1 KORINHTU 5:12 - Jinghpaw Common Language Bible 2009

¹² Hpa majaw nga yang, Hkristan hpung masha n re ai, shinggyim masha ni hpe jeyang na ngai hte hpa n seng nga ai. Karai Kasang mahtang shanhte hpe jeyang na maru ai.

Jinghpaw Hanson Version Bible

¹² Kaning rai nme law, shinggan de nga ai ni hpe jeyang na, ngai hte hpa seng ga ta? Nanhte gaw kata de na ni hpe jeyang myit dai, n rai myit ni?

1 KORINHTU 5:12 ပူးပေါင်းရင်းမြစ်များ

MARKU 4:11

Yesu gaw, “Nanhte gaw Karai Kasang a Mungdan hte seng ai, mauhpa sung htum ai makoi magap da ai lam ni hpe chye lu ai ahkang lu myit dai. Rai ti mung, shinggan de nga ai ni chyawm gaw hpa lam ni hpe mung, ga shadawn hku sha na la lu ma ai.

LUKA 12:14

Yesu gaw, “Nye a jinghku wa e, nan nau a ntsa e tara agyi tai ya na ahkang hte sali arai garan ya ai wa tai na, ngai hpe kadai san da a ta?,” ngu nna shi hpe htan wu ai.

YAWHAN 18:36

Yesu gaw, “Nye a mungdan ndai mungkan ga hte n seng li ai; nye a mungdan ndai mungkan ga hte seng ai rai yang gaw, ngai Yuda masha ni a lata de n shang hkra, nye a ali ama ni gasat na masai. Kaja wa nye a mungdan gaw ndai mungkan hte n seng li ai,” ngu nna htan wu ai.

KOLOSE 4:5

Nanhte lu ai ahkaw ahkang shagu hpe ga n hkrat hkra atsawm sha jai lang let garai n kam n sham ai ni a man e hpaji byeng-ya hte hkawm nga mu.

1 HTESALONI 4:12

Ndai lam hku nna, nanhte gaw kam sham ai hpung masha n re ai ni a hkungga lara ai hpe hkam la lu na rai myit dai; dai hta n ga, nanhte a ra ai lam hte seng nna kadai wa hpe mung n shamyet shanat ra na myit dai.

1 TIMOHTI 3:7

Shi gaw sari jahpoi ya ai n hkrum u ga hte Nat a mahkam hta n hkrat bang wa u ga, garai n kam n sham ai masha ni a hkungga lara ai hpe hkam la lu ai masha langai mi rai ang nga ai.