1 KORINHTU 5:6 - Jinghpaw Common Language Bible 2009

⁶ Nanhte gumrawng gumtawng rai nga na gaw n jaw n kaja nga ai. “Matsi loi mi gaw muk tawng ting hpe shabawm dat wu ai,” nga ai ga malai hpe nanhte n na yu myit ni?

Jinghpaw Hanson Version Bible

⁶ Nanhte a gumrawng gumtawng ai gaw mai kaja nga ai n rai. Matsi loi mi gaw muk tawng ting hpe shawawm dat wu ai, nanhte n chye nga myit ni?

1 KORINHTU 5:6 ပူးပေါင်းရင်းမြစ်များ

HOSEA 7:4

Shanhte yawng gaw gumle gumlau re ai ni hte sadi n dung ai ni rai ma ai. Muk kabaw ai wa gaw muk shadung kabaw na matu jin jin galaw da ai aten du hkra wan htung na wan n shagrung ai zawn shanhte a n ju n dawng ai myit gaw kraw kata e hkru nga ai.

MAHTE 13:33

Ga shadawn kaga mung shi shanhte hpe naw tsun mu ai gaw, “Sumsing Lamu a Mungdan gaw numsha langai mi matsi loi mi la nna muk shadung dang mi hta bang dat wu yang, mahkra hte hpe shawawm dat lu ai hte bung nga ai,” ngu mu ai.

LUKA 13:21

Dai gaw, matsi loi mi hpe numsha e la nna muk shadung hpai masum hta bang nhtawm, mahkra hte hpe shawawm dat lu ai hte bung nga ai,” ngu wu ai.

ROMA 6:16

Nanhte gaw marai langai ngai hpe madat mara na nga nna tinang a hkum hpe mayam zawn ap nawng kau myit yang gaw, kaja wa nanhte madat mara nga ai Madu a mayam rai nga myit dai hpe nanhte chye nga myit dai, lama wa nanhte gaw atsawm sha yubak mara a shangun ai hpe madat mara hkam la myit yang gaw nanhte si hkrung si htan hkrum na myit dai; shing n rai Karai Kasang a ga hpe madat mara hkam la myit yang gaw nanhte Karai Kasang a man e ding hpring ai ni tai wa lu na myit dai.

1 KORINHTU 15:33

Nanhte lam hkum dam myit, “N kaja ai kanawn manang ni gaw kaja ai arawn alai hpe jahten ma ai.”

1 KORINHTU 3:21

Dai re ai majaw, kadai rai ti mung, masha e galaw lu ai atsam hta hkum gumrawng nga u ga. Kaja wa nga yang, yawng mayawng hte hpe nanhte madu nga myit dai.

1 KORINHTU 5:2

Dai zawn arawn alai hten nga myit ti mung, nanhte gumrawng gumtawng naw rai nga myit ni? Nanhte hta yawn ai myit rawng let, dai zawn nse nsa galaw ai masha hpe nanhte hte kanawn mazum nga ai kaw na shaden jahka kau ang myit dai.

GALATI 5:9

“Muk shadung tawng ting hpe shawawm dat shangun na matu matsi loi mi sha ra ai,” nga ai ga malai hpe myit dum nga mu.

2 TIMOHTI 2:17

Shing nga nna sharin achyin ai lam gaw hkum shan hpe sha jahtum kau ya ai mawng ana hte sha bung nga ai. Shing nga nna sharin achyin ai ni hta lawm ai masha lahkawng gaw, Humeni hte Hpiletu yan rai ma ai.

YAKU 4:16

Rai ti mung ya gaw nanhte gumrawng gumtawng ai hte shakawng shakat rai nga myit dai; shing rai shakawng shakat rai gumrawng ai lam yawng gaw shut ai lam rai nga ai.