1 KORINHTU 5:3 - Jinghpaw Common Language Bible 2009

³ Ngai gaw nanhte hpang de hkum hkrang nan n du ti mung, myit wenyi hta nanhte kaw du nna rau rai nga ai. Ngai hkum nan nanhte kaw du taw nga ai zawn, dai hkrithpa n shawp ai amu galaw ai wa a ntsa e dai Madu Yesu a mying nsang hte ngai jeyang daw dan we ai.

Jinghpaw Hanson Version Bible

³ Ngai chyawm gaw, hkumhkrang tsan gang timung, wenyi hte lawm nga ai rai nna, nanhte hte nye a wenyi ni, anhte a Madu Yesu a atsam hte zuphpawng nga yang,

1 KORINHTU 5:3 ပူးပေါင်းရင်းမြစ်များ

1 KORINHTU 5:12

Hpa majaw nga yang, Hkristan hpung masha n re ai, shinggyim masha ni hpe jeyang na ngai hte hpa n seng nga ai. Karai Kasang mahtang shanhte hpe jeyang na maru ai.

2 KORINHTU 10:1

Nanhte a man e akya shala rai myit grit myit nem ai lam madun nhtawm, nanhte hte tsan gang jang laja lana nden marai madun ai wa, ngu shatan hkrum ai ngai Pawlu nan nanhte hpe lajin dat made ai.

2 KORINHTU 10:11

Shing nga ai masha wa chye na da na lam gaw, anhte gaw tsan gang ai shara e nga nga ai shaloi laika ka dat ai hte maren, masha hkum nan nanhte kaw sa du ai shaloi mung, dai hte maren sha anhte galaw na ga ai.

2 KORINHTU 13:2

Shawng de yubak galaw lai wa sai ni hte kaga ni yawng hpe ngai tsun mayu nngai. Dai hpe shawng de lahkawng lang ngu na nanhte hpang de sa du ai shaloi mung ngai tsun ni ai hte maren, ya nanhte hte tsan gang nga ai ten hta mung ngai kalang mi bai tsun na nngai. Dai gaw hpang na lang ngai bai sa du ai shaloi nanhte langai mi mung jeyang ari jaw ai hta na lawt lu na n rai.

KOLOSE 2:5

Hpa majaw nga yang, ngai nanhte hte ngai hkum nan rau n nga lu ai rai ti mung, Wenyi hta nanhte hte rau nga nga nngai rai nna nanhte a dakring dalang re ai ngang kang ai myit marai hte, Hkristu hpe kam sham ai hta rau sha tsap nga myit dai hpe ngai mu nna kabu nga nngai.

1 HTESALONI 2:17

Anhte mung, hpu nau ni e, myit masin hte n rai, hkum hkrang hte tawng marang mi sha nanhte hte daw hka wa saga ai rai nna, nanhte hpe grai myit dum marit nga ga ai hte bai hkrum lu na matu grai shakut nga ga ai.