1 KORINHTU 5:1 - Jinghpaw Common Language Bible 2009

¹ Ya Hkristan n re ai maigan masha ni pyi n hkan galaw ai hkrithpa num la nse nsa lam nanhte hta nga nga ai lam masha ni hkrak tsun kajai nga ma ai hpe ngai na lu nngai. Masha langai mi gaw shi a hpang kanu hte rau nga sha nga ai lam ngai na lu nngai.

Jinghpaw Hanson Version Bible

¹ Nanhte hta e hpye ai amu rai nga ai gaw, gaja wa pri kajai wa masai: maigan ni hta pyi n lawm ai hpye ai amu rai nga ai rai nna, marai langai mi gaw shi a kawa a num shaw nu ai, rai nga ai.

1 KORINHTU 5:1 ပူးပေါင်းရင်းမြစ်များ

NINGPAWT NINGHPANG 35:22

Yaku dai mung hta nga nga yang, Rubin mahtang shi kawa a lashi num Bila kaw shang nna kanawn kau wu ai; dai lam hpe Yaku na wu ai rai nna sindawng kahtet wu ai. Yaku hta shadang sha ni shi lahkawng nga ma ai.

NINGPAWT NINGHPANG 37:2

Da ndai gaw Yaku a dinghku ginru ginsa lam rai nga ai. Yosep gaw asak 17 ning re ai shabrang ma rai nna, shi a kahpu ni hte mung, shi a kawa a lashi num ni rai nga ai Bila hte Zilhpa yan a shadang sha ni hte mung sagu bainam ni rem wu ai.

NINGPAWT NINGHPANG 49:4

Nang gaw mawru hka zawn kabrawng nga ndai, Rai ti mung nang gaw ahkyak htum ai wa n rai nga ndai, Nang gaw nye a lashi num hte yup nit dai majaw, Na nwa a yup ku hpe sari jahpoi kau ya nga ndai.

2 SAMUELA 16:22

Dai rai nna shanhte gaw Absalom a matu hkawhkam htingnu numgaw ntsa e sum galaw ya ma ai; Absalom chyawm gaw masha shagu a man hku shang mat wa nhtawm shi kawa a lashi num ni hte kanawn wu ai.

2 SAMUELA 20:3

Dawi gaw Yerusalem mare na shi a hkawhkam hkaw de bai du wa jang, dai hkawhkam htingnu sin na matu shi shangun tawn da ai lashi num shi woi la nna shanhte hpe rawng da nhtawm bau tawn wu ai. Shanhte hta ra kadawn nga ai lam ni hpe karum ya wu ti mung, shanhte hte n kanawn ai sha nga nga wu ai. Dai rai nna shanhte gaw gaida jan ni zawn naw ngam nga ai shanhte a asak hkrun lam tup dai zawn sharen da ai hkrum nga ma ai.

1 HKAWHKAM LABAU 5:1

Ndai gaw Yaku a shadang sha ni hta na kasha alat Rubin a amyu matu ni a lam rai nga ai. (Shi gaw kawa a lashi num langai mi hte kanawn kau wu ai majaw shadang sha alat aya Yosep hpe jaw kau ai hte hpu lat aya a ahkaw ahkang madu da na lam shamat kau wu ai.

YEREMIA 2:33

Nang gaw sumtsaw ni a hpang kaning rai hkan na kaja wa chye nga ndai. N kaja htum ai numsha ni pyi nang kaw na sharin la lu nga ma ai.

EZEKELA 16:47

Nang gaw shanhte a lagaw lahkam hta hkan shachyaw nang nhtawm, shanhte a matsat shabat re ai amu hpe len la ai hta myit dik wu ni? N rai law, nang galaw ai lam shagu gaw, kaji sha re ai amu hta pyi shanhte galaw ai hta grau nna nse nga ndai.

EZEKELA 22:10

Nkau mi gaw kawa a madu jan hte rau yup nna, nse nsa re ai amu hta gayut katu ai numsha ni gaw shanhte a num hking sa nga ai aten hta pyi, lasha ni hte kanawn nga ma ai.

JAW JAU 18:8

Tinang a kawa a madu jan hte kanawn nna nwa a sari hkum jahpoi ya et.

JAW JAU 20:11

Tinang kawa a madu jan hte nga sha ai wa gaw kawa hpe sari jahpoi ya nga ai rai nna shan lahkawng sat kau ai hkrum na rai ma ai. Shan gaw si hkrung si htan a matu lit lu nga ma ai.

AMO LAIKA (AMOS) 2:7

Shanhte gaw n-gun kya nga ai ni hte karum la na masha n lu ai ni hpe kabye anut ma ai; matsan mayan masha ni hpe lam shadam kau nga ma ai. Kawa hte kasha gaw mayam mahkawn langai sha hte jawm kanawn let nye a chyoi pra ai amying nsang hpe awu asin di ma ai.

KASA 15:20

Hpara sumla ni hpe nawng jau tawn ai n san n seng ai lusha ni sha ai lam, n se n sa ndaw liknga lam, du manat sat ai shan hte asai re ai ni hpe koi gam na lam shanhte hpe laika langai mi ka nna tsun shana mai ai ngu nna ngai myit da we ai,

KASA 15:29

Ndai lam ni hpe nanhte koi gam nga myit yang nanhte a matu mai kaja ram ging na malit dai. Hkam kaja nga myit ga law,” nga ai.

1 KORINHTU 1:11

Hpa majaw nga yang, ngai hpu ngai nau ni e, nanhte shada da ga li ga law rai nga myit dai lam hpe Hkloe a nta na masha nkau mi ngai hpe asan sha sa tsun shana dan mi ai.

1 KORINHTU 5:11

Ya ngai ngu mayu ai gaw, tinang hkum hpe Hkristan hpu nau wa rai nga nngai nga nhtawm me, hpye ai lam hkan ai, nammak lawhpa ai, gawkngu sumla naw ai, shatan nhkan ai; chyaru ya tai ai hte lagu lagut re ai ni hte n kanawn lu na hta n ga, shing re ai wa hte rau dung nna pyi n jawm lu n jawm sha lu na, ngu ai lam rai nga ai.

1 KORINHTU 6:13

“Lusha gaw kan a matu, kan gaw lusha a matu rai nga ai,” nga nna nanhte tsun na myit dai. Dai gaw teng nga ai, rai ti mung Karai Kasang gaw dai yan hpe rau sha jahten kau na ru ai. Dai hkum hkrang chyawm gaw hpye ai amu a matu n re ai sha, dai Madu hpe daw jau na matu rai nga ai. Karai Kasang mung hkum hkrang a ra kadawn nga ai lam ni hpe jaw ya nga ai.

1 KORINHTU 6:18

Hpye ai amu hpe koi gam nga mu: masha e tawt lai ai yubak mara yawng mayawng gaw tinang hkum hkrang a mai kaja ai lam hpe n hkra ya lu nga ai; rai ti mung hpye ai amu hta mara kap ai wa gaw, shi a hkum hkrang hpe nan shut hpyit da wu ai.

1 KORINHTU 6:9

N hkru n kaja ai ni gaw Karai Kasang a mungdan a sali wunli n hkam la lu na re ai, nanhte n chye nga myit ni? Lam hkum dam myit; hpye ai amu galaw ai ni, gawkngu sumla nawku ai ni, num shaw ai ni, la shada tam ai ni,

2 KORINHTU 12:21

Nanhte hpang de ngai bai du ai shaloi Karai Kasang gaw ngai hpe nanhte a man e shagrit kau ai hkrum shangun na hpe ngai tsang nngai. Ya du hkra pyi myit malai n lu ai sha arawn alai hten nna ngang kayut ai hte nse nsa lam hkan nga ai ni law law a majaw, ngai hkrap myi prwi pru na hpe tsang nga nngai.

2 KORINHTU 2:5

Ya marai langai ngai gaw ngai hpe myit yawn shangun a yang gaw, ngai hpe n rai nanhte yawng hpe tsawm ra wa myit yawn shangun kau nga ai. (Dai wa a ntsa e mara kaba n shagun mayu ai majaw ngai ndai lam tsun nga nngai.)

2 KORINHTU 7:12

Dai rai nna, ngai dai laika hpe ka dat hkra rai ti mung, shut hpyit ai wa a majaw mung n rai, shut hpyit hkam ai wa a majaw mung n rai, Karai Kasang a man e nanhte anhte hpe kaja wa gade daram tsaw ra myit dum marit nga myit dai hpe shadan shaleng chye shangun mayu ai majaw ka dat ai rai nga ai.

GALATI 5:19

Hkum shan a bungli gaw dan dan leng leng rai nga ai rai nna dai ni gaw, hpye ai amu, n san n seng ai amu, ngang kayut ai;

EHPESU 5:3

Nanhte gaw Karai Kasang a amyu masha ni rai nga myit dai majaw, hpye ai amu, n san n seng ai yawng hte hte nammak lawhpa ai hte seng ai lam ni nanhte hta e ga hte pyi n tsun myit ga,

TARA JAHPRANG 22:30

“Kadai mung tinang a kawa a madu jan ni langai ngai hte kanawn nna kawa hpe arawng jahpoi ya lu na n rai.

TARA JAHPRANG 27:20

“ ‘Kawa a madu jan ni hte nga sha let, kawa a sari jahpoi ya ai wa kadai mung Karai Kasang jaw ai dagam dala hkrum u ga law.’ Shaloi amyu masha ni yawng gaw, ‘Amen!,’ ngu nna htan na mara ai.

KOLOSE 3:5

Dai re ai majaw anhte a kata e amu galaw nga ai mungkan ga a ra marin ai myit ni, hpye ai amu, n tsawm n htap awu asin re ai amu, ngang kayut ai, n hkru n hkra re ai marin marit ai hte lawhpa ai (lawhpa ai gaw gawkngu naw ai amyu mi rai nga ai.) lam re ai ni hpe nanhte sat kau lu na rai myit dai.

1 HTESALONI 4:7

Karai Kasang gaw anhte hpe n san n seng ai asak hkrung lam hta hkrung nga na matu shaga la mi ai n rai. Chyoi pra ai asak hkrung lam hta nga na matu she shaga la mani ai.

SHINGRAN 2:21

Ngai shi hpe yubak mara ni kaw na myit malai lu na aten jaw da rai ti mung, shi a hpye ai amu lam hta na myit malai n lu hkraw nga ai.

SHINGRAN 21:8

Rai ti mung, hkrit ai myit rawng ai ni, n kam n sham nna sadi n dung ai ni, n hkru n kaja matsat shabat re ai ni, masha sat ai ni, hpye ai amu galaw ai ni, mandan lakle galaw ai ni, sumla nawku ai ni hte, masu magaw ga tsun ai ni yawng hte gaw, wan hte kan grung ai nawng hta ari hkrum lu na mara ai: dai gaw lahkawng lang na si ai lam rai nga ai, nga nna ngai hpe tsun ai.

1 SAMUELA 2:24

Ngai sha yan e, dai zawn re ai lam hpe jahkring kau manu! Ya dai Madu a amyu masha ni tsun kajai nga ai lam gaw hkrit kajawng hpa amu she rai nga ai!