1 KORINHTU 4:8 - Jinghpaw Common Language Bible 2009

⁸ Ya nanhte hta ra mara hkum tsup hkra lu rau manit dai n rai ni? Nanhte lu su rau wa manit hka i? Anhte pyi hkawhkam garai n tai yang nanhte hkawhkam tai wa manit hka! Rai sa, nanhte hkawhkam tai yang she anhte mung nanhte hte rau hkaw dung lu na re ai majaw, kaja wa nanhte ni hkawhkam tai na ngai ra nga nngai.

Jinghpaw Hanson Version Bible

⁸ Ya hte sha nanhte hkru kat manit hka; ya hte sha nanhte sut su rau myit hka; anhte pyi n lawm ai sha nanhte up nga myit ni? gaja wa, anhte mung nanhte hte rau up nga lu u ga, nanhte up nga na ngai ra nga nngai.

1 KORINHTU 4:8 ပူးပေါင်းရင်းမြစ်များ

GA SHAGAWP 13:7

Masha nkau mi gaw sut su ai wa zawn zawn rai nga ma ti mung, shanhte hpa n lu nga ma ai; masha nkau mi matsan ai wa zawn zawn rai nga ma ti mung, sali wunli law law hpe madu tawn lu ma ai.

GA SHAGAWP 25:14

Jaw na ngu nna, ga sadi hkam la nhtawm, galoi mung n jaw ya ai ni gaw marang n jahtu ai sumwi hte nbung ni zawn rai ma ai.

ESAIA 5:21

Nang gaw dingnye hkrum nga ndai! Nang gaw hpaji rawng ai wa, grai ram dum ai wa hku nna nang myit nawn la nga ndai.

YEREMIA 28:6

“Mau na zawn re ai she rai sahka! Dai Madu gaw dai amu hpe galaw u ga, ngai myit mada nga nngai. Nawku Htingnu sut gan ni yawng hte bawng dung hkrum mat wa ai mung masha ni yawng hpe Babelon mung kaw nna shi bai woi wa na lam tsun ai na a myihtoi ga shi shadik ya na hpe ngai teng teng myit mada nga nngai.

BU HKAWM 11:29

Mawshe gaw, “Ngai hte seng ai amu hta myit hkan tsang nga n ni? Dai Madu gaw shi a amyu masha ni yawng hpe wenyi jaw ya nna myihtoi ni zawn shanhte yawng hpe marawn jahtau shangun na, ngai ra sharawng nga nngai!,” ngu nna htan wu ai.

MAHTE 5:1

Yesu gaw shawa masha wunawng wuwa kaba hpe mu hkrup jang, dai bum de shi lung wa sai. Dai kaw e shi dung nga yang, shi a sape ni shi kaw du mahkawng shinggrup nga ma ai rai nna,

LUKA 6:25

Ya hkru kat nga ai ni, nanhte hkrithpa dingnye lu myit dai; hpa majaw nga yang nanhte kawsi ai hkrum na marin dai. Ya mani nga ai ni, nanhte hkrithpa dingnye lu myit dai: kaning rai nme law, nanhte gaw sharung shayawt ai hte hkrap ngu hkrap ngoi ai hkrum na marin dai.

KASA 26:29

Bai Pawlu gaw, “Aten kadun sha mi rai tim, aten galu wa rai tim Hkawhkam wa hte hpawn nang e nga ai ni nlang hte gaw, nye a htawng masha tai ai aya hta lai nna, ngai zawn re ai hkrai byin wa na matu Karai Kasang kaw ngai akyu hpyi nngai!,” ngu wu ai.

ROMA 12:3

Dai rai nna, kadai mung tinang hkum hpe mai myit ai hta jan nna nau wa n rai dum na matu Karai Kasang ngai hpe jaw ai Wenyi chyeju kumhpa a marang e nanhte langai hte langai hpe ngai htet shana dat nngai. Shing rai na malai nanhte langai hte langai hpe makam masham ren di nna garan jaw da sai hte maren tinang a hkum hpe sari rawng ai hku myit yu nna daw dan la u ga

1 KORINHTU 1:5

Nanhte gaw Hkristu hte langai sha tai nga myit dai majaw, n-gup atsam hte chye chyang ai lam shagu hta, nanhte shi hta hkum tsup nga manit dai.

1 KORINHTU 4:18

Nanhte hpang de ngai bai n sa du sana zawn nawn nna, nanhte hta na nkau mi gaw gumrawng gumtawng rai wa masai.

1 KORINHTU 5:6

Nanhte gumrawng gumtawng rai nga na gaw n jaw n kaja nga ai. “Matsi loi mi gaw muk tawng ting hpe shabawm dat wu ai,” nga ai ga malai hpe nanhte n na yu myit ni?

2 KORINHTU 11:1

Ngai loi mi angawk ai mara hpe nanhte sharang ya mi ga ngai ra nga nngai. Chyeju hte kaja wa sharang ya mi.

2 KORINHTU 13:9

Dai rai nna, anhte gawng kya nga nna nanhte n-gun ja nga yang, anhte kabu gara ga ai. Shing rai nanhte hkum tsup ai ni rai wa myit ga mung anhte akyu hpyi nga ga ai.

GALATI 6:3

Masha langai ngai gaw ahkyak ai masha kaja garai n tai yang ahkyak ai masha rai ni ai nga nna tinang hkum hpe rai dum ai wa gaw, tinang a hkum hpe hkalem kau da wu ai.

HPILIPI 1:27

Ya e nanhte a matu grau nna ra ahkyak dik ai lam gaw Hkristu a kabu gara shiga e hkan sa shangun ai hte maren asak hkrung nga pra na lam rai nga ai. Shing rai jang ngai nanhte hpang de sa du ai rai ti mung, n du lu ai rai ti mung, Wenyi e yaw shada ai lam langai sha hte nanhte lahpran tsap nga nna, myit ra sharawng ai lam langai sha hte dai kabu gara shiga a makam masham lam ngang grin galu kaba wa na matu rau sha majan jawm gasat nga ai lam hpe ngai na lu na nngai.

HPILIPI 2:12

Dai re ai majaw ngai tsaw ra nga ai ni e nanhte hte ngai rau nga ai aten hta nanhte galoi mung nye a ga hpe madat mara myit dai zawn ya mung nanhte hte tsan gang nga ai ten hta nye a ga madat mara na gaw grau nna pyi ra ahkyak nga ai. Dai rai nna nanhte gaw hkye hkrang la ai lam hpe hpring tsup hkra lu la mu ga hkrit gari ai hte shachyen shatsup nga mu.

SHINGRAN 3:17

Nang gaw, ‘Ngai sut su nga nngai, ngai hta sut ring gan chying sali ai; ngai hta ra ai lam yawng ngai lu se ai,’ nga nna tsun nga ndai. Rai ti mung nang gaw, gade wa tsin-yam tsindam hte chyaren karen ai wa, matsan mayan myi kyaw ai hte singgu krin re ai wa nang rai nga ndai hpe nang n chye nga n hka!

SHINGRAN 5:10

Nang gaw shanhte hpe, anhte a Karai Kasang hpe daw jau ai amu gun hpai lu na matu hkawhkam mungdan hte hkinjawng amyu langai mi shatai nu ai hte, shanhte gaw ga ntsa e up hkang na ahkang aya lu na mara ai.”