1 KORINHTU 5:2 - Jinghpaw Common Language Bible 2009

² Dai zawn arawn alai hten nga myit ti mung, nanhte gumrawng gumtawng naw rai nga myit ni? Nanhte hta yawn ai myit rawng let, dai zawn nse nsa galaw ai masha hpe nanhte hte kanawn mazum nga ai kaw na shaden jahka kau ang myit dai.

Jinghpaw Hanson Version Bible

² Nanhte madaw gumlu gumlan rai nga myit dai rai nna, shing re ai amu galaw ai wa hpe nanhte kaw na shaden kau ai hkrum u ga, yawn ai myit n madun ai sha nga nga myit ni?

1 KORINHTU 5:2 ပူးပေါင်းရင်းမြစ်များ

2 HKAWHKAM 22:19

nang myit malai nna nye a man e nang hkum nan shagrit shanem ai myit hte na a hpun palawng ni hpe gang je kau nhtawm hkrap ngu hkrap ngoi nga ndai majaw Yerusalem mare hte dai hta nga ai amyu masha ni hpe ari jaw na matu ngai kaning ngu jahkrit shama ai hpe nang na nit dai. Ngai gaw dai mare hpe hkrit hpa mada mu shara shatai kau nna dai shara a mying hpe dagam dala ai hku masha ni tsun lang na mara ai, rai ti mung na a akyu hpyi ai ga hpe ngai na ya se ai majaw,

SHAKAWN KUNGDAWN 119:136

Masha ni na a tara hpe n madat n mara nga ma ai majaw, nye a myi prwi ni gaw hka nu zawn lwi nga li ai.

YEREMIA 13:17

Dai ga ni hpe nang n madat ai rai yang, na a gumrawng gumtawng ai myit a majaw, ngai gaw n dan n leng ai shara hta hkrap na nngai; Dai Madu a amyu masha ni gaw bawng dung hkrum ai ni zawn rim hkrum nga ma ai majaw, ngai gaw ahkup ahka nga hkra hkrap ai hte nye a myi prwi lwi na ra ai.

EZEKELA 9:4

“Yerusalem ting de dinghkren hkawm nna, mare kata e galaw ai matsat shabat amu yawng a majaw myit ru yawn hkyen ai hte tsin-yam tsindam hkrum sha nga ai masha shagu hte a kahtan ntsa e masat shakap da u,” ngu nna tsun wu ai.

EZEKELA 9:6

Dingla ni hte shabrang ni hpe mung, mahkawn ni hte kanu ni, ma kaji ni hpe htau sat kau mu. Rai ti mung, kahtan ntsa e masat shakap da hkrum ai ni kadai hpe mung hkum hkra myit. Dai amu hpe nye Nawku Htingnu shara hta galaw hpang mu,” ngu nna tsun ai ga hpe ngai na nngai. Shanhte gaw dai Nawku Htingnu ndaw e tsap nga ai ningbaw ni hpe shawng sat hpang ma ai.

BU HKAWM 25:6

Israela masha langai mi Mawshe a man hte dai Madu a hpung shingkang shanu nga ai Sum Chyinghka lam hta hkrap sharung nga ai shawa hpung ting a man e, Midian numsha langai mi hpe shi a sum de woi shang wa wu ai.

1 KORINHTU 4:18

Nanhte hpang de ngai bai n sa du sana zawn nawn nna, nanhte hta na nkau mi gaw gumrawng gumtawng rai wa masai.

1 KORINHTU 5:13

Rai ti mung nanhte gaw hpung dinghku kata na ni hpe jeyang ang myit dai n rai ni? Chyum Laika hta ka da nga ai hte maren, “Nanhte a kata na n hkru n hkra ai wa hpe nanhte kaw na shaden kau mu.”

2 KORINHTU 12:20

Nanhte hpang de ngai du yang, ngai ra ai, mu mayu ai hku nanhte n rai nga la na hpe mung, nanhte mung nanhte ra ai, mu mayu ai hku ngai hta n rai nga na hpe mung ngai tsang nga nngai. Bai ngai gaw nanhte hta ga li ga law ai lam, manawn masham ai lam, pawt sindawng ai lam, tinang akyu tam ai lam, shada da jahpoi asawng ai lam, kadum kahte ai ga, grang ai ga hte kabring kabrawng n ru n ra re ai lam ni sa mu na hpe tsang nngai.

2 KORINHTU 12:21

Nanhte hpang de ngai bai du ai shaloi Karai Kasang gaw ngai hpe nanhte a man e shagrit kau ai hkrum shangun na hpe ngai tsang nngai. Ya du hkra pyi myit malai n lu ai sha arawn alai hten nna ngang kayut ai hte nse nsa lam hkan nga ai ni law law a majaw, ngai hkrap myi prwi pru na hpe tsang nga nngai.