1 KORINHTU 5:13 - Jinghpaw Common Language Bible 2009

¹³ Rai ti mung nanhte gaw hpung dinghku kata na ni hpe jeyang ang myit dai n rai ni? Chyum Laika hta ka da nga ai hte maren, “Nanhte a kata na n hkru n hkra ai wa hpe nanhte kaw na shaden kau mu.”

Jinghpaw Hanson Version Bible

¹³ Shinggan de nga ai ni hpe Karai Kasang jeyang nga ai, n rai ni? Dai n hkru n hkra ai wa hpe nanhte kaw na shaden kau mu.

1 KORINHTU 5:13 ပူးပေါင်းရင်းမြစ်များ

SHAKAWN KUNGDAWN 50:6

Karai Kasang gaw ding hpring ai wa rai nna, shi nan tara agyi rai nga ai hpe sumsing lamu gaw shana shabra ya nga ai.

HPAJI NINGLI 9:18

Hpaji byeng-ya gaw hpyen laknak ni hta grau kaja nga ai; rai ti mung yubak kap ai wa mahtang mai kaja ai amu law law hpe jahten kau lu nga ai.

MAHTE 18:17

Shanhte a ga hpe shi n madat hkraw a yang gaw, dai lam yawng mayawng dai hpung hpe sa shana ya mu. Hpang jahtum dai hpung hpe mung n madat hkraw a yang gaw, tara maigan wa shing n rai, kang hta ai wa hpe zawn na a man e shi rai u ga.

KASA 17:31

Hpa majaw nga yang Madu lata san da sai wa a lata hte mungkan ga hpe tara malang ai hku daw dan na ninghtoi gaw shi tawn da nu ai rai nga ai. Dai wa hpe si ai kaw na shi hkrung sharawt la ai hte dai lata san da ai lam masha yawng hpe kam ram ai sakse madun dan nu ai,” ngu nna tsun wu ai.

ROMA 2:16

Dai rai nna ngai hkaw tsun ai Kabu Gara Shiga hte maren, tara jeyang ai Nhtoi hta e Karai Kasang gaw Yesu Hkristu a lata hte masha nlang hte a makoi magap ai maw mawn ai myit ni hpe jeyang daw dan na ra ai.

1 KORINHTU 5:1

Ya Hkristan n re ai maigan masha ni pyi n hkan galaw ai hkrithpa num la nse nsa lam nanhte hta nga nga ai lam masha ni hkrak tsun kajai nga ma ai hpe ngai na lu nngai. Masha langai mi gaw shi a hpang kanu hte rau nga sha nga ai lam ngai na lu nngai.

1 KORINHTU 5:2

Dai zawn arawn alai hten nga myit ti mung, nanhte gumrawng gumtawng naw rai nga myit ni? Nanhte hta yawn ai myit rawng let, dai zawn nse nsa galaw ai masha hpe nanhte hte kanawn mazum nga ai kaw na shaden jahka kau ang myit dai.

1 KORINHTU 5:5

Dai tara daw dan ai Madu a nhtoi hta e dai wa a wenyi hkye hkrang la hkrum na matu, dai wa a hkum hkrang hpe jahten kau ra ai majaw, nanhte gaw dai wa hpe Satan a lata de ap kau na rai myit dai.

1 KORINHTU 5:7

Nanhte tsep kawp san seng ai ni tai na matu matsi dingsa ngu ai yubak mara hpe ran kabai kau mu. Dai shaloi e nanhte gaw, matsi n rawng ai muk tawng ningnan zawn, tai na marin dai. Dai zawn nanhte kaja wa tai lu nga myit dai hpe ngai hkrak chye nngai. Hpa majaw nga yang, Hkristu ngu ai anhte a shalai wa ai hkungga gaw sat kau hkrum nu ai rai nna, anhte a Shalai wa ai Poi galaw na jin jin rai nga sai.

TARA JAHPRANG 13:5

Rai ti mung, nanhte mayam tai nga ai Egutu mung kaw na hkrang shaw la ai dai Madu hpe gumlau na hku tsun ai myihtoi shing n rai yup mang hkai chye ai wa kadai mung sat kau ai hkrum na rai wu ai. Dai zawn re ai wa gaw n hkru n shawp nga ai rai nna dai Madu nanhte hpe hkang da nu ai hte maren hkrung nga ai asak hkrung lam kaw na nanhte hpe lam woi shadam shakut nga ai. Ndai n hkru n shawp ai amu kaw na seng kau na matu shanhte si lu na rai ma ai.

TARA JAHPRANG 17:12

Amu gun hpai ai hkinjawng wa hte tara agyi langai ngai a ga hpe dingsa sa n madat ai wa kadai mung sat kau ai hkrum na rai wu ai. Ndai hku nna Israela amyu hta na n hkru n shawp ai amu yeng seng kau lu na rai myit dai.

TARA JAHPRANG 17:7

Sakse hkam ai ni mahtang shawng kabai nna dai hpang ngam ai amyu masha ni dai wa hpe kabai nang na rai ma ai. Ndai hku nna dai n shawp n kap ai amu hpe nanhte yeng seng kau lu na rai myit dai.

TARA JAHPRANG 21:21

Shaloi mare na lasha nlang shi hpe nlung hte kabai sat kau na rai ma ai. Shing rai dai zawn n hkru n shawp ai amu hpe yeng seng kau na rai myit dai. Shing re ai lam a majaw dai shiga na ai Israela amyu masha shagu hkrit gari nga na mara ai.

TARA JAHPRANG 22:24

shan lahkawng hpe mare chyinghka de woi shapraw la nna nlung hte kabai sat kau na rai ma ai. Dai num jan mung mare kata e nga ai shaloi karum hpyi yang na lu ai shara kaw na n jahtau kau wu ai majaw si lu na rai wu ai. Lasha mung mahtan da ai numsha hte shut hpyit kau nu ai majaw si lu na rai wu ai. Ndai hku nna dai n shawp n kap ai amu hpe nanhte yeng seng kau na rai myit dai.

HEBRE 13:4

Hkungran ai lam hpe masha yawng mayawng hkungga shagrau lu na rai myit dai hte madu wa madu jan shada da a ntsa e sadi dung nga lu na rai myit dai; Karai Kasang gaw arawn alai hten ai ni hte num shaw la shaw ai ni hpe jeyang na ra ai.

2 PETRU 2:9

Dai re ai majaw Karai Kasang gaw tara hkung ga ai ni hpe shanhte hkrum hkra nga ai chyam dinglik ai lam ni a kata na gara hku mawai la na hte, n hkru n kaja ai ni hpe tara daw dan ai nhtoi du hkra gara hku ari jaw na hpe mung shi chye nga ai.

TARA AGYI 20:13

Ndai zawn n hkru n shawp ai amu Israela hta na tsan kau na matu dai ni hpe anhte sat kau na ga ai majaw, Gibea mare hta dai zawn ngang gayut ai masha ni hpe ya jang anhte a lata de ap ya mi,” ngu nna tsun ma ai. Rai ti mung Benyamin masha ni chyawm gaw kaga Israela masha ni tsun ai ga hpe hpa zawn n nawn ya ma ai.