1 KORINHTU 4:9 - Jinghpaw Common Language Bible 2009

⁹ Hpa majaw nga yang, majan poi awng dang nna yan hkawm dan ai shaloi, sat kau hkrum na bawng ni hpe hpang ningdim e hkan nang shangun ai zawn, Karai Kasang gaw shinggyim masha ni hte lamu kasa ni a man e jawm yu mada mu ga, anhte kasa ni hpe hpang ningdim tawn da mi ai ngu nna ngai myit nawn nngai.

Jinghpaw Hanson Version Bible

⁹ Kaning rai nme law, sat na matu san da ai ni hpe zawn, Karai Kasang gaw kasa ni ngu ai anhte hpe hpang chyahtum e shadan dan ma ni ai, ngai myit nga nngai: anhte gaw mungkan ga hte, lamu kasa ni hte shinggyim masha ni a man e, ginsup poi dan ai ni tai wa saga ai.

1 KORINHTU 4:9 ပူးပေါင်းရင်းမြစ်များ

SHAKAWN KUNGDAWN 44:22

Rai ti mung, na a majaw anhte aten shagu sat kau ai hkrum nga ga ai; sat na san da hkrum ai sagu ni zawn, anhte nawn da ai hkrum nga ga ai.

SHAKAWN KUNGDAWN 71:7

Nang gaw nye a n-gun ja ai shingbyi shara rai nga nit dai majaw; nye a asak prat gaw masha law law a man e, kasi tai nga li ai.

YEREMIA 20:18

Ngai hpa majaw shangai wa nga a ta? Ru tsang hte yawn hkyen ai chyu sha hkrum let kaya hkrum ai hte nye a aprat jahtum kau na matu rai nga a ni?

KASA 19:29

Dai marawn garu kasu kabrawng re ai lam mare ting chyam bra wa ai hte shawa masha ni mung Pawlu a manang Makedoni masha Geu yan Aristarku hpe rim dun la nna mare ting a shawa poi wang nta de htim bang wa ma ai.

KASA 19:31

Pawlu a jinghku rai nga ai dai ginwang du nkau mi mung, shi hpe poi wang de n shang na matu masha shangun nna tsun htet dat mu ai.

ROMA 8:36

Dai gaw, “Na a jaw e anhte shani shagu sat kau ai hkrum ga ai; sat na san da ai sagu hpe zawn anhte hpe nawn da mi ai,” nga nna Chyum Laika hta ka da ai hte maren rai nga ai.

1 KORINHTU 15:19

Ndai prat e sha Hkristu hta e myit mada shara lu ga yang gaw, anhte gaw mungkan ntsa na shinggyim masha yawng hta, grau nna matsan mayan hkrum ai ni rai nga ga ai.

2 KORINHTU 11:23

Shanhte Hkristu a shangun ma ni rai ma ni? Mana ai wa a ga zawn gaw nga ai, rai ti mung ngai gaw shanhte hta grau kaja ai shangun ma rai nngai. Ngai gaw shanhte hta grau nna amu bungli galaw shaja nngai, shanhte hta grau nna law law lang htawng hkrat nngai, shanhte hta grau nna shingna hkam sha ni ai, si hkrung si htan law law lang ngai grau hkrum nngai.

2 KORINHTU 6:9

Anhte gaw gade e me n dum n chye ai ni zawn rai ga ti mung kajai gumhkawng ai ni, masha jasi ni zawn rai ga ti mung ya nanhte mu lu ai hte maren, anhte ahkrung nga ga ai. Ari hkrum ga ai rai ti mung, anhte sat kau ai n hkrum ga ai.

1 HTESALONI 3:3

Nanhte hta na kadai mung ndai ya hkrum hkra nga ai zingri zingrat lam ni a majaw makam masham hta kangi kanga n rai myit ga, nanhte hpe shadaw shalan n-gun jaw na matu, nanhte hpang de shi hpe shangun dat ga ai: Ndai zingri zingrat ai lam ni hpe anhte hkrum hkra nga ai gaw, anhte a matu Karai Kasang a yaw shada ai lam daw chyen mi rai nga ai ngu ai hpe nanhte nan chye nga myit dai.

HEBRE 1:14

Dai rai yang gaw, lamu kasa ni gaw kadai ni rai nga ma ta? Shanhte gaw hkye hkrang la ai sali wunli hkam la na ni hpe karum na matu Karai Kasang e shangun dat hkrum ai hte Karai Kasang hpe daw jau nga ai wenyi ni rai ma ai.

HEBRE 10:33

Nanhte nan masha shawa a man e jahpoi asawng ai hte zingri zingrat ai lam ni ya sha ya sha hkrum lai wa manit dai, bai kaga aten ni hta gaw, nanhte zawn zingri zingrat hkrum sha nga ai manaw manang ni a maga de nga nna ruyak jam jau jawm hkam sha ai hku nna karum n-gun jaw manit dai.

HEBRE 11:36

Nkau mi gaw asawng asang anu kayat di nna gyit hkang sharen ai hte htawng hta bang da ai hkrum ma ai.