoi de, Satan a atsam kata nna Karai Kasang hpang de shanhte kayin wa lu hkra nang shanhte a myi jahpaw ya na rai ndai,’ nga nna ngai hpe tsun nngai.

ROMA 3:24

Rai ti mung, manu jahpu n ya ai sha Karai Kasang a chyeju hte Yesu Hkristu a marang e ding hpring ai kaw du wa lu ma ai.

ROMA 4:5

Rai ti mung masha gaw tinang a tara shadik ai magam bungli ni hpe n kam hpa a yang gaw, Karai Kasang dai wa hpe shi a makam masham a marang e mara n lu ai wa re ngu nna daw dan ya na wu ai. Dai gaw shi a makam masham a marang e ding hpring ai ngu nna Karai Kasang a man e sawn ya ai lam rai nga ai.

ROMA 5:1

Ya anhte gaw Karai Kasang hpe kam sham ai hte ding hpring wa lu ga ai majaw, anhte a Madu Yesu a marang e Karai Kasang hte mahku mara rai sim sa ai lam lu la ga ai.

ROMA 5:9

Anhte gaw Hkristu a si hkam ai a marang e, Karai Kasang a man e ya ding hpring wa lu saga ai rai nna, Karai Kasang a pawt sindawng ai kaw na Hkristu a majaw hkye hkrang la ai grau nna hkrum na ga ai.

ROMA 8:30

Dai rai nna shawng nnan san tawn da sai ni hpe mung shi shaga la mu ai, shaga la sai ni hpe mung, shi a man e ding hpring ai ni ngu nna hkap la nhtawm shi a hpung shingkang lu la shangun mu ai.

ROMA 8:33

Karai Kasang a lata la ai ni hpe kadai wa mi mara shagun lu na a ta? Shanhte hta mara n nga ai lam Karai Kasang shi nan shapraw shadan tsun ya sai.

1 KORINHTU 1:2

Korinhtu mare na Karai Kasang a Hpung hta lawm nga ai ni hte, shara shagu hkan na, anhte hte shanhte a Madu rai nga ai Madu Yesu Hkristu hpe nawku daw jau nga ai Hkristu Yesu hta e, Karai Kasang a chyoi pra ai amyu masha tai na matu shaga la hkrum ai ni yawng hpang de ga shana dat ga ai.

1 KORINHTU 1:30

Karai Kasang nanhte hpe Hkristu hte langai sha byin tai shangun manit dai rai nna, Karai Kasang gaw Hkristu hpe anhte a hpaji byeng-ya tai wa shangun sai. Shi a marang e Karai Kasang a man e ding hpring wa lu ga ai, Karai Kasang a chyoi pra ai amyu masha ni tai wa lu ga ai hte yubak mara kaw na raw dat ai hkrum lu saga ai.

1 KORINHTU 12:2

Nanhte gaw maigan masha ni naw rai nga ai shaloi e, lam amyu myu hku nna lam dam ai hte asak n rawng ai sumla ni hpe naw lai wa manit dai hpe nanhte nan chye nga myit dai.

GALATI 2:16

Rai ti mung masha gaw jep ai tara hpe hkan sa shadik ai magam bungli hte Karai Kasang a man e ding hpring wa lu ai n rai; Yesu Hkristu hpe kam sham ai hte sha ding hpring wa lu ga ai hpe anhte chye ga ai majaw anhte mung jep ai Tara hpe hkan sa shadik ai magam bungli hte n rai, Hkristu Yesu hpe kam sham ai a marang e Karai Kasang a man e ding hpring ai ni tai wa lu u ga, anhte pyi Hkristu Yesu hta e kam sham saga ai; hpa majaw nga yang, dai jep ai Tara hpe hkan sa shadik ai magam bungli hte kadai mung Karai Kasang a man e ding hpring ai kaw n du wa lu ma ai.

GALATI 3:11

Chyum Laika hta, “Karai Kasang hpe kam sham ai hte ding hpring ai wa re ngu nna sawn ya hkrum ai wa gaw asak hkrung nga na ra ai,” nga nna ka da nga ai majaw, dai jep ai Tara hpe hkan sa shatup ai hte Karai Kasang a man e, kadai mung ding hpring lu na n re ai gaw, dan dan leng leng rai nga ai.

GALATI 3:24

Dai rai nna anhte gaw makam masham a marang e ding hpring wa u ga, jep ai tara gaw sharin ai wa hku nna Hkristu du sa ai aten du hkra anhte hpe sharin sara tai ya mani ai.

GALATI 3:8

Dai Chyum laika mung, “Karai Kasang gaw makam masham hte sha maigan masha ni hpe ding hpring shangun na maru ai,” nga nna tau tsun da sai. Dai rai nna Chyum Laika gaw, “Amyu baw shagu gaw na gawp e gumring gumrat hkrum na mara ai,” nga nna Abraham hpe dai Kabu Gara Shiga shana ya mu ai.

EHPESU 5:26

Madu shi a asak hpe nawng kau ai lam gaw, dai hpung hpe hka hte jasan jaseng kashin kau nhtawm, shi a mungga hte Karai Kasang kaw nawng jau ai hte

EHPESU 5:8

Moi shawng de nanhte mung ningsin hta nga lai wa yu manit dai; rai ti mung ya e Madu a masha ni tai wa manit dai rai nna nhtoi de du shang manit dai. Dai re ai majaw, nanhte gaw nhtoi a kashu kasha ni zawn hkan galaw nga mu.

2 HTESALONI 2:13

Madu a tsaw ra ai hpu nau ni e, nanhte a majaw anhte gaw Karai Kasang a chyeju hpe tut nawng e shakawn kungdawn lu na ra ga ai. Hpa majaw nga yang, Karai Kasang gaw, nanhte hpe chyoi pra ai masha shatai ai Wenyi a n-gun atsam hte mung, teng man ai hpe kam sham ai nanhte a makam masham hte mung, shawng na hkye hkrang la hkrum ai ni hku nna nanhte hpe lata la sai.

HEBRE 10:22

Dai re ai majaw anhte gaw mara lu dum ai kraw lawang ni hpe shachyoi shapra kau nna, anhte a hkum hkrang hpe mung san seng ai ntsin hte kashin kamun kau ngut jang, n shut n shai hkrak re ai makam masham hte Karai Kasang hpang de sit shani shang wa ga.

HEBRE 10:29

Dai rai yang gaw, Karai Kasang a Kasha hpe n kaw n law di kau ai wa, tinang hkum hpe yubak mara kaw na shachyoi shapra la ai Karai Kasang a ga shaka hte seng ai asai hpe hpa n nawn, ahpa atang re ai arai shatai ai wa, chyeju jaw ya ai Wenyi hpe roi n ra re ai wa gaw kaning rai na kun? Shi hkrum sha ging ai ari gaw gade grau sawng na kun? She myit yu mu!

HEBRE 2:11

Yesu gaw masha ni hpe shanhte a yubak mara ni kaw na shachyoi shapra la mu ai. shi hte rau shachyoi shapra la hkrum sai ni yawng gaw Kawa langai sha lu nna shanhte hpe hpu nau ni ngu na shi n kaya wu ai.

1 PETRU 1:2

Shi a Wenyi hta chyoi pra ai amyu masha shatai la nna, Yesu Hkristu a ga madat mara na hte shi a sai hte shachyoi shapra la na matu Kawa Karai Kasang a moi kaw nna shatawng shada da sai hte maren nanhte hpe lata la manit dai. Chyeju hte ngwi pyaw ai gaw nanhte hta hpring tsup nga malit ga law.

1 PETRU 1:22

Ya nanhte gaw dai teng man ai lam hpe madat mara nga let nanhte a hkum ni hpe jasan jaseng kau nhtawm, nanhte a kam sham ai manaw manang ni hpe kaja wa tsaw ra nga myit dai. Dai rai nna nanhte shada da myit masin mahkra hte tsaw ra nga mu.

1 PETRU 3:21

Dai hka hta na zawn, dai hka lup ngu ai kumla gaw ya e nanhte hpe hkye hkrang la lu nga ai. Dai gaw hkum shan hta e kap ai matsat shabat hpe sharun kau na lam n rai; myit masin asan sha hte Karai Kasang a man e ga sadi tawn da ai lam rai nga ai. Si ai kaw na Yesu Hkristu bai hkrung rawt wa ai a marang e nanhte gaw hka lup hkam la ai hte hkye hkrang la ai hkrum manit dai.

1 YAWHAN 2:12

Nye a shu sha ni e, Hkristu a marang e nanhte a yubak mara ni hpe raw dat kau ya ai hkrum manit dai majaw, ngai nanhte hpe ka dat nngai.

SHINGRAN 1:5

Kangka re ai sakse wa, si mat ai ni hta na shawng numshawn hkrung rawt wa ai wa, dinghta ga na hkawhkam ni hpe up ai Madu Yesu Hkristu kaw nna mung, chyeju hte ngwi pyaw ai gaw nanhte hta anga nga malit ga law. Anhte hpe tsaw ra nna, shi hkum nan hpe hkungga nawng si hkam ai hte anhte a yubak kaw na raw dat mi ai hte,

SHINGRAN 7:14

Ngai gaw, “Nye a Madu e, ngai n chye nngai, nang gaw chye nga ndai,” ngu nna htan we ai. Shaloi shi gaw, “Shanhte gaw hkrit hpa zingri zingrat hkrum ai kaw na lawt pru wa ai masha ni rai nga ma ai. Shanhte gaw tinang a hpun palawng ni hpe dai Sagu Kasha a asai hta hkrut jahpraw la manu ai.